Edib Haji Mirzahid Kérimi: «Saqchilar Öyümni Axturup Quran Kerim we Romanlirimni Élip Chiqip Ketti»

Uyghur élida tonulghan, hazir qeshqerde yashawatqan ataqliq shair we yazghuchi haji mirzahid kérimi. (Orni we waqti éniq emes)

Uyghur élida tonulghan, hazir qeshqerde yashawatqan ataqliq shair we yazghuchi haji mirzahid kérimi. (Orni we waqti éniq emes)

RFA/Qutluq

Yéqindin buyan radiyomizgha kelgen inkaslardin melum bolushiche, qeshqer sheherlik jamaet xewpsizlik idarisining saqchi xadimliri uyghur élida tonulghan, hazir qeshqerde yashawatqan ataqliq shair we yazghuchi haji mirzahid kérimining öyini ilgiri-Axiri bolup ikki qétim kélip axturup, quran kerim qatarliq diniy kitablarni we ilgiri neshr qilinghan aptorning «yüsüp xas hajip», «judaliq», «mirza abekri», «sultan seidxan» we «sultan abdureshitxan» qatarliq besh parche romanini élip chiqip ketken.

Igilishimizche, xitay hökümiti uyghur élidiki edebiyat-Senet saheside élip bériwatqan «üch xil küch» ler qarshi turush herikitide aldi bilen, idéologiye jehette mesile bar qaralghan uyghur yazghuchilirining ilgiri neshr qilinghan bir qisim romanliri üstide qaytidin tekshürüsh élip bériwatqan bolup, téléfon ziyaritimizni qobul qilghan, hazir qeshqer shehiride yashawatqan yéqinqi zaman uyghur edebiyatida közge körüngen 80 yashliq shair we yazghuchi haji mirzahid kérimi öz öyining yéqinda qeshqer sheherlik jamaet xewpsizlik idarisining ikki neper xadimi teripidin ilgiri-Axiri bolup ikki qétim axturulup, ilgiri neshr qilinghan «yüsüp xas hajip», «judaliq», «mirza abekri», «sultan seidxan» we «sultan abdureshitxan» qatarliq besh parche romanining we shundaqla quran kerim qatarliq diniy kitablarning saqchilar teripidin élip chiqip kétilgenlikini bayan qildi.

Biz shair we yazghuchi haji mirzahid kérimining melumatigha asasen, qeshqer sheherlik jamaet xewpsizlik idarisige téléfon qilip bu heqte uchur igilimekchi bolghan bolsaqmu,biraq saqchilar bu ishtin özlirining xewersiz ikenlikini bildürüp, bu heqte toxtilishni ret qildi we bizning qeshqer uyghur neshriyatigha téléfon qilip sürüshte qilishimizni jékilidi.

Biz qeshqer sheherlik jamaet xewpsizlik idarisidiki saqchi xanim teminligen téléfon nomurigha asasen, qeshqer uyghur neshriyatigha téléfon qilip bu heqte uchur igileshke tirishtuq. Biraq, özini ishxana mudiri dep tonushturghan bir neper xitay xadim bu heqtiki soallirimizgha özining jawab bérelmeydighanliqini bildürüp:«bu mesile nazuk mesile, buni eng yaxshi siz j x idarisidin sorang. Men sizge bu heqte qalaymiqan jawab bérelmeymen» dédi.

Melum bolushiche, uyghur élida tonulghan ataqliq shair we yazghuchi haji mirzahid kérimi, 1959-Yili aliy mektepte oquwatqan chaghlirida xitay dairiliri teripidin «yerlik milletchi», «sherqiy türkistan teshkilati qurdi» dégen siyasiy qalpaqlar kiydürülüp, 1972-Yilighiche türmige 13 yil qamalghan. Türmidin chiqqandin kéyinmu «eksilinqilabchi» dégen qalpaq bilen bilen yette yil nezerbend astida yashap, kéyin qeshqer sheherlik 6-Ottura mektepke til-Edebiyat oqutquchisi bolup orunlashqan. Kéyinki waqitlarda bolsa qeshqer uyghur neshriyatida tehrir bolup ishligen.

Shair we yazghuchi haji mirzahid kérimi eyni yillarda «sanduq ichidiki bowaq» namliq meshhur shéiri bilen keng uyghur jamaitining hörmitige érishken.

Yuqiriqi awaz ulinishidin tepsilatini anglang.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: