5-Iyul munasiwiti bilen istanbuldiki xitay konsulxanisi aldida namayish ötküzüldi

7-Ayning 5-Küni 5-Iyul ürümchi weqesining 8 yilliqi munasiwiti bilen istanbuldiki xitay konsulxanisining aldida 600 etrapida kishi namayish ötküzüp, 5-Iyulda hayatidin ayrilghan uyghur shéhitlarni xatirilesh bilen birge, xitayning bésim siyasitini eyiblidi.

Istanbulda paaliyet élip bériwatqan sherqiy türkistan maarip we hemkarliq jemiyiti teripidin uyushturulghan namayishqa, türkiye büyük birlik partiyesining yashlar yachéykisi, alperen ochaqliri teshkilati reisi we ezaliri we uyghurlardin bolup 600 etrapida kishi ishtirak qildi. Namayishchilar hemme birdek «hökümet uxlima, qérindashliringgha ige chiq», «shinjang emes, sherqiy türkistan», «xitaylar sherqiy türkistandin yoqal», «5-Iyul ürümchi qirghinchiliqini untumayli», «térrorchi xitay» dégendek shoarlarni towlashti.

Arqidin bu namayishni uyushturghan sherqiy türkistan maarip we hemkarliq jemiyiti reisi hidayet oghuzxan muxbirlargha bayanat berdi. U bayanatida xitayning bundin 8 yil burun 5-Iyul küni uyghurlargha qirghinchiliq élip barghanliqini, köp sanda uyghurni öltürgenlikini, bulardin sirt ölüm jazasi bergenlikini, köp sanda uyghurni yoshurun halda öltürgenlikini ilgiri sürdi, shundaqla xitayning uyghurlargha zulum qilipla qalmastin musulmanlarning dini islam bilen uyghurlarning ana tilinimu cheklewatqanliqini, weten ichidiki zulumni az dep chetelde yashawatqan uyghurlarghimu her xil yollar bilen bésim ishlitiwatqanliqini, chetelde oquwatqan oqughuchilarni yurtigha qaytishqa mejburlawatqanliqini ilgiri sürdi. Xitayning bu rehimsiz zulumini toxtatmighan dunyadiki herqaysi döletlerningmu xitay ishlewatqan bu jinayetke shérik boluwatqanliqini ilgiri sürdi.

Hidayetulla oghuzxan ependi namayish heqqide, namayishta bergen bayanatining mezmuni toghrisida melumat berdi.

Biz namayishqa ishtirak qilghan uyghurlar bilen neq meydandin téléfon ziyariti élip barduq, memet damollam namayishning yaxshi ötkenlikini, meqsitige yetkenlikini bayan qildi.

Munewwer özuyghur xanim bu namayishtin uyghurlar tekitlewatqan birlik ittipaqliqning emelge éshiwatqanliqining bésharitini körgili bolidighanliqini bayan qildi.

Türkiyening istanbul shehiridiki xitay konsulxanisining aldida 2010 yili 5-Iyul künidin étibaren her yili 7-Ayning 5-Küni namayish ötküzülüp kelmekte.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: