Sherqiy Türkistanliqlarning Ikkinchi Nöwetlik Istratégiye Muhakime Yighini Échiliwatidu

 

«Sherqiy türkistan istratégiye muhakime yighini» din bir körünüsh

«Sherqiy türkistan istratégiye muhakime yighini» din bir körünüsh

RFA/Ekrem

19-May bashlanghan istratégiye muhakime yighinida uyghurlarning teqdirige munasiwetlik muhim témilar muzakire qilindi. Gérmaniye paytexti bérlinda 19-May bashlanghan 2-Nöwetlik sherqiy türkistanliqlar istratégiye muhakime yighinida uyghurlarning bügüni we kelgüsige ait muhim mezmunlar muzakire témisi boldi.

20-May chüshtin burun, 11-Séntebir weqesidin kéyin xitay hökümitining uyghurlarni xelqaragha térrorist qilip körsitish üchün qollanghan pütün hiyle-Neyrengliri, uyghurlar mesilisining xelqara sehnidin orun élishi, xelqarada yüz bergen özgirishlerning uyghurlar mesilisige körsitidighan ijabiy yaki selbiy tesirliri, yüksiliwatqan xitay we dunyagha kélish éhtimali bolghan ichki-Tashqi weqeler, xitayning xelqara tüzüm we sistémigha tesir körsitishke urunushi, xitayning amérika, yawropa birliki, rusiye, yaponiye, hindistan, türkiye hem qoshna döletler bilen bolghan munasiwiti we buning uyghurlarning kélechikige körsitidighan tesiri, uyghurlar qollinishqa tégishlik tedbirler, kélechek üchün izdeshke tégishlik yollar qatarliqlar heqqide uzun-Bes munaziriler boldi.

Shuning bilen birge, uyghur éli duch kélidighan mesililer, muhajirettiki uyghur teshkilatlirining muresselishishi, uyghur siyasetchilerning kespiylishishi, maliye we xelqara jamaetchilik, uyghurlarning idéologiye mesilisi qatarliqlar asasliq söz témisigha aylandi.

Bu qétimqi yighingha türkiyedin kélip qatnashqan alimjan boghda ependi ziyaritimizni qobul qilghanda, yighinning dunya we uyghurlargha munasiwetlik sahelerde köp ilmiy izdinishlerde bolghanliqini eskertti. Amérikidin kelgen roshen abbas xanimmu yighinda otturigha qoyulghan bezi témilar toghrisida toxtaldi. U yene özining bu qétimqi yighindin alghan tesiratlirini bayan qilip ötti.
germaniye-uyghur-sherqiy-turkistan-istratigiye-muhakime-yighini-2017-2.png
20-Maydiki yighinda yene uyghurlarning kélechekte rusiye, yaponiye, hindistanda qolgha keltürüsh éhtimali bolghan siyasiy menpeetliri üstide uzun talash-Tartishlar bolundi.

Bügün bu döletler xitay bilen dost ötüwatqan bolsimu, emma kelgüside bu dostluqining buzulush mumkinlikini nezerge alghan asasta istratégiye belgileshning zörürlükide pikir birliki hasil qilindi.

Türkiyening dölet menpeeti seweblik xéli uzun bir mezgilgiche uyghurlarni xitay bilen bolghan munasiwette qurban qilishni dawamlashturidighanliqi mulahize qilindi.

Gollandiyedin kelgen abduraxman haji ependimu, bu yighindin köp nep alghanliqini, yighin mezmunlirining nezer dairisini kéngeytkenlikini tekitlidi.

Kanadadin kelgen ruqiye turdush xanimmu bu heqte öz tesiratlirini bildürüp ötti.

3 Kün dawamlishidighan bu yighinning bügünki programmisida, xitayning kelgüside halak bolush éhtimali barliqi we uyghurlarning azadliqi üchün bu pursettin qandaq paydilinish mesililirimu küntertipke keldi. Bu téma köp mulahize qilindi.

Yüz bérish éhtimali bolghan barliq mesililer nezerge élindi. Uyghurlar öz hakimiyitini qolgha keltürüshte kérekke kélidighan chare-Tedbirler heqqide köplep teklip pikirliri otturigha qoyuldi.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: