Gérmaniye Uyghurliri Milliy Örpi-Adetlirini Yashnatmaqta

19424350_2019673221391593_2938774762078659156_n

Muhajirette milliy enenilirimizni yashnitish, til-yéziqimizgha sayip chiqish we diniy étiqadimizni qoghdap qélish nöwettiki eng muhim ishlarning biridur. Awropaning herqaysi dewletliride yashawatqan qérindashlirimiz milliy dawani tereqqiy qildurush, milliy medeniyitimizni yashnitish we ösüp yétiliwatan yéngi ewlatlarda milliy we diniy ang yétildürüsh ishigha alahiyde köngül bölmekte.
Biz hür dunyada millitimizning kélichikige kapaletlik qilayli, deydikenmiz milliy kultural hayatimizning ditalliridin derislik süpitide paydilinip, bir tereptin chonglar arisida milliy herkitimizni kücheytsek, yash-ösmürlerni objekit qilghan paaliyetlerde til-yéziq, diniy étiqat we sennet terbiyesini élip bérishimiz lazim.
Shundaq bolghachqa gérmaniyediki birqisim uyghurlar bugün Karilsruher shehrige toplinip, Uyghur medeniyitide diniy we eneniwiy tüs alaghan ramazan bayrimini birlikte tebriklidi.

19429994_2019672744724974_2891999223441593495_n
Ramazan bayrimi munasibiti élip bérilghan paaliyetni, Karilsruher sheherideki ottuz oghol teshkilligen bolup, mezmuni mol, rengdar we ehmiyetlik élip bérildi.
Bu paaliyet Milliy marshimizgha sükütte turup éhtiram bildürüsh we quraniy kerim tilawet qilish bilen bashlandi. Paaliyette paaliyet teshkilligüchilerdin Dunya Uyghur Qurultiyi tetqiqat bölümining bashliq Enwer Ehmet we Abdushkur ependiler bu paailyetni teshkillesh meqsetliri heqqide  muhim söz qildi. Uningdin bashqa yiraq yéqindin kelgen sherep méhmanlarimu paaliyette muhim notuqlarni sözlidi.

Paaliyetke qatnashqan siyasiy paaliyetchilerdin Sherqiy Türkistan Sürgündiki Hökümiti Parlamentosi reyisi Küresh Atahan ependi muhim söz qilip, xitay hökümitining millitimiz üstidin yolgha qoyiwatqan wehshiy siyasetlirini shiddet bilen tenqitlidi. Küresh Atahan sözide yene xelqimizni birlik, ittipaqliq, öz-ara qérindashliq hemde dostluqqa ehmiyet bérip, xelqimizning Awropadiki heqiqi awazi bolushining ehmiyiti heqqide paydiliq pikirlerni qildi.

19420348_2019673141391601_753324911218675154_n
Notuqtin kéyin Uyghurche sennet paaliyietliri élip bérilip ussullar oynaldi, naxshilar oquldi we milliy medeniyitimizni, til-yéziqimizni hemde diniy étiqadimizni qandaq qoghdap qélish heqqide kolliktip söhbet élip bérildi.
Bu qétimqi paaliyetke 100ge yéqin kishi qatnashti. Bu paaliyette alahiyde tilgha élishqa erziydighan muhim bir ish, qatnashquchilarning ichide yash-ösmürler asasiy orunda bolghanliqi közde tutulup, ular üchün alahiyde programlar emeliyleshtürüldi. Yash-ösmürlerning quraniy-kerim, til-yéziq we tarix sawadini ashurudighan suallar sorilip, yaxshi jawap bergenlerge her türlük oyunchuq we oqu-oqutush matériyalliri mukapat qilip tarqitip bérildi.Palliyetke qatnashqan yash-ösmürler ijra qilinghan renggareng programlardin xuddi wetende yashawatqandek hésiyatqa keldi.
Bu paaliyet bugün yeni 2017-yili o6-ayning 25-küni ramazan bayrimi künige toghrilanghan bolup, saet Gérmaniye waqti 12:00 de bashlinip, 20:00 de axirlashti. Bu paaliyet bashtin axir retlik, mezmunluq we tertiplik élip bérildi.

Uyghuristan Kultur Merkizi

25.06.2017 Gérmaniye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: