Xelqara Waymar Kishlik Hoquq Mukapatining Ilham Tohti Ependige Bérilgenliki Heqqide Bayanat!

6a856-eastturkistanamblemi

Her Yili Gérmaniyedin Bérilidighan Xelqara Waymar Kishlik Hoquq Mukapati 2017-yili Millitimiznig Wijdani Ilham Tohti Ependige Bérildi!

Gérmaniyedin bérilidighan xelqara kishlik hoquq mukapatining Xitay türmiside yétiwatqan Uyghur ziyalisi Ilham Tohtigha bérilgenliki milliy herket tariximizdiki zor ish hésaplinidu!
Erkin Asiya radiyo istansisining Ilham Tohti Ependining Xelqara Waymar kishlik hoquq mukapatini alghanliqi heqqidiki xewerge toluqlima süpitide bu qisqa bayanatni teyyarlap xelqimizning diqqitige sunduq!
http://www.rfa.org/…/ilham-toxti-waimar-mukapatigha-erishti…
Mukapat ilham Tohti ependige xitayning aptonomiye qanunini qoghdash üchün körsetken tirishchanliqi üchün emes, Ilham Tohtining Uyghur xelqining milliy azatliq herkitige qoshqan yüksek töhpisini mueyenleshtürüsh we milliy azatliq herkitimizge ilham we medet bérish üchün bérilgen!
Germaniye kishlik hoquq mukapati kométiti, bu yilqi yeni 2017-yilqi Gérmaniyedin tarqitilidighan Waymar kishlik hoquq mukapatining Ilham Tohtigha bérilishining seweblirini töwendikilerdek 12 türlük qilip körsetken.
1. Uyghur xelqining hüriyiti we milliy barawerlikini qoghdighanliqi,
2.Xitaylar élip barghan érqiy qirghinchiliqqa xelqara jemiyetning diqqitini burap, bir milletning shan-sheripini himaye qilghanliqi üchün,
3.Bir millet ezalirining pikir qilish erkinliki we axbarat erkinlikini qoghdash üchün küresh qilghanliqi üchün,
4.Milletning ochuq-ashikare élip barghan azatliq, hüriyet we adalet telep qilip élip barghan paaliyetlirige qatnashqanliqi we paaliyetlerning qanat yéyishigha qoshqan töhpiliri üchün,
5.Mustebit hökümet terepte emes heq-adalet telep qiliwatqan xeliqning teshkilatlinish, ammmiwiy yighilish ötküzüsh, namayish qilish we naraziliq bildürüsh sheklini alghan mexpiy we ashikare heriketlerning teripide turghanliqi üchün,
6.Milletlerning siyasiy, etnik, kultural we diniy heq-hoquqlirining depsende qilinishigha qarshi élip barghan bir qatar küreshliri üchün,
7.Öz milliti we bashqa étnik goruppilarning siyasiy tereptin, jinsiy we érqiy tereptin, diniy we kultural tereptin kemsitilishige we qattiq basturulishigha meydani ochuq halda qarshiliq körsetkenliki üchün,
8.Mustebit xitay hakimiyitining ölüm jazasi bérish qanunining chékidin ashqan jinayetlirini pash qilghanliqi üchün,
9.Xitaylarning qural-yaraq ekisport we émport ishlirida saqlanghan xelqara qanunlargha we insan heqiliri, kishlik hoquq anglashmilirigha aykiri bolghan jinayetlerni xelqara démokrattik ölchemler asasida azaytish we yoq qilish üchün körsetken tirishchanliqliri üchün,
10.Izilgen milletlerning siyasiy bixeterliki we milliy mawjutluqini qoghdash jehettin élip barghan küreshlirini ilhamlandurush üchün,
11.Qural küchi bilen basturiliwatqan we éghir siyasiy, pissixik we jismaniy iskenjilerge mehkum qiliniwatqanlargha erkinlik telep qilip élip barghan küreshlirini mueyenleshtürüsh üchün,
12.Uyghurlar bilen xitaylarning ottursidiki ziddiyetni helqilishtiki diyalogni ilgiri sürüsh we Ilham Tohtining erkinlikke chiqishini tizlitish qatarliq seweplerdin…
Bu mukapat Ilham Tohti Ependige layiq körülgen!
https://eastturkistaninfo.com/…/menschenrechtspreis-2017-g…/
Mukapat tarqitish ishi her yili pütün dunya miqyasida inshan heqliri we kishlik hoquq küni, dep tebriklinidighan 10.dikabir xelqara kishlik hoquq küni bayrimida Gérmaniyening Waymar Sheheride tarqitilidu.
https://stadt.weimar.de/…/menschenrechtspreis-2017-geht-an…/
Gérmaniyedin tarqitilidighan kishlik hoquq mukapatining xelqara jemiyet étnik, siyasiy, iqtisadiy we eskiriy jehettin éghir kirzislargha patqan mushundaq bir dewirde uyghurlargha bérilishining sewepliri köp bolup, yighinchaqlighanda millitimizning erkinlikke, hüriyetke we azatliqqa intilish rohini righbetlendürüsh üchündur.
Démisimu bu mukapat Ilham Tohtining Xitay asasiy qanunidiki uyghurlarning aptonomiyelik hoquqini qoghdash üchünla élip barghan tirishchanliqlirini mukapatlash üchün emes belki Ilham Tohti wekillikidiki bir pütün milletning özlirining étnik hürüyüti we insaniy azatliqi üchün élip barghan bir qatar küreshlirini qollap quwetlesh we bir pütün millitimizge ilham bérish üchün bérilgen dep chüshenginimiz hemmidin toghridur!
Bu munasiwet bilen büyük Gérman millitige, heq-adaletning qoghdighuchisi Gérmaniye dewlitige semimiy teshekkurimizni we milliy inqilawimizning aktip ishtirakchillirigha jümlidin milliy herkitimizni xelqaralashturush üchün küresh qiliwatqan barliq sebdashlargha chongqur ehtiramimizni bildürimiz!

Sherqiy Türkistan Jumhuriyiti Sürgündiki Hökümiti 

02.07.2017 Gérmaniye

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: