Mubarek Ramazan Bayriminglar Qutluq Bolsun!

6a856-eastturkistanamblemi

 

Möhtirem weten ichi we siritidiki barliq qérindashlar! Hemminglarning mubarek ramazan bayrami qutluq bolsun!
Rabbim bizge hür we azat talay bayramlarni azat wetenimiz Sherqiy Türkistanda birlikte qutlighanni nesip etkey inshaallah!
Bayram munasiwiti bilen hür dunyadiki pütkül qérindashlarni qizghin tebrikleymiz we hemminglargha otluq salam yollaymiz.
Hürmetlik qérindashlar hazir wetenning weziyiti intayin yaman. Xelqimiz beeyni ot-qoqasqa dessep turiwatqandek yashawatidu.Wetenimizde yette yashtin yetmish yashqiche hemmeylen xuddi hékayilerde teswirlegendinmu better derijide jehennem azawini körüwatidu. Xitaylar esirlik niqawini yirtip tashlap, millitimizni resmiy shekilde düshmen süpitide hedepke aldi. Yéza-qishlaqlar, awat bazar we sheherler millitimizning dat-peryadi bilen toldi. Bundaq boliwerse uzaqqa qalmay nahayiti chong bir ish chiqidu!Biz herqandaq bir hadisige rohiy jehettin hazir turishimiz, mezlum xelqimizge qolimizdin nime kelse, shu xil shekilde hemdemde bolush üchün tirishchanliq körsütüshimiz lazim! Biz birlikte bu hadisatlarning düshmenlerge apet, xelqimizge amet keltürüshini tileyli!
Biz bolsaq hür dunyada nurghun ishlardin xewersiz halda bayram qiliwatimiz.
Bayaramni özimizge yarisha tebriklesh allahni we bizge aq-süt bergen xelqimizni söyündüridu! Xelqimizge qilmaqchi bolghan bezi ishlarni qilip bérelmigen bolsaqmu, yene bezi ishlarni qilalaymiz qérindashlar!Xitay zulumigha qarshi hertürlük paaliyetlerni qanat yaydurayli, milliy iradimizni chéniqturayli we hür dunyagha xitayning jinayi qilmishlirini ümitsizlenmey we sebir bilen pash qilayli!
Biz musulman xeliq, Allahning birlikige we uning sonsiz qudritige ishinimiz! Eger uning wedisi toghra bolghan bolsa bizning her qétim qilghan xitaygha qarshi heriketlirimiz we xalis dualirimizdin, zalim düshmenlirimizning béshigha uzaqqa qalmay apet yaghidu inshaallah!
Biz bu yerde silerni xitay zulumi tüpeylidin chingraqmu nepes élish pustitige ige bolalmaywatqan weten ichidiki qérindashlirimizning awazi bolup, dunyaning hichqandaq yéride örnikini tapqili bolmaydighan zulum astida ingirawatqan qan-qérindashliringlarning 
hüriyiti üchun,
Xitay türmeleride, yighiwélish lagérlirida wehshiy qiyin-qistaq ichide iskenje köriwatqan qérindashlarning baldurraq azatliqqa érishishi üchün,
Hemde weten-millet yolida qurban bolghanlarning axiretlikining xeyirlik bolishi üchün,
Jümlidin xitayning pashistik siyasetlirining arqa-arqidin qattiq ziyankeshlikige uchriawatqan xelqimizning her türlük jarahetlirige allah igemning melhem bolushi üchün,
Mol we mezmunluq namayish qilish, konferens bérish, yighilish ötküzüsh paaliyetlerni teshkillishinglarni we dua-tilawetlerde bolushinglarni semimiy könglümizdin iltimas qilimiz!
Biz Sherqiy Türkistan Jumhuriyiti Sürgündiki Hökümiti bolush süpitimiz bilen shuninggha ishenchimiz kamilki bizning niyitimiz dorust bolup, herkitimiz xalislashqanda yaratqan igisi millitimizning béshigha kelgen yaman künlerni choqum kötüriwétidu. Qérindashlar ümitsizlenmeyli, yolning axirlashqan yéride zeperning derwazisi échilidu. Dunyaning igisi bar,  alemlerning perwerdigari choqum millitimizge köz alaytqanlarning, insaniy erkinlikimizni qolimizdin alghanlarning we  wetinimzni millitimzge tar qilghanlarning belasini beridu inshaallah! Bizning azatliq künlirimizge belkim uzaqqa qalmidi. Belkim hemmimiz kütken u küni ertedur, webelkim ertidinmu yéqindur. Qérindashlar rohluq bolayli, özimizge kéleyli, bizge wezipe bolghanni qilayli. Shuni bilishimiz kérekki azat we hür dewirler yéqinla bir yerde teqezzaliq bilen bizni kütüp turiwatidu.

Axirda ramazan bayrami munasiwiti bilen yer yüzidiki barliq qewmi-qérindashlarimizgha menggülük xatirjemlik we aman-isenlik tileymiz!

 

Sherqiy Türkistan Jumhuriyiti Sürgündiki Hökümiti

 

Hürmet bilen:Küresh Atahan

 

25.06.2017 Gérmaniye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: