Qanliq Ürümchi Weqesining 8 Yilliq Xatire Künide Washingtonda Xitaygha Qarshi Naraziliq Namayishi Ötküzüldi

5-Iyul ürümchi weqesining 8 tilliqi munasiwiti bilen xitay elchixanisi aldida élip bérilghan namayishtin körünüsh. 2017-Yili 5-Iyul, washington.

5-Iyul ürümchi weqesining 8 tilliqi munasiwiti bilen xitay elchixanisi aldida élip bérilghan namayishtin körünüsh. 2017-Yili 5-Iyul, washington.

 RFA/Qutlan

Bügün washington waqti chüshtin kéyin saet 2 de amérikidiki uyghur jamaiti paytext washingtongha toplinip, «5-Iyul weqesi» ning 8 yilliqi munasiwiti bilen xitaygha qarshi naraziliq namayishi ötküzdi.

Namayishchilar aldi bilen xitayning washingtondiki elchixanisi aldigha yighilip, qollirida ay-Yultuzluq kök bayraq bilen xilmu-Xil lozunkilarni jewlan qildurghan halda xitaygha qarshi shoar towlidi.

Bu qétimliq namayish amérika uyghur birleshmisining teshkillishi bilen tertiplik we yoqiri keypiyatta bashlandi. Amérika uyghur birleshmisining reisi ilshat hesen ependi namayishning resmiy bashlanghanliqini, namayishchilarning xitay elchixanisi aldidiki küch körsitishtin kéyin, tertiplik we tinch usulda washington kochilirini aylinip yürüsh qilidighanliqini jakarlidi.

Paytext washington hemde uninggha qoshna wirjiniye we mariland shtatliridin yighilghan nechche yüzligen uyghur jamaiti qolliridiki ay-Yultuzluq kök bayraqlarni lepilditip, hayajan we ghezeb ilkide shoar towlidi. Bir qisim ammiwiy teshkilatlarning wekillirimu namayishqa qatnashti.

Dunya uyghur qurultiyining reisi rabiye qadir xanim shunche issiqqa qarimay bügünki namayishqa qatnashti we shexsen özi yétekchilik qildi. U namayish bashlinishi bilen söz qilip, pütün dunyadiki uyghur jamaitini xitayning chékidin ashqan siyasiy bésimi aldida hergizmu bash egmeslikke chaqirdi.

Dunya uyghur qurultiyining muawin reisi, uyghur kishilik hoquq qurulushi teshkilatining dériktori ömer qanat ependi ziyaritimizni qobul qilip, bügünki namayishning sewebi we meqsetliri heqqide chüshenche berdi.

4 Kündin buyan bostonda ötküzüliwatqan amérika uyghurlirining 3-Nöwetlik putbol longqisini talishish musabiqisini ghelibilik axirlashturup, bügün seher washingtongha qaytip kelgen uyghur putbol mahirlirimu namayishqa qatnashti.

Bash shitabi washingtondiki uyghur kishilik hoquq qurulushi teshkilatining tetqiqatchisi zubeyre shemsidin xanim namayish jeryanida ziyaritimizni qobul qilip, 5 -Iyul weqesining uyghur bügünki zaman tarixidiki untulmas qanliq tragédiye ikenlikini tekitlidi.

Axirida ilshat hesen ependi, «5-Iyul weqesi» ning 8 yilliq xatire künide dunyaning siyasiy merkizi bolghan washingtonda xitaygha qarshi bundaq zor kölemlik namayish uyushturushning chongqur siyasiy ehmiyetke ige ikenlikini ilgiri sürdi.

Namayishchilar xitay elchixanisining aldidin yolgha chiqip, washington kochilirini boylap yürüsh qildi.QUTLAN

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: