Kolléktip Hipnoz, Sublimatsiyon we Hipnozning Roli Heqqide !

18556084_1964227926936123_4709621983838161991_n

Autori:Korash Atahan

Kolliktip hipnoz, sublimatsiyon we hipnozning roli heqqide !

Hipnoz eslide bir türlük yekke pisixik dawalashta qollunilidighan sünniy uxlutushtur. Sublimatsiyon bolsa hipnoz qilishta kam bolsa bolmaydighan bir türlük téxnikiwiy hadise bolup, objekttiki sheyining ichige uni yükseltidighan yaki itibarsizlashturidighan mezmunni yerleshtürüsh démektur.Bu ikkisi eslinde awropada eng deslepte her türlük késelliklerni, bolupmu tughma yaki kéyin peyda bolghan rohiy késellerni dawalashta keng qollunilghan.
Subliminal söz-heriket, oy-pikir, ishare we belgüler hipnozda sublimatsiyelik muhim rol oynaydu. Hipnozning türliri nahayiti köp. Hipnoz künimizde subliminalliq wastiler arqiliq ishlengen chong we kichik tiptiki pisixikliq dawalash, sotsiyal we politikal inshahatlarning hemmiside bardur. Bu ilimni keship qilghan we dunyache shöhret qazanghan dangliq pisikiyaristlardin Segmun Firoyed, Gustaf Jung we Gérhard Adler…qatarliqlar bar!
Deslepte hipnoz qilishta ishlitilgen subliminal sheyi we hadisiler keýin herbiy hazirliq, shipiyonajliq, kéngeymichilik we soda sahesidiki mexpiy urushlargha qeder tedbiqlandi.Hipnoz shexis we etnik topluqlar untup ketken emma herbireylenning yaki kolléktipning yoshurun ang qatlimida xuddi kül astida saqlinip kelgen choghdek xatirilerni oyghitidu. Pisixologlar hipnoz jeryanida her türlük qedimiy simiwoll we motiflarning sayiside insanning rohi alimini ghidiqlap, shexis yaki bir kolliktipni eqil we tejribe siritidiki hés qilip yétish asan bolmaydighan ajayip bir rohiy dunyagha bashlaydu.
Hipnoz shexis yaki milletni qisqa we uzaq muddetlik yaki qerellik tekrarlinip turidighan sirliq tiranzaksiyongha zorlaydighan pisixikiwiy meditsinaliq jeryan bolup, bu xil méditationning saheside bezi kishiler yaki xeliqler saghlam we jessurlashsa, bezi shexis we xeliqler topi éghir rohiy késellik derijisige yetken ümitsizlik we chüshkünlükke giriptar bolidu.Sublimatsiyon qollinimi künimizde tereqqiy qilghan milletler teripidin xuddi hipnozgha oxshashla yaxshi we yaman ishlar üchün keng türde ishlitilmekte we kilinikiliq dawalashqa qoshup paydilinilmaqta.
Pisixologlar her türlük ihtiyajlar sewebidin sublimatik motiflardin paydilinip, yoshurun angning sirliq shifirlerini buzup tashlap, shexisni yaki kolléktipni özi tewe bolmighan hissiy we annormal dunyada jismaniy yaki rohiy heriket qilduridu. Pisixologlar ulapla yene öz ghayisige asasen obyekitni hipnoz jeryanigha muptila qildu, shu asasta özining heriket pilanigha yol achidu.
Pisixologlar ilgiri bu xil usul arqiliq her türlük pisixik we rohiy késellerni dawalighan we jinayi ishlarni pash qilip, insanlarning ijtimayi, siyasiy we iqtisadiy menpeetlirini qoghdighan bolsa, bugün ilgirkige tamamen oxshimaydighan shekilde milletler we dinlar ottursidiki sürkülüshlerde aldimizgha chiqmaqta.
Hipnoz qilishtiki sublimatik usullarda sünniy uxlutush arqiliq pisixik dawalash téxnikisi emdi yer shari xaraktérliq siyasiy, eskiriy we iqtisadiy küch sinishishlarda keng kölemde qollunilmaqta. Bu eslide pelesepe we siyaset sahesidiki atom bomba bolup, uni hazir qarangghuluqtiki yaman küchler bir qisim milletlerni meniwiy tereptin uxlutush, kingeymichilik qilish we bayliqlarni bulang-talang qilish üchün bes-beste sinaq qilmaqta we qollanmaqta!
Bezide etrapimizdikiler turupla özgürep ketidu, nime bolghanliqini bir türlük angqiralmaymiz we bilelmeyla kétimiz. Bu janliqlarning jümlidin insanlarning tebiyet we ijtimahiyettin kélidighan her türlük sublimatik tesirler astida sirliq uyqugha ketish bolup, bu halette shexisler we milletler angliq türde öz aldigha pikir qilalmaydu. Kisip eytishqa boludiki kolliktip hipnozdiki sublimatik amillarning ichkiy we tashqiy tereptin bolidighan ghidiqlashlarning sewebidin insanlar omumiy yüzlük özini untup we özidin yatliship ketiwatidu. Ewlatlirimizni bizdin, erlerni xotunlardin, xotunlarni erlerdin hetta milletlerni özidin bulap kétiwatqan küch, bugünki hipnoz we subliminal hadisatlardin tughuliwatidu. Bu hadiseler xuddi qarabaladek yamrap kéliwatqan turuqluq, kishiler xuddi bizge oxshash asman örülüp chüshiwatsa astida perwasiz halette xatirjem manta yewatidu!
Kino, telveziye tiyatiri, Radio, Televezor, gezit, jornal, dinni arqa körünüsh qilghan sapasiz wehez-nesehetler, didarkatip (Facebook)tiki her xil chéchilangghu iddiyler, Didarposta (Facebook Messenger)ki kichik erzimes uchurlar, Ündidar, Watsepp…qatarliqlardiki uchur almashturushlarning jemiyet tereqqiyatigha nisbiten pozitif tesiri bolghanidin bashqa nigatif tesiri téximu yaman bolmaqta…Moderin téxniklarning yer sharigha yamrishi yumshaq élimlarda keskin tereqqiyatlarni keltürüp chiqardi. Dewir yéngilandi, baylar bilen namratlar, bilimlikler bilen bilimsizler, saghlamlar bilen késeller arisida ghayet zor uchurumlar barliqqa keldi. Dada balini, bala anani, millet ejdadini, xeliq ewladini diqqet qilmisa yüttürüp qoyidighan xeterlik zaman ichige kirip kelduq!
Tinichliq teswirlengen filimlarda hipnoz we sublimatsiyelik téxnika ishlitilip, urush gewdilendürüldi. Bexit we muhabbet teswirlengen kitaplarda apet we nepretni ishare qilishti. Meshhur shexisler teswirliride düshmenlerning chirayini ekis etturushti yaki melum bir sistimini yiqitidighan renglerni alahiyde tallap ishlitishti. Milliy we diniy qediriyetler ekis etken motiflarning ichige milletni we dinni inkar qilidighan we kemsitidighan mexpiy belgülerni yoshurun yerleshtürüsh qatarliq usullarni qollandi.
Meselen: Xitayda ishlengen jaynamazlarning rukugha baridighan yérige tongguzning resimini chandurmay yoshurup qoyush, balilarning qonchaq filimlirige bashtin axirghiche sekishwal mezmunlardiki meynet terkiplerni yoshurun qisturush we jaylashturush….qatarliqlar!
Hipnoz ilimining tereqqiyati ilim dunyasigha qattiq küchlük tesir körsetti. Pelesepe, antérpologiye, pisixologiye, astirologiye , sotsiologiye, matimatika we biologiye qatarliq ilimlar yip-yéngi bir basquchqa kirip keldi. Adem ewladi özining sewebidin qéchip qutulalmaydighan xeterlik teqdirge duch keldi. Ilgirki hipnoz we sublimatsiyede sünniy uxlutush arqiliq meshghulat élip barghan bolsa hazir maaripni we teshwiqatni monopol qilish we pilanlash arqisida, insanlarni sünniy uxlatmay turupmu, oyghaq halettiki chüsh dunyasigha bashlap kireleydighan usullar keship qilinmaqta. Bolupmu hazir qoyuliwatqan qonchaq filimler we neshir qiliniwatan balilargha ayit kitaplarda exlaqtin söz achqili bolmaydu. Télivizor we kinoxanilarda ishenmeslik, düshmenlik, weyran qilish we yoqutiwitish teshebbus qilinmaqta.Balilirimizla emes adettiki ademlirimizmu ganggirapla qaldi, nime qilishini bilmey, pisixikisi ghelite bolup kétiwatidu.Inaq aililer buzulup, balilar yétim boliwatidu.Bularning hemmisi pilanliq yolgha qoyulghan kolliktip hipnoz we subliminal hujumlardin boliwatidu. Bezi dewletlerde we bezi puldar aililerde balilar pilanliq türde telivezor we exlet kitaplardin uzaq tutiliwatidu.Bizning özimizning we perzentlirimizning meniwiy ehtiyajini tolduridighan bashqa küchlük we zamaniwiy bayliqimiz bolmighachqa, ot ichige öz ayaqlirimiz bilen kirip kétiwatimiz!
Hazirqi zaman okkultik ilimlarda ademler mexpiy shekilde türlerge ayriwétilgen bolup, bezi insan toplirining qimmiti yene bezi haywan türlirige mensup qilip qoyuldi.Adem ataning jennettiki almini yep tashlishi, niyotonning shéxidin tökülgen alma arqiliq yerning tartishküchi qanuniyitini keship qilishi we alma kompeyutér sistemisining keship qilinishi, hipnoz we subliminal hadisatlirining téximu yamrap kétishining insanlar tarixidiki yiltizidur!
Bugünki künde mikrosoft we alma kompéyutérliri sewebidin insanlar duch kéliwatqan ayding we qarangghu menbelerdin kéliwatqan her türlük pisixik jenglerde, izchil qolluniliwatqan hipnozik ilimlarning tesirini bayqash we waqtida tedbir qollunush bekla tes mesele bolup qaldi. Bu ishta ata-analar bashlamchiliq bilen özini qoghdap, balalargha ijabiy örnek yaritip berishi, mektepler derijidin tashqiri chichenlik bilen ewlatlarni her türlük yaman hojumlardin angliq halda muhapizet qilishi lazim!
Ademlerni hazirqi zaman uchur-alaqe wastilliri pisixologiye tereptin saqaymas, saqaysimu asaretidin asan qutulghili bolmaydighan kesellerge giriptar qildi. Herqandaq késelningmu bir dorisi barliqni unutmasliqimiz lazim!
Pisikiyarist Segmund Froyed pisixologiydiki riyalliqni türlerge ayrip, deslepki ang, ang we yoshurun anggha bölgenidi.. Segmund Froyed yene janliqlarning mewjutliqini bir türlük uzaqqa sozulghan uxlashqa oxshutup, ademlerning hayati, uxlimay körgen bir chüshtur, dégenidi.
Segmund Froyedning bu nezeriysi insanlarning eqil-parasitini insanlar üchün bir jehennemge baridighan yolgha aylanduriwetti. Insanlar shu nezeriyedin yolgha chiqip hipnoz we sublimatik simiwollardin janliq we nezeriyiwi paydilinip, oxshimighan shekildiki bilimlerning wastisi bilen uyquning her xil türlirni keship qildi we insanlarni xuddi yirtquch haywanlarni qepez ichige benit qilghandekla rehimsizlik bilen qarangghu bir zindangha tashliweti.
Ilim-pen yeni medeniyet tereqqiy qilghanche hayatliq mümkinatliri chölliship, muhabbet nepretke, rabbim insanlargha ata qilghan bu jennet makan her terepni nale peryat qaplighan jehennemge aylinip ketti. Atom bombiliri, ximiylik qurallar, biologiylik qurallar, adem qiynaydighan üsküniler we qan purap turidighan türmilerning kim teripidin kimler üchün keship qilinghanliqi medeniyet dep qaraldi.
Dunyada omumiy yüzlük pisixik bozuqchiliq yamrap ketti. Pisixik bozuqchiliq shu derijige yettiki, hazir dunyada kim saghlam, kim kesel asanliqche bilgilimu bolmaydu. Küchlükler ajizlarni jümlidin bizge oxshaydighan mezlum xeliqlerni pilanliq koldurlitiwatidu. Emperiyal küchler rayonlar ara menpeetlirini garanti astigha élish üchün dinlarni süyistimal qilip, bilip turup 21-esirde ottura esir borinini chiqiriwetti. Milliy enenillirimiz, islamiy itiqadimiz we tarixi uzun shanliq medeniyitimizni ilim-pen yéngiliqliri arqiliq béyitish we uning roli arqiliq sirittin kélidighan tehditlerge ünümlük taqabil turush arqiliq ewlatlarni qutquzush hemmidin muhim bolghan wezipilerning biridur.
Nurghun milletlerning jümlidin xitay millitining hazirqi kolliktip pisixik halitidimu binormal hadisiler küchiyiwatidu. Xitay millitining hüriyet tarixi uyghurlarning mustemlike tarixidinmu qisqa turuqluq, qulluqta ming yillap yashighan bu milletning uyghurlargha dehshetlik zulum selishi, xitaylarning kolliktip pisixik késellikining shühbesiz alamitidur. Xitaylarning uyghur qatarliq mustemlike milletlerning üstidin élip bériwatqan érqiy we kultural qirghinchiliqi, kolléktip hipnoz hujumigha uchrighan bir xeliqning yene bir mezlum xeliqqe bashlighan pisixik hujumidin qanap chiqqan bolup, bu hadise qarangghu dunyadiki sirliq küchlerning hipnoz hujumigha uchrighan bir xeliqning bashqilardin öch élish üchün özini kemsitish we özini xorlash xaraktérini alghan achchiq tiragédiyesidur. Mana mushundaq bir qatar pisixologiylik urushlar netijiside xitay millitining kelichigimu xuddi tarixta özini-özi halak qilghan xeliqlerningkige oxshashla qaranghu we bekla xeterlik bir basquchqa allaburun kirip boldi!
Hipnozdin ibaret bu xil pisixik kontrol qilish artuqche sir bolmay qalghan bir dewirde yashawatimiz. Belki birawlar bashqa bir mexsette biz uyghurlarni herxil goruppilargha ayrip, her bir goruppining üstidinmu bilindürmey bu xil hipnoz yeni pisixik narkoz usulni qolliniwatqan bolishi mumkin. Bugünki meniwiyitimizdiki chéchilangghuluq, milliy pisixikimizdiki buzulush, birlik we barawerlikimizdiki chuwalchaqliqlarning yamrap kétishi düshmen küchlerning bizge qarshi tüzgen projekitliridin yiltiz tartip chiqqan bolishi mumkin!
Hazir bezi kishiler toghra dep ishinip qélip, alla burun yughushturiwalghili bolmaydighan xata yollargha kirip ketip boldi….Bu yaman hadisilerni tügütüp meniwiy saghlamliqni ongshashqa eqliy, ilmiy we meniwiy küch ketidu! Eslide heqiqet bir qilip yaritilghan, bexitsiz bir xeliqning arisida eger hemme adem heqiqet we ölchemlirini öz aldigha ayrim békitiwalghan bolsa, hemmeylen öziningkinila toghra dese, bu halda ehwal bekla xeterlik hésaplinidu!
Oyghunush kerek! Mana eshu yalghan uyqudin oyghunushnila heqiqi oyghunush deymiz! Biz uyghurlar eslide yéngiliq söyer, tereqqiy perwer, meripetperwer ilghar bir xeliqning kéyinki ewlatliri iduq. Kiyin ikki esir bolupmu xitay mustemlikiside ötken 70 yil, xelqimizni 21-yüz yildamu ottura esir qarangghuliqigha ittiriwatidu.
Biz oyghunishqa muhtaj! Biz nahayiti köp Qutluq Shewqi, Abduhaliq Uyghuri we Memtili ependilerge muhtaj boliwatimiz…Hazir bizde bilermenler xéli jiq, emma bilimliklerde milliy meselilerde programmiliq we pilanliq izdinish az, ilmiy tereptin millitimizge heqiqi paydiliq shekilde teshkilatlinish yoq, yetim-aqsaqallar köp emma özini ajayip chaghlighanlarning ichide chare-tedbirlikler az boliwatidu!
Kastiyum-burulka keyip, galistuk taqash, bir ikki diploma élip, maashi yaxshiraq bir yerde ishlesh emes, xelqimizni siyasiy, iqtisadiy we sotsiyal qiyinchiliqlardin qandaq qutquzushni ghaye qilish lazim. Millitimizning shunche köp munewer perzentliri chetellerde we wetinimizde yüksek telim-terbiye kördi. Millet jiddiy meselige duch kelgende, qiyinchiliqqa yoluqqanda nime üchün ularning sayisinimu tapqili bolmaydighanliqi, ziyalilar sinipining keng-kölemde sirliq küchler teripidin hipnozgha tebiy tutulghanliqidin boliwatqan bolishi mumkin.
Ziyalilar millitimizning béshigha kün chüshken bugünkidek yaman künlerde millitimizning köksidiki qalqan, béshidiki sayiwen we qolidiki özini qoghdash qurali bolishi lazim. Ziyalilarni oyghutush, ular arqiliq millitimizni közge körünidighan we közge körünmeydighan her türlük yaman hujumlargha qarshi segekleshtürüsh her bir terbiye körgen wijdanliq weten ewladining milliy buruchidur!
Hazirqi ehwalimiz bekla yaman, dewliti bar milletlerning ghemini hökümiti qiliwatidu.Bizge oxshaydighan mustemlike astidiki milletning ghémini qilishqa rabbimdin bashqa bir küch yoq boliwatidu. Biz bir tereptin xelqara düshmen küchlerning zerbisige uchrisaq, yene bir tereptin xitaylarning wehshiyane bésimigha duch kelduq. Tirishmisaq, izdenmisek we barliq seplerde teng küresh qilmisaq kéyin pushayman téximu chong bolidu. Millet Allahning özige amanet….Bir ulugh suda éqip kétiwatimiz…dolqunlar bizni qeyerge tashlaydu, bilgili bolmaydu!
Zamaniwiy penniy maariptin aqilane paydilinishtin bashqa herqandaq nerse yersharini qaplighan meniwiy kirzistin bizni qutulduralmaydu! Zamaniwiy maaripni yolgha qoyushta medeniyet we ilim-pen sahesidiki milliy enenillirimizdin tereqqiy qildurulghan hipnozdin we milliy simiwollardin önümlük paydilinip, yaman süpetlik hipnozning xeterlik tesirining aldini élishqa bolidu! Künimizde hipnozdin ünümlik paydilish peqet kesel dawalashla bolup qalmastin eksiche urush qilmay turup ghelbe qazinish bolup hésaplinidu!

19.05.2017 Germaniye

Kolléktip Hipnoz, Sublimatsiyon we Hipnozning Roli Heqqide !

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: