Qeshqerdiki Ataqliq Ölima Ablimit Damolla Hajim Tutqun Qilinghan

Qeshqer shehridiki tutqun qilinghan diniy zat ablimit damollar hajim (waqti we orni éniq emes)

Qeshqer shehridiki tutqun qilinghan diniy zat ablimit damollar hajim (waqti we orni éniq emes)

RFA/Qutluq

Her qaysi ellerde muhajirette yashawatqan uyghurlardin bir qismi bügün ziyaritimizni qobul qilip, özining mol penniy we diniy bilimliri bilen qeshqer xelqining hörmitige sazawer bolghan, 1980-Yillarning axirida meripetperwer sodigerlerning iqtisadiy yardimi bilen xelqning bashqurushidiki «qeshqer til-Téxnika mektipi» ni qurghan, qeshqer shehiridiki toqquztash meschitining xatipi, 78 yashtin halqighan ataqliq ölima ablimit damolla hajimning bir ay ilgiri qeshqer sheherlik jamaet xewpsizlik idarisi birinchi bashqarmisi teripidin tutqun qilinghanliqini ilgiri sürdi.

Aldi bilen téléfon ziyaritimizni qobul qilghan, hazir ereb birleshme xelipilikide tijaret bilen shughulliniwatqan uyghur tijaretchi batur, yéqinda xitay ölkilirige tijaretke barghanda shu yerdiki uyghurlardin ablimit damolla hajimning xitay qanun organliri teripidin bir ay ilgiri qolgha élinghanliqi toghrisidiki anglighanlirini bayan qildi.

Téléfon ziyaritimizni qobul qilghan, yéqinda qeshqerge tughqan yoqlashqa bérip kelgen, hazir yawropadiki melum bir dölette yashawatqan tomaris xanim özining qeshqerdiki uruq-Tughqan, dost-Yarenliridin bu heqte anglighanlirini bildürdi.

Biz yuqiriqi muhajirette yashawatqan ikki neper uyghurning qeshqerdiki ablimit damolla hajimning qolgha élinghanliqi toghrisidiki uchurlirigha asasen, qeshqer sheherlik jamaet xewpsizlik idarisige téléfon qilip bu heqte uchur igileshke tirishqan bolsaqmu, biraq téléfonimizni qobul qilghan ikki neper uyghur saqchi bu ishtin özlirining xewersiz ikenlikini ilgiri sürüp, bu heqtiki soalimizgha jawab bérishtin özlirini qachurdi.

Biz bu heqte téximu ilgiriligen halda toluq melumatqa érishish üchün, hazir türkiyede hijrette yashawatqan, nam-Sheripini ashkarilashni xalimighan, ablimit damolla hajimning tughqanliridin biri bilen bu heqte téléfon söhbiti élip barghinimizda, bu kishi ablimit damolla hajimning we ailisidikilerning tutqun qilinghanliqini bildürdi.

Ilgiri qeshqerde ablimit damolla hajim bilen hemsöhbetlerde bolghan türkiyediki uyghurlardin hamut hajim téléfon ziyaritimizni qobul qilip, bir qanche aylar ilgiri türkiyege sayahetke kelgen uyghurlarning ablimit damolla hajimning uzundin buyan ailisige nezerbend qilinghanliqi heqqide éytqanliri toghrisida toxtaldi.

Igilishimizche, ablimit damolla hajim 1939-Yili qeshqerning opal yézisi bulaqbéshi mehelliside dunyagha kelgen bolup, qeshqerdiki ataqliq ölimalardin abduréshit qarihajim we atushtiki bir qisim diniy ölimalarda ilim tehsil qilghan, ereb, pars, ordo we türk tillirigha mukemmel bolghan, islam we uyghur tarixiy toghrisida belgilik bilimge ige meripetperwer diniy zatlardin biri hésablinidiken.(haji qutluq qadiri)

Yuqiriqi awaz ulinishidin tepsilatini anglang.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: