Élishqu Weqeside Xitay Eskerliridin Oq Yégen Saqchi Bashliqi Esqer Quddus Yene Östürülgen

Memliketlik teqdirlesh yighinigha qatnashqan saqchilar, 2017-Yili 19-May, ürümchi

Memliketlik teqdirlesh yighinigha qatnashqan saqchilar, 2017-Yili 19-May, ürümchi

Photo: RFA

Mukapatlanghan saqchilar heqqidiki ilgirilep ehwal éniqlishimiz dawamida, atalmish saqchi qehriman esqer quddusning yeken élishqu weqeside xitay eskerliri teripidin putigha oq tegken we buninggha naraziliq bildürmigenliki üchün, uning yeken nahiyisi j x idarisining dölet amanliqigha mesul bashliqliq mertiwisige, j x idarisining partkom heyiti mertiwisi qétilghanliqi ashkarilandi. Buni ashkarilighan yekendiki saqchi xadimliri, uning bu qétim memliketlik nemunichi saqchi bolushighimu élishqu weqeside oq yégenlikining seweb bolghanliqini ilgiri sürdi.

Melum bolushiche, xitay dairiliri esqer quddusqa oq tegkenlik weqesini xitayning saqchi sahesidiki teshwiqat matériyalliridimu sir tutqan. Shunga köpinche saqchilar, esqer quddusqa oq tegkenlikini uning sepdash we xizmetdashlirining éghizidin anglighan bolsimu, resmiy höjjet-Matériyallardin körmigen we uning éniq qeyirige oq tegkenlikidinmu xewersiz qalghan. Döngbagh yéziliq bir saqchi xadimining déyishiche, esqer quddusning putigha bir pay oq tekken. Bazar ichidiki bir saqchi xadimining öz saqchixana bashliqidin anglishiche, esqer quddusning zexmisi téxi teltöküs saqaymighan.

Yene saqchi xadimlirining bayan qilishiche, esqer quddus weqede oq tégip yarilanghan bolsimu, buninggha héchqandaq naraziliq bildürmigen, eksiche buning bir qestenlik emeslikini tilgha élip, xitay dairilirini memnun qilghan. Emma, yeken élishqu weqeside oq yégen döngbagh yéza bashliqi ghulam toxti bilen sékrétar abdughéni turdi xitay eskerlirige özining kimlikini kanay bilen sözlep we perqlendürüshni ötünüp turupmu jénini saqliyalmighan. Bu ehwalni ularning tul qalghan ayalliri shu yili radiyomizgha ashkarilighan idi.

Esqer quddus heqqide deslepte melumat bergen anglighuchimizning déyishiche, u eslide yeken j x idarisining dölet amanliqigha mesul bashliqi bolup, élishqu weqeside eskerlerdin oq yégendin kéyin, uning mewjut wezipisige, partkom heyet ezasi wezipisi qétilip, mertiwisi yene bir baldaq ösken. Bu uchur yeken nahiye bazar ichidiki bir saqchi xadimi teripidinmu delillendi.

Esqer quddusning bu yil néme üchün mukapatqa érishkenliki heqqide 10nechche saqchixanigha téléfon qilghan bolsaqmu, ularning héchqaysisi esqer quddusning oq tégip yarilanghinidin bashqa közge körünerlik bir ish-Izini dep bérelmidi.

Ehwaldin xewer tapqan muhajirettiki uyghur közetküchiler, esqer quddusning bu yilqi mukapatlinishighimu, uning xitay saqchilirining qara-Qoyuq oq chiqirishida zexmilenginige naraziliq bildürmesliki, derdini ichige yutushi, hetta hadisini xitay terepning menpeitige mas halda teshwiq qiliship bergenlikining seweb bolghanliqini perez qilishmaqta.(shöhret hoshur)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: