Misirda Uyghur Oqughuchilarning Tutqungha Uchrawatqanliqi Melum

 c8f2295f-2347-42b7-bcf1-7b444465c219.jpeg

Xitay tereptin mexsus ewetilgen xizmet ishlesh guruppisi misirda élim tehsil qiliwatqan uyghurlargha xizmet ishlimekte.

RFA

Bir qanche aydin buyan xitayning türlük bésimlirigha uchrighan misirdiki uyghur oqughuchilarning wetenge qaytish-Qaytmasliq yaki 3-Bir elge bérish otturisida iztirap chékiwatqanliqi melum bolghan idi.

Seyshenbe küni misirdiki uyghur oqughuchilar radiyomizgha uchur yetküzüp, yéqinqi künlerde misir saqchilirining qahirediki uyghurlar turuwatqan 7-Rayondiki uyghurlarni kocha doqmushlirida, ashxanilarda, bezilirini öyige basturup kirip, qara-Qoyuq tutuwatqanliqi, bezi seper qilmaqchi bolghanlarni ayrodromda qoralliq eskerler tutqun qiliwatqanliqi heqqide melumatlar berdi.

Misirdiki uyghurlarning weziyitidin xewer tapqan uyghur teshkilatlirimu nöwette jiddiy heriketke kelgen bolup, ular xelqaraning jiddiy ariliship, misir we xitaygha bésim ishlitishni telep qilmaqta iken.

Ikki kündin buyan misir saqchilirining tuyuqsiz öy axturushliri dawamida tutqun qilinghan uyghurlar heqqide bir oqughuchidin kelgen tizimlikke qarighanda, 4-Iyul küni qahire 7-Rayondin nurexmet borhan, abdulhemid, enes qarim, shehydullah muhemmed, yasin ibrahim, abdulqudduslar shu yer waqti kech saet 7 de namaz shamdin kiyin tutup kétilgen.

Misirdiki uyghurlarning tutqun qilinghanliqini xewer qilghan yene bir oqughuchi bolsa 4-Iyul küni kechte, 7-Rayondiki eslem uyghur ashxanisdin 30 din artuq uyghurning, qara maskilar taqighan qoralliq misir saqchiliri teripidin biraqla élip kétilgenlikini bayan qildi.

Hazirghiche mushuninggha oxshash, radiyomizgha kelgen, qahire saqchiliri teripidin uyghurlar tamaq yeydighan ashxanilar we öylerdin hemde qahire ayrodromidin tutulghan uyghurlar tizimlikidikiler sani 50 tin ashti we bügüngiche bulardin qoyup bérilgenler heqqide héchqandaq uchur yoq.

Özining sawaqdishi we dostlirining qara-Qoyuq tutulghanliqini, hetta misirda turushluq iqamiti, qanunluq resmiyetliri toluq uyghurlarningmu tutuluwatqanliqini bilgendin kéyin,turuwatqan öyini terk étip, bashqa sheherge qéchip panahlinishqa mejbur bolghan bir qiz oqughuchi, saqchilarning tutqun nishanining peqet uyghurlar boluwatqanliqini hemde qara-Qoyuq tutuluwatqanliqini, qahirede qalghan uyghurlarning weziyitining intayin jiddiylikini, hemme uyghurning wehime ichide yashawatqanliqini inkas qildi.

Misir metbuatliridin, misirda yéqinqi aylarda térrorluqqa qarshi alahide jiddiy halet élan qilip, dölet bixeterliki tekshürüsh xizmetlirining waqtini uzartqanliqi we tedbirlirini kücheytkenliki melum bolsimu, emma qahire saqchilirining yéqinqi bu ikki künde bashlighan tuyuqsiz tekshürüsh we tutqun qilish herikitide peqetla uyghurlarni nishanlawatqanliqi, qahirediki bir özbék kishining bayanliridin delillendi. Uning déyishiche, ashxanigha tuyuqsiz basturup kirgen saqchilar peqet uyghurlarnila tekshürüp, tutup chiqip ketken, ular bilen teng olturup ghizaliniwatqan qazaq, qirghiz we özbéklerge chéqilmighan.

Biz, qahire saqchilirining uyghurlargha qaratqan bu tuyuqsiz tutqun qilish herikitining sewebi we meqsiti heqqide éniq melumat élish üchün, qahire saqchi dairiliri we washingtondiki misir elchixaniliridin jawab élishqa tirishqan bolsaqmu, ular hazirghiche inkas qayturmidi.

Nöwette misirdiki uyghurlarning ehwali heqqide qismen xewerler we uchurlar shundaqla misirdiki balilarning xelqara jemiyettin yardem telep qilip yazghan murajietlirimu ijtimaiy taratqulardimu taralmaqta, igilishimizge qarighanda, dunya uyghur qurultiyimu misirdiki uyghurlar mesilisi toghrisida jiddiy tedbir élishqa bashlighan. Bu heqte bügün dunya uyghur qurultiyining reisi rabiye qadir xanim ziyaritimizni qobul qilip, özining hemmidin bek misirda tutulghan uyghurlarning xitaygha qayturulup kétishidin endishe qiliwatqanliqini we buning aldini élish üchün, her qaysi uyghur teshkilatlirigha yolyoruq bergenlikini hemde munasiwetlik organlar bilen körüshüshke bashlighanliqini sözlep ötti.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: