Amérikadiki Uyghurlarning 3-Nöwetlik Putbol Longqisini Talishish Musabiqisi Bostonda Bashlandi

Amérika uyghurlirining 3-Nöwetlik putbol longqisini talishish dostluq musabiqisidin körünüshler. Boston, 2017-Yil 7-Ayning 1-Küni.

Amérika uyghurlirining 3-Nöwetlik putbol longqisini talishish dostluq musabiqisidin körünüshler. Boston, 2017-Yil 7-Ayning 1-Küni.

 RFA/Qutlan

Amérikida tomuz issiq boluwatqan bügünki künde amérika qitesidiki uyghurlarning 3-Nöwetlik putbol longqisini talishish dostluq musabiqisi bügün etigen boston shehiride resmiy bashlandi.

Musabiqining 7-Ayning 1-Künidin 4-Künigiche dawam qilidighan bolup, musabiqige wirginiyediki uyghur birlik komandisi, teklimakan komandisi, kaliforniye uyghur komandisi, boston-Nyoyork birleshme komandisi we kanada uyghur komandisi qatarliq 5 komanda öz-Ara musabiqilishidiken we chémpiyonluqni talishidiken.

Musabiqe meydanidin ziyaritimizni qobul qilghan washington-Wirginiye teklimakan uyghur komandisining mesulliridin jüret obul ependi bu qétimliq musabiqining uzun mezgillik teyyarliq netijiside teshkillengenlikini bildürdi.

Doktor jüret obul ependi wirginiyedin bostonghiche bolghan seper jeryanida yol-Yollargha yighilghan uyghur jamaitining putbol komandilirini qizghin qarshi élip kütüwalghanliqini alahide tilgha aldi.

Jüret obul ependining ilgiri sürüshiche, bügünki échilish murasimi bilen birinchi meydan musabiqe intayin yuqiri keypiyatta we dostane muhitta bashlanghanliqi melum.

Teklimakan uyghur komandisi terkibide bu qétimliq musabiqige qatnashqan muhemmeteli ependi bügünki musabiqining bir putbol herikitila emes, belki eng muhimi uyghur xelqining birlik we ittipaqliqi shundaqla milliy rohini ipade qilidighan sehne bolghanliqini alahide tekitlidi.

Amérika uyghur birleshmisining heyet ezasi, wirginiye teklimakan uyghur komandisining teshkilligüchiliridin biri bolghan abdughéni ependimu ziyaritimizni qobul qilip, mundaq dédi: «bu qétimliq musabiqe amérikining jay-Jayliridiki uyghur yashliri bilen putbol heweskarlirini bir jaygha toplidi. Musabiqige hetta qoshna dölet kanadadiki uyghur komandisimu qatnashti. Bu peqet bir qétimliq adettiki putbol musabiqisila emes, belki muhajirettiki uyghur yashlirining uyushush küchi we intizamchanliq rohini sinaydighan bir ammiwi paaliyet boldi.»

Bu qétimliq musabiqining sahibxana komandisi, yeni boston-Nyuyork uyghur komandisining térnéri uchqun ghappar ependimu ziyaritimizni qobul qilip, bostondiki uyghur aililiri bilen uyghur oqughuchilarning bu qétimliq musabiqe üchün xalisane iane we qolidin kélidighan yardemlerning hemmisini qilghanliqini alahide tekitlidi.

Amérika uyghur birleshmisining reisi ilshat hesen ependi bu qétimliq amérika uyghur putbol longqisini talishish musabiqisi munasiwiti bilen radiomiz ziyaritini qobul qildi. U, «bügünki künde xitayning uyghurlargha qaratqan milliy we diniy zulumi tarixtiki eng éghir basquchqa kirgen bir mezgilde amérikidiki uyghur yashlirining uyushup mundaq bir putbol musabiqisini ötküzüshi tarixiy xaraktérlik ehmiyetke ige bir ish. Bu uyghurlarning uyushush küchini, milliy rohini we milliy jasaritini namayan qilidighan bir heriket,» dédi.(Qutlan)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: