Dolqun Eysa Wakaletsiz Milletler Teshkilatigha Muawin Reis Bolup Saylandi

Wakaletsiz milletler teshkilati(UNPO) ning 13-Nöwetlik qurultiyida d u q bash katipi dolqun eysa ependi mezkur teshkilatning muawin reislikke saylidi. 2017-Yili 28-Iyun, shotlandiye.

Wakaletsiz milletler teshkilati(UNPO) ning 13-Nöwetlik qurultiyida d u q bash katipi dolqun eysa ependi mezkur teshkilatning muawin reislikke saylidi. 2017-Yili 28-Iyun, shotlandiye.

RFA/Ekrem

Wakaletsiz milletler teshkilati(UNPO) ning 13-Nöwetlik qurultiyi 28-Iyun küni saylam ötküzüp, dolqun eysani muawin reislikke saylidi.

Shotlandiye parlaméntida 26-Iyun bashlanghan wakaletsiz milletler teshkilatining 13-Nöwetlik qurultiyi 28-Iyun küni saylam ötküzüp, teshkilatning rehberlik qatlimida bir qatar özgertishlerni élip bardi. 2003-Yilidin buyan mezkur teshkilatning ijraiye komitéti ezasi bolup kelgen d u q bash katipi dolqun eysa ependi, bügünki saylamda muawin reislikke saylinip, UNPO arqiliq uyghur dewasini yenimu ilgiri sürüsh üchün puxta asas salghan boldi.

Shotlandiyediki UNPO ning yighin zalidin ziyaritimizni qobul qilghan erkin aliptékin ependi, dolqunning muawin reis bolup saylanghanliqidin köp memnun bolghanliqini tilgha aldi. Erkin aliptékin ependi sözide, bir uyghur siyasiy paaliyetchisining UNPO da bolushining uyghur dewasigha köp hessiler qatidighanliqini tekitlidi.

Dolqun eysa ependimu bu heqte ziyaritimizni qobul qilip, aldi bilen 28-Iyun élip bérilghan paaliyetlerdin qisqiche melumat bérip ötti. Dolqun eysa ependi saylam heqqidimu toxtilip, UNPO ning bash katipi marino basduxén ependining yene bash katip bolup saylanghanliqini, özining UNPO xadimlirining birdek awazigha nail bolup, muawin reislikke saylanghanliqini we buningdin xursen bolghanliqini izhar qildi.

UNPO Bash katipi marino ependimu bu heqte ziyaritimizni qobul qilip, dolqun eysaning uyghurlargha wakaliten muawin reisi bolup saylanghanliqining uyghur dawasigha téximu paydiliq bolidighanliqini ilgiri sürdi. U mundaq dédi: «xitayning qattiq bésim siyasitige duchar boluwatqan uyghurlar mesilisi, wakaletsiz milletler teshkilatining küntertipidiki eng muhim bir mesile. Bir neper uyghur wekilining bu teshkilatqa muawin reis bolup saylinishi, bundin kéyin uyghurlar mesilisining dunya jamaitige tonulushigha zor hesse qatidu. Wakaletsiz milletler teshkilati xitay bésimigha duch kéliwatqan uyghurlar, tibetlikler, jenubiy mongghuliyelikler we xitay démokratlirining mesilisini b d t we yawropa parlaméntida anglitish üchün 20 nechche yildin buyan xizmetler qilip keldi. Dolqun eysa bilen bundin kéyin hemkarliship qilidighan ishlirimizning salmiqi téximu artip baridu. Buning uyghurlargha zor paydisi bolidu, dep oylaymen.»

Üch kün dawamlashqan wakaletsiz milletler teshkilatining 13-Qurultiyi bügün axirlashqan. Ötken yilning bashlirida bash shtabini gollandiyening dénxag shehiridin yawropa parlaménti jaylashqan bélgiye paytexti biryussélgha yötkep kelgendin kéyin, UNPO ning xizmetliri téximu aldirash bolup ketken. Wakaletsiz milletler teshkilati xadimi lusiya parruchi xanim bu yil yanwardin buyan mexsus d u q bilen yawropa parlaménti otturisida wasitichilik xizmitini üstige alghan bolup, u yil béshidin hazirgha qeder qurultay bash katipi dolqun eysa ependining yawropa parlaméntining muhim millet wekilliri bilen uchrishishigha sharait hazirlap bergen.

 (Ekrem)
Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: