Nöwettiki Weziyetimiz Heqqide Bayanat!

 

Xelqarada xitay bilen ittipaqdash küchler Sherqiy Türkistan Milliy musteqilliq herkitini bir izda konturul qilip turush üchün birlikte heriket qilmaqta! Xitaygha hemkarlishiwatqanlar öz dewletliri we Uyghurlarning janijan menpeeti we qimmet qarashlirini yoshurun depsende qilip, merkizi teshkilatlirimizgha, teshkilatlirimizgha we hetta amerikidiki erkin asiya radiyosining uyghurche anglitish bölümi qatarliqlargha qeder pilanliq we yoshurun halda adem orunlashturughan, bu bir qil sighmas riyalliq.
Hemme yerde xitay bilen biwaste alaqisi bolghan yaki xitay bilen biwaste munasiwiti bolmighan gumanliq kishiler mexpiy herket qiliwatidu.
Bu arimizgha kiriwalghan guruchqa oxshaydighan aq tashlar mexpiy herket qilip, xujayinlirining bergen wezipisini orunlawatidu! Qoshunimizgha soqunup kiriwalghanlar özining pash bolup qélishining aldini élip, kishilerge dindar, milletperwer we inqilapchidek tesir bériwatidu. Körünishte resmiy inqilapchilardin ularni ittik periq qilmaq tes. Inqilap jeryanida ular dayim chandurup qoyidu.Milliy inqilawimizgha paydiliq shexislerge we hadisilerge astirittin öchmenlik qilidu.
Bizdiki ittipaqsizliq, teshkilatlinalmasliq, öz-ara jidel-majra we barliq chong-kichik meghlubiyetlerning anisi del biz bilmey yürgen qozilar arisigha kiriwalghan wehshiy bürilerdur!Qoshunimizgha soqunup kiriwalghan bu melunlar jiddi peyitlerde wetenperwer inqilapchilarning öktichisi sheklide meydangha chiqidu.
Qoshunimizgha soqunup kiriwalghanlarni bayqash, tépip chiqish, hezer eylesh we milliy herkitimizge séliwatqan ziyinini bar imkanlar bilen cheklesh lazim!
Qoshunimizgha soqunup kiriwalghanlar ikki türlük bolidu.Birinchisi düshmen bilen biwaste munasiwiti yoq bolup, azghine menpeetni dep yaki qorqunchaqliq qilip qérindashlirigha pikir tereptin asiyliq qilip yashaydu.Ikkinchisi Xitaygha yaki biz bilmeydighan düshmenlirimizge mexsetlik xizmet qilip, ishlirimizgha buzghunchiliq qilidu, milliy herkitimizge ichkiy jehettin éghir zerbe uridu.
Qoshunimizgha soqunup kiriwalghanlar köpinche waqitlarda dawaning payda chiqidighan, asan we bixeter yelirige xuddi parazit quruttek qattiq chaplishiwalghan bolghachqa aldirap u yerni qoyup bermeydu.Qoshunimizgha soqunup kiriwalghanlargha milliy herkitimizning siyasiy pirinsipliri asasida diqqet qilsaq éghir sinaqlardin ötelmeydu.Milliy herkitimizdiki yaxshi ish, yaxshi ademlerge perwasiz qaraydu, hürmetlimeydu yaki purset tépip xelqimizning nadanlqidin paydilinip abroyini tökidu we qattiq zerbe béridu.
Qoshunimizgha soqunup kiriwalghanlar weziyetke toghra kelmeydighan na toghrilarni ittipaqsizliq we ishenchisizlik peyda qilishta epchillik bilen waste qilidu. Qoshunimizgha soqunup kiriwalghan bu milliy munapiqlar bezide dinni, bezide milletchilikni, bezide siyasiyni ustliq bilen süyistimal qilip milliy dawagha ornini tolduriwalghili bolmaydighan éghir ziyanlarni salidu.
Milliy inqilapqa kéliwatqan xeter, boliwatqan buzghunchiliq, séliniwatqan ziyan qatarliqlarni qesten körmeske salidu, mumkin bolsa téximu elew aldurup, janijan menpeetlirimizni közini qirpitmay külge aylanduriwétidu.
Qoshunimizgha soqunup kiriwalghan satqunlar düshmenni yaki düshmen küchlerni arqa tirek qilip özini chaghlimay shilting atidu, hichkimni közge ilmaydu, hakawur we köreng kélidu.Qoshunimizgha soqunup kiriwalghanlar goroh boliwélip, xuddi bir jinayet shaykisidek bezide tülkidek neyrengwazliq qilisa yene bezide nomus qilmay bashqilargha orunsiz tehdit salidu.Qoshunimizgha soqunup kiriwalghanlar öz aldigha ish qilalmaydu, düshmenning emri bilen, mezlum xelqimizge düshmenlik qilidu.
Qoshunimizgha soqunup kiriwalghan bu mangqurtlar jiddiy peyitlerde pétir nandin qil izdep ishlargha tosqunluq qilidu, kashila tughduridu we dawa qoshunimizdikilerning ichide ziddiyet uruqini tarqitip, teshkilatlarning we yétekchi küchlerning xeliq arisidiki imajini qattiq zidileydu.
Qoshunimizgha soqunup kiriwalghan xeterlik shexsiyetlerge taza diqqet qilip qarisingiz ularning qandaq apet ikenlikini asanla periq ételeysiz. Qoshunimizgha soqunup kiriwalghan bu parazit qurutlar bir tereptin milliy dawadin payda-menpeet ündüriwélish koyida bolsa, yene bir tereptin düshmenning ghalchiliqini qilip jan baqidu.
Qoshunimizgha soqunup kiriwalghan bu haram tamaqlar bir tereptin igisini yene bir tereptin milliy dawa qoshunidikilerni aldap yüriki pok-pok yashaydu.Qoshunimizgha soqunup kiriwalghan xeterlik aqtashlar xelqimizning közige guruch danisidek körünüp, milliy herkitimizdiki yoshurun küchlernni bayqap, xelqimizning qoli arqiliq weyran qilip, xojayinlirining ghalchiliqini qilidu!
Milliy herkitimizdiki ixtilap qoshunimizgha soqunup kiriwalghanlarning pilanliq perde arqisida kontorul qilishi arqisida awal öktichi tereplerning öz-ara mensep we menpeet talishish kürishi sheklide ortigha chiqidu, xeliq bu küreshte terep tutup bir-birini weyran qilidu.
Andin qalsa inqilap ediologiymizni qoghdawatqanlar bilen yoshurun halda teshkilatlirimizgha singip kiriwalghan sétilmilar arisida yüz béridu. Xeliq dawamliq puli bar, arqa tériki bar düshmenlirige yardem qilip, heqiqi wetenperwerlerni, milletperwerlerni chetke qaqidu! Qoshunimizgha soqunup kiriwalghanlar qiliwatqan gunahlirini sawaptek, jinayetlirini yaxshi ishtek, milletke qilghan ahanetlirini inqilaptek körsütüp, nahayiti ustiliq bilen epchilla niqapliniwalidu.
Andin qalsa yene bir ixtilap dawagha singip kirgenlerning dinni süyistimal qilghan qutratquchiliqi sewebidin milletning layiq we muti´essip goruppilargha ayrilip bir-birige qarshi küresh qilghanliqidn meydangha kelidu.
Meghlubiyitimizning asasiy sewebi peqetlam milliy düshminimiz bolghan xitaylarning mustemlike siyasiti bolmastin belki milliy inqilap ediologiyimizdiki chéchilangghuluq we chuwalchaqliqlirimizdur.
Xelqimizning nadanliq qilip, bu echinishliq menzirini körsimu körmeske sélishi, toghra terepte emes xata septe turup qélishi sepler ara éghir ziyanlarni keltürüp chiqiriwatidu. Wetende we weten sirtida xelqimizning béshigha kéliwatqan tümenming sewda arimizdiki satqunlarning aghdurmichiliq herketliridin qaynaqliniwatidu.
Xéli köp sandiki kishiler milliy inqilapning janijan menpeeti terepte emes eksiche gherezlik xejlengen pul we sélinghan mol dastirxan teripte turup qaldi. Buning bilen ular esheddi düshmen küchlerge özliri bilmestin dawaning ichkiy teripidin hemkarlaship bérgendek yaman aqiwet kélip chiqti. Mana mushundaq bir qatar meseliler sewebidin qilghan ishlirimiz anche rawaj tapmaywatidu!
Millitimizdin yétiship chiqqan ziyalilarimiz bir tereptin teshkilatlirimizda yüz bériwatqan hadisilerdin bizar bolup, milliy dawayimizgha yéqin kelmigen bolsa, yene bir tereptin awam puxralar nadanliq, xurapiyliq we bilimsizlik sewebidin yaman niyetlik küchlerning heydekchilikide xuddi qassapxanigha élip méngilghan qoylardek diringship yügirep bir-biri bilen üssüshüp yol talashmaqta!
Hey millet silerge gep qilip harduq! Silerge xitap qilghudek énergiymiz barghanche uprap tügey dep qaldi. Özenglar oyghanmisanglar, bundin kéyinki kününglar téximu better bolidu. Özenglar özenglarni hürmet qilmisanglar, közünglarni achmisanglar, teshkilatliringlargha sezgürlük bilen ige chiqmisanglar, wetenperwer we milletperwer ezimetlerni pidakarliq bilen maddiy we meniwiy tereptin himaye qilmisanglar jin-sheytanlar béshinglarda burunqidinmu better bezme quridu!
Allahim bu milletning beshigha yéghiwatqan külpetlerni, xeyir yamghuri arqiliq yuyup tashlighaysen!
Hey Allahim düshmenlerning birliship wetinimiz we xelqimiz üstidin qurghan pilanlirini berbat qilghaysen! Bizge ich aghrit we nusret ata qilghaysen!

Sherqiy Türkistan Sürgündiki Hökümiti 

07.06.2017   Gérmaniye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: