Xitay Kommunist Partiyisi We Uyghurili Aliy Mektepleridiki Dewlet Térori

1408426304414790

Xitay kommunist partiyesining uyghur rayonidiki sékrétari chén chüengo 4-Ayning 10-, 11-Künliri «aptonom rayonluq aliy mekteplerning idiyewi-Siyasiy xizmet yighini» échip,
Aliy mekteplerde partiyining rehberlikide ching turush bölgünchilikke qarshi turush kürishi idiyiwi terbiyisini chongqurlashturush telep qilghan. Xitayning uyghur élidiki aliy bilim yurtlirigha qaratqan siyasetliri chetellerdiki bilim ademlirining inkasini qozghimaqta.

Uyghur élidiki aliy mekteplerning idiyewi-Siyasiy xizmiti yighinida, partkom sékrétari chén chüengo aliy mekteplerni bashqurushta partiyening aliy mekteplerning xizmitige bolghan rehberlikide ching turush, aliy mekteplerning idiyiwi-Siyasiy xizmitige bolghan teshkiliy rehberlikni kücheytish, partkom rehberlikidiki mektep mudiri mesul bolush tüzümini estayidil ijra qilish dégenlerni tekitligen. U yene semimiy-Sadiq, ishenchlik oqutquchilar qoshuni qurush, idiyewi-Siyasiy xizmetning eneniwi ewzelliki bilen uchur téxnikisining yüksek yughurulushini ilgiri sürüshni telep qilghan hemde aliy mektep oqutquchilirining öz sadaqiti bilen aliy mekteplerning bashtin-Axir sotsiyalizm ishlirining layaqetlik qurghuchiliri we ishenchlik izbasarlirini terbiyeleydighan mustehkem baza bolushigha kapaletlik qilish kéreklikini tekitligen.

Yéqinda amérikigha kelgen, ilgiri uyghur élidiki asasliq aliy bilim yurtlirining biride xizmet qilghan bir oqutquchi uyghur élidiki aliy mekteplerning siyasiy hawasining ezeldin yuqiri bolup kéliwatqanliqi, oqutquchi-Oqughuchilarning ularning ilim élish, özini pen téxnika yéngi bilimliri bilen mukemmelleshtürüsh pursetliridin yiraq qalduruwatqanliqini bildürdi.

31-Mart, shinjang uniwérsitéti tor bétide shu küni shinjang uniwérsitétining kadirlar yighini chaqirilip, uniwérsitétning mudiri doktor tashpolat téyipni wezipisidin qaldurup, uning ornigha aptonom rayonluq partiye mektipining mudiri bolghan weli baratning wezipige teyinlengenliki xewer qilinghan idi.

Tashpolat téyip 2010-Yili 12-Ayda uniwérsitétning mudirliq wezipisini öz üstige alghan bolup, u yaponiyede tebiiy penler sahesi boyiche doktorluq unwanigha ige bolghan uyghur ziyaliysi idi.

Analizchilarning qarishiche, chén chüengo uyghur rayoni partkom sékrétarliqigha teyinlengendin kéyin, her sahe we her jayda «ikki yüzlimichi emeldarlarni jazalash» yuqiri dolquni hasil qilghan bir peytte shinjang uniwérsitétining mudiri tashpolat téyipning wezipisidin qaldurulushi we arqidinla aptonom rayonluq aliy mekteplerning idiyiwi-Siyasiy xizmet yighini échilip, «aliy mekteptin ibaret bu asasiy bazini ching tutush» ni tekitleshtek siyasiy keypiyat uyghur aptonom rayonidiki aliy mekteplerde siyasiy jehette küchlük bir keypiyatning dawam sürüwatqanliqini hem aliy mekteplerdiki omumyüzlük duch kéliwatqan xirislarning téximu keskin, téximu éghirliqini körsitip bermekte iken.

Uyghur élidiki aliy bilim yurtlirining weziyitining özide endishe peyda qilghanliqini bayan qilghan londondiki uyghur ziyaliysi doktor ayshemgül xanim: «bésim bar yerde elwette qarshiliq bolidu, xitay dairiliri bu xil ilim-Meripetke yat bolghan siyasiy tedbirler bilen uyghur élidiki özliri dewatqan aliy mekteplerdin ibaret bazini ching saqlishi uzungha barmaydu» dep körsetti.(Gülchéhre)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: