Sherqiy Türkistan Jumhuriyiti Sürgündiki Hökümitini Qaytadin Tertipke Sélish Heqqide Chaqriqname!

Uyghuristan Republik

 

Hazir bir qisim kishiler özini chaghlimay, yaxshi niyetni chüshenmey hökümitimizning ichkiy ishlirigha qalaymiqan arliship,atalmish ikki hökümetni birleshtürüp qaytidin teshkillesh xizmitige qopalliq bilen arliship, pitne-pasat térip bugünki we kélichektiki ittipaqliqimizni éghir ziyangha uchritiwatidu! Herqandaq kishining Sherqiy Türkistan Jumhuriyiti Sürgündiki hökümitining we hökümetke mensup kishilerning arqisidin yaman niyet bilen pikir bayan qilishigha qettiy yol qoyulmaydu!!!
Hürmetlik qerindashlirim, Sherqiy Türkistan Jumhuriyiti Sürgündiki hökümiti heqqide qollanghan saxta we rastqa ayit gheyri resmiy metbuatlarda éyitilghan alajoqa jöylüshler ademning qusqisini keltürgidek derijide heqiqitenmu heddidin eship ketti. Eger mushu hükümet bilen yiraq we yéqindin baghlinishi bolghan hemme kishi özliri dawa qiliwatqandek wetenperwer we milletchi bolghan bolsa , u halda keskinlik bilen dorust, adil we semimiy bolushliri kérek bolidu.
Biz öz-ara hürmet, ittipaqliq, hemkarliq we birlik barliqqa kelsun, milliy dawayimizgha hemmimiz qolni-qolgha tutushup hesse qoshayli dewatimiz. Yazghanlirimimizni shu asasta digerlendürgenler toghra qilghan bolidu.Bolmisa tajawuzchi düshmenning chalghan dépigha ussul oynaydighan mangqurttin hichqandaq perqiy qalmaydu.
Eger bizning bayanatimizni süyistimal qilip, dawa qoshunimizgha jümlidin Sherqiy Türkistan Jumhuriyiti Sürgündiki hökümitige hojum qilip, ittipaqliqimizgha yaman tesir bersingiz u chaghda téximu yaman aqiwetler kelip chiqidu.Xelqimizning leniti ikki alemlik üstingizde bolidu! Bundaq bolishini dések démisek sizlermu hergiz xalimaysizler.
Bizning nezirimizde Sherqiy Türkistan Jumhuriyiti Sürgündiki hökümiti qurulghan 13 yildinbéri hazir biz tekitlewatqan mesile hel qilinmighachqa arimizda bizge ayit tilgha rast we yalghan dep alghuchiliki bar tüzükrek birer hükümet namidiki qurulush téxiche mukemmel shekillengini yoq. Eger sizler hükümet dep tekitlewatqan bu orunlar kélichekte birleshse andin heqiqi tilgha alghuchiliki bolghan, milliy inqilawimizgha paydiliq rast bir qurulush deslepki qedemde aldimizda shekillinidu.
Bolmisa bu “ikki hökümet chüshenchisi düshmenge oyun, dostqa qiyin” boldi digendekla yene 10 yillap ademler lenet qilidighan bir gheywet uwisi süpitide, bezilerning xelqimizning namini süyistamal qilip yene bezi shexsiy mexsetlirige yétidighan paydisiz bir muesse sheklide saqlinip qalidu. Biz hökümet ichidiki bir qisim kishiler hazirghiche bu ikki goruppining ottursidiki ishlarni dost bilen dost ottursidiki zidiyet dep qarap kelduq. Emma arimizda bu ikki goruppidiki munasiwetlerni dost bilen düshmen ottursidiki ziddiyet derijisige kötürüp muamile qiliwatqan xeterlik ademler bar! Bu meselide birlik, ittipaqliq, qérindashliq we teqdirdashliqtin ibaret eshu tüp pirinsiptin bashqa yol tutqan herqandaq adem we goruppilarning tereptari emeslikimizni ochuq éytip qoyushta payda bar, dep qaraymiz.
Hükümitimizni we hökümitimizning bayanatlirini xata meqsette qollanghan we istimal qilghan herqandaq adem we orungha niyiti dorust emesken dep baha bérimiz we qara chikit urup qoyup, ulargha hergiz tereddüt qilmastin düshmenge qarighan közde nepret bilen qaraymiz.
Yaman niyetlik bir qisim kishiler özlirining hichqandaq yaman meqsetlirige yételmeydighanliqini bilidu. Shundaq turuqluq uzaq yillardin béri hökümitimizning inawitini qattiq tökti. Quruq chaqmaqtin ot chiqartip, orunsiz söz-chöchek peyda qilip ittipaqliqimizni zeherlidi, birlik we barawerlikimizge buzghunchiliq qildi. Xitaygha yeni düshmenge wastiliq xizmet qilishtin hich bash tartmidi. Sherqiy Türkistan Jumhuriyiti Sürgündiki hökümiti ularning milliy dawagha ziyan salidighan meydani bolup qaldi. Hélimu beziler Sherqiy Türkistan Jumhuriyiti Sürgündiki Hökümitining xizmetlerni tertipke sélish üchün élan qilghan bayanat we chaqriqnamelerni qalaymiqan süyistimal qilip, abroyimiz, inawitimiz we shan-sheripimizge her tereptin exlaqsizlarche xuddi düshmendekla hojum qiliwatidu.
Biz Sherqiy Türkistan Jumhuriyiti Sürgündiki Hökümiti bolush süpitimiz bilen shuni ochuq éytip qoyayliki, hökümetimizdiki bir qisim kishilerning ikki hökümet bardek hawa peyda qilip, dost we düshmen aldida maymun oyuni qurup, milliy herkitimizni abroysizlashturup yashawatqanliqidin qattiq epsuslinimiz. Biz hazir bu xil tiptiki bir qisim azghun insanlarning dost-düshmenge ikki hökümet bardek tesir bériwatqanliqidin ibaret éghir xataliqni tüzütiwélip, heqiqetke qayitip, düshmenning digenidek emes, millitimiz kütken yerdin chiqiwélishigha axirqi pursetni bériwatimiz.Bu pursetning qedrini bilmestin yenila kona xaman qurmaqchi, sésiq saman sorimaqchi bolghanlarning üstige dessep paxal qilip ötüp kétishtin bashqa charemiz yoqliqini éniq eskertip ötmimiz!
Qérindashlar, bizge oxshash bir qul qilinghan millette qolimizdin hich ish kelmey turup ikki yaki üch hökümet barken, dégen nime digen set gep. Qérindashlar, hemmimiz elekmulillah musulmandurmiz, haram we halalni periq etküchilikimiz bar. Weten-milletke salghan ziyanning haramning eng chongi, haram yigendinmu better gunah bolidighanliqini unutmayli! Qérindashlar undaq shexsiyetchilik qilamyli, hökümet dep atiliwatqan ikki teshkilatni Sherqiy Türkistan Jumhuriyiti Sürgündiki Hökümitining Asasiy Qanunida belgülengen maddilar asasida qaytidin démokrattik ussulda saylam élip bérip, heqiqi bir simiwolluq menige ige tertipke salayli we tiz muddette birleshtüriwiteyli!
Biz bu atalmish simiwolluq ikki dane Sherqiy Türkistan Jumhuriyiti Sürgündiki Hökümitini birleshtürüsh xizmetini ishleshte Sherqiy Türkistan Jumhuriyiti Sürgündiki Hökümitining Asasiy Qanunida belgülengen maddilarni asasiy ölchem qilghandin bashqa xelqimizning yeni qérindash teshkilatlarning jümlidin milliy herkitimizdiki nopuzluq zatlarning milliy herkitimizge uyghun bolghan sewiyediki nazaritini qobul qilishimiz kérek.
Millitimizning teqidiri éghir xeter astida qaldi, düshmen niqawini yirtip tashlap esli rezil tebiyitini ashkarilidi we xelqimizni resmiy érqiy qirghin qilshqa bashlidi. Weziyet intayin jiddiy, közimizni yoghan achmisaq bolmaydighan bir halette turiwatimiz! Insap qilayli, tügimes sewdalargha qalghan, xitayning qanliq tapinida ingirawatqan, qan-yash déngizigha gheriq bolghan mezlum xelqimiz üchün bolsimu maddiy küchimizni, eqil-parasitimizni we bilimimizni ishqa sélip hökümitimizni, eshu 2004-yil sintebirdikige oxshashla daghdugha bilen yéngidin ammiwiy asasi téximu küchlük halda bashqidin qurup tertipke sélip chiqayli!
Milliy inqilap sepimizdikilerning yüz bériwatqan bolmighur hadisiler sewebidin bizni xata chüshünip qalmasliqi üchün bu chaqriqnameni teyyarlap alahiyde élan qilduq! Xelqimizning we hökümettikilerning bu meselige jiddiy köngül bölüp, biz duch kelgen éghir kirzistin saq-salamet ötüp kétishini ümüt qilimiz. Biz yene hökümettikilerdin düshmenlerning közidin yash aqturup, mezlum xelqimizge meniwiy tereptin küch-quwet béghishlashni, shundaqla milliy inqilawimiz üchün yéngi bir ümüt buliqi bolup bérishini töwenchilik bilen iltimas qilimz!

Sherqiy Türkistan Jumhuriyiti Sürgündiki Hökümiti

Hürmet biken : Küresh Atahan

11.06.2017 Gérmaniye

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: