Kunming Hujumchisi Iskender Exetning Dadisi «Mesile Tapshurush» qa Zorlanghan

Künming weqesi gumandari iskender exet

Künming weqesi gumandari iskender exet

Photo: RFA

Uyghur rayonida dawam qiliwatqan «mesile tapshurush» siyasiy herikitide kishiler özlirining nöwettikila emes, 10-15 Yil awwalqi, öziningla emes, uruq-Tughqanliriningmu atalmish mesililirini tapshurush we boynigha élishqa mejburlanmaqta. Mesile tapshurush wehimilik dawam qiliwatqan jaylardin béri, kuchaning uzun yéza séghiz söget kenti. Melum bolushiche, 2013-Yili yüz bergen kunming poyiz istansisigha hujum qilish weqesining bash gumandari iskender exet, séghiz sögettin bolup, uning dadisi exet bu qétimqi mesile tapshurushta nuqtiliq kishige aylanghan we atalmish xataliqini boynigha élishqa zorlanghan.

Dunya uyghur qurultiyi diniy ishlar komitéti mesuli turghunjan alawudun, radiyomizgha bu heqte pikir bayan qilip, mesile tapshurushqa tégishlik terepning bigunah puqralar emes, xitay dairiliri ikenlikini ilgiri sürdi.

Hörmetlik radiyo anglighuchilar, ötken ayda radiyomizgha uchur yetküzgen bir anglighuchimiz, kucha séghizsögette dawam qiliwatqan mesile tapshurush herikitide iskender exet isimlik bir sabiq mehbusning aile-Tawabiatining awarigerchilikke uchrawatqanliqi, bolupmu gumandarning dadisi exet dégen kishining oghlining jinayitining birqsimini boynigha élishqa qistiliwatqanliqi heqqide melumat bergen. Uyghur rayoni we xitay ölkiliride yüz bergen qanliq weqe weqeler heqqidiki matériyallarda körsitilishiche, iskender exet 2013-Yili 3-Ayning 1-Küni yüz bergen kunming pichaqliq hujum weqesining bash gumandari bolup, u weqedin kéyin yünnen aliy sot mehkimisi teripidin ölümge buyrulup, jazasi ijra qilinghan. Aridin az kem 4 yil ötkende iskenderning qilmishi seweblik, dadisi exet yene bir qétim soraqqa tartilghan. Mezkur uchurda yene déyilishiche, iskenderning dadisi bu qétimqi soraqta, weqe yüz bergen yildikidin perqliq halda, balisini yaxshi terbiyilimigenliki, balisining ish-Herikitige köz-Qulaq salmighanliqi, kunminggha ketkenlikidin melumat bermesilik qatarliq bir qatar atalmish xataliqlirini boynigha élishqa qistalghan. Séghiz sögetke qarita élip barghan téléfon ziyaritimiz dawamida, yuqiriqi uchurda déyilgenlerning toghriliqi delillendi. Mezkur kentke mesul saqchi xadimi özining iskender exetning dadisini soraq qilghan we u heqte arxip turghuzghanliqini pash qildi.

Anglighuchimiz teripidin yollanghan yuqiriqi inkasta bayan qilinishiche, bu qétimqi mesile tapshurush dolqunida, séghiz söget kentidiki birmu kishi, bu heriketning sirtida qalalmighan. Emma kenttiki chetel körgenler, jümlidin tarqaq hej qilghanlar bilen sabiq gumandarlar aile-Tawabiati bu qétimqi heriketning merkizi obyékti bolghan. Bu heqte radiyomiz ziyaritini qobul qilghan dunya uyghur qurultiyi diniy ishlar komitéti mesuli turghunjan alawudun ependi, uyghur rayonida mesile tapshurushqa tégishlik kishilerning bigunah puqralar emes, rayonni idare qiliwatqan xitay dairiliri ikenlikini tekitlidi. Uyghur rayonidiki tinchliqning xitay ishghaliyiti bilen buzulghanliqini ilgiri sürgen turghunjan ependi, mesile tapshurushqa toghra kelse, uyghur rayonida qanliq basturush élip bériwatqan xitay dairiliri we ularning yerliktiki shériklirining hésab bérishi kéreklikini otturigha qoydi. U bu nuqtida, xitayning uyghur ziyaliysi ilham toxtini muddetsiz késishini, xitay hésab bérishke tégishlik jinayetlerdin biri süpitide tilgha élip ötti.

Yuqiridiki ulinishtin, muxbirimiz shöhret hoshurning bu heqte teyyarlighan programmisining tepsilatini anglaysiler.(Shöhret Hoshur)

Advertisements

About The Eastturkistan Government in Exile
The Official Webseite of Eastturkistan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: