Uyghurlar Xitayning Milliy Öchmenlik Déngizida Halak Bulishtin Özlirini Qoghdiyalamdu?

 

mehmet-emin-.-1-217x300

Mehmetimin Hezret

Xitay wehimisi ichide yashighan uyghurlar,xitayning ghezep déngizida halak bulishtin qutulalamdu?

Birinchi xewer: gollandiyede yashaydighan uyghurlarning sani 3000 etirapida. Bügün namayishqa qatnishiwatqan uyghurning sani 30 etirapida. Nida radiyosi- 5. Iyul 2017 küni gollandiyediki xitaygha qarshi namayish toghruluq nex meydan anglitishtin -abdusalam niyaz

Ikkinchi xewer: qahire saqchiliri teripidin uyghurlar tamaq yeydighan ashxanilar we öylerdin hemde qahire ayrodromidin tutulghan uyghurlar tizimlikidikiler sani 50 tin ashti we bügün’giche bulardin qoyup bérilgenler heqqide héchqandaq uchur yoq. –erkin asiya radi’osi 2017. Yili 7. Ayning 5. Küni -gülchéhre xewiri

Üchinchi xewer: xoten shehiri hemde xoten wilayitige qarashliq herqaysi nahiyilerdiki asasiy qatlamlarda partiye we xelq qoralliq qisimlirida rehbiriy wezipe ötewatqan on neper uyghur kadir «ammining menpe’etige ziyan sélishtiki tipik délo» seweblik wezipisidin qaldurulghan. – erkin asiya radi’osi 2017.yili 7.ayning 4. Küni. Muxbir ezizning xewiri

Yuqiridiki 3 misalda ortaq bir psixologiyilik hadise bar: xitay wehimisi ichide öz sayisidinmu ürküp yashap, xitayning ghezipidin qutulalmasliq. Misallar bek köp. Anilizimizgha merkezlishish üchün bu 3 misal bizge kupaye

Birinchi: gollandiyedikige oxshash, uyghurlarning kolléktip halda xitaygha qarshi namayishtin özini qachurush, erkin dunyada yashawatqan uyghurlarning hemmiside ortaq mewjut bolup kéliwatqan ehwal. Wetenni tashlap chet’elge chiqip kétishke mejbur bolghan uyghurlarning mexsetliri her xil bolishi mumkin. Biraq sewep oxshash: öz wetinimizde ixtisadi, ijtima’iy we meniwi huzurgha érishelmeslik. Nime üchün tughulghan yurtimiz bizge tar keldi? Wetinimiz bashqa bir millet teripidin ishxal qilinip, bizni chetke qaqqanlighi üchün
Chet’elde biz uyghurlar bexitlikmu? Köpünche uyghurlar bexitlik emes. Chet’elde erkinlikke érishken uyghurlar weten hesriti we jan béqishtin ibaret ikki éghir yükning astida turmush helekchiligide yashimaqta. Bezi uyghurlar éghir rohi yimirilish ichide. Bularning hemmisining astida yatqan sewep bolsa yurtimizni xitaylarning tartiwalghanliqi. Bu xorluqni hés qilmay yashawatqan uyghurlar az emes. Beziliri chet’elde xitay bilen tijaret qilip jan béqiwatqachqa milliy küreshtin uzaq turidu. Beziliri wetende xitay teripidin rehine élin’ghan ata-ana, uruq – tughqanlirini ayap özlirini milliy küreshtin uzaq tutidu. Beziliri a’ilisi teripidin weten, millet, din tuyghusidin uzaq yetishtürülgen, chet’elde yaxshi turmush kechürüsh üchünla chiqqan.amma chet’eldiki bayliqlarning igisi barliqini körgen bolsimu, öz we ewladlirigha nisbeten mes’uliyet tuyghusi bolmighachqa perwayi pelek yashashni”hayat” dep bilgenlerdur. Beziler xitaydin ümit üzelmigen. Shunga 3000 uyghurdin,kök bayraqni kötürüp xitayning milliy zulimigha qarshi namayishqa chiqishqa peqet 30 uyghurla jür’et qilghan. Shunchiwala ihtiyat qilip, erkin döletlerde xuddi qoyashtin qorqqan sheperengge oxshash qarangghuluqta yashashqa adetlen’gen uyghurlar xitayning gheziwidin qutulup qalalidimu? Yaq. Yéqinqi 3 ay ichide ”biz xitaygha qarshi hich qandaq ishqa qatnashmiduq. Xitay dégen tikenni kirgen yerdin alidighan adil dölet“ diyiship, chet’el pasporti we xitay pasporti bilen xitay chégrisidin kirip, yaki xitayda tijaret qilip tutup sulap qoyulghan uyghurning sani 100 neperdin artuq

Ikkinchi: misirdiki uyghur uqughuchilar peqet dini bilimlerni öginishtin bashqa héchqandaq siyasi pa’aliyetke qatnashmighan. Beziliri xitay elchixanisidin oqush yardem puli alghan. Beziliri türkiyide dinda oqughanlarni kemsitetti. Misirda burun oqup türkiyige yerleshken we hazirmu misirda oquwatqanlarning mutleq köpinchisi uyghur milliy küresh sépidin uzaq turatti. Ikki aydin béri qéchip türkiyege kéliwalghanliri ölüm qorqusidin qutulghan bolsimu, xitay we misir saqchiliri teripidin tutup solap qoyghanlarning hayati xewp astida.ularning hayatidin qayghurmaqtimiz. Xitaydin qorqup yashash, bu qérindashlirimizni xitayning ghezipidin qutquzup qalalmidi

Uchunchi: xotende bir kün ichide 10 neper uyghur rehbiri kadir wezipisidin élip tashlan’ghan. Beziliri qolgha élin’ghan. ”ikki yüzlime uyghur kadirlarni tazilash herikti“ wetenning hemme jaylirida shiddet bilen dawam qilmaqta. Wetende rehbiri kadir bolush üchün aldi bilen kommunistik partiye ezasi bolush lazim. Partiyige bolghan sadaqitini ispatlash üchün uyghur qérindashlirini köydürüshi kérek. Basquchmu basquch, qatmu qat sinaqtin ötmey turup uyghurlarning rehbiri kadir bolalishi mumkin emes. Xitay bu kadirlarning sadaqitining yérimi uyghurlargha bölünüp ketkenlikidin shöhbilinip jazalawatidu. Beziliri kommonistik partiye ezasi turup ata- anisi we yaki uruq-tuqqanlirining jinaza namizigha qatniship qalghanliqi üchün éghir jazagha tartiliwatidu. Meschitke kirip allagha, tashqirigha chiqip zalimlargha tezim qilip adetlen’gen ikki yüzlime musulman uyghurlarmu zalimlarning zorawanlighidin qutulalmaywatidu. Xitaydin qorqush uyghurlarni qutquzup qalalaydighan bolsa idi, öz millitini jugazda ezip yéghini chiqirip xitayghagha teqdim qilishni üsüshining yoli dep bilidighan uyghur kadirlar, xitayning teshwiqat kaniyigha aylan’ghan uyghur ziyaliylar qutulup qalghan bolatti. Xitayning ghezipi bularnimu yutup kétiwatidu

Bir mehellini sel süyi bésip ketse hemme qoro-jayni weyran qiliwétidu. Xitayning gheziwimu shundaq. Uyghur millitidin bolghanlarning héchqaysi xitayning ghezep- nepritidin qutulup qalalishi mumkin emes. Bu ghezep- nepret kelkunige bezi uyghurlar burun, bezi uyghurlar kéyin uchiraydu. Amma hichqaysi qutulup qalalmaydu. Chünki, siz uyghurlighingizni, musulmanlighingizni untup qalghan bolsingizmu, xitaylar untumaydu
Eng échinishliq bulghini shuki, chet’elde özining uyghurluq mes’uliyitidin qéchip, xitaydin qorqup yashawatqan uyghurlar , millitimizge zulum qiliwatqan xitayni emes, imkaniyetsizlik ichide xitay zulimigha qarshi küresh qiliwatqan uyghur rehberlerni,uyghur jengchilerni tillaydu, haqaret qilidu. Bularning arisidiki eng wijdanliq déyilgen uyghurlarmu ,chet’elde millet üchün jan pidaliq bilen ishlewatqanlarni kemsitishidu yaki közliri peqetla ularning xataliqini köridu

Xulase: xitaylar biz uyghurlarning éziz wetinimizning baghrini bayliq qazimiz dep hötme –töshük qiliwétipla qalmidi. Belki asasliq küchini uyghur millitining milliy rohini hötme – töshük qiwétish üchün seperwer qilip keldi. Milliy rohimiz ”xitay wehimisi“ din ibaret mikrob bilen zeherlendi. Öz erkinliki üchün intilmigenler, insanliq qimmitini unutquchilardur. Bir milletning millet bolush bolalmaslqtiki eng muhim ölchem, u milletning milliy rohining erkinlikkimu yaki qulluqqimu mayil bolghanliqidur. Xitaydin qorqupla yashash, xitayning ghezipidin qutulup qélish üchün yéterlik tedbir emes

Qorqush, bash égishni keltürüp chiqiridu. Bash égish, ghururini yoqitidu. Ghurursizliq, rohni qullashturidu. Qulluq rohi bolsa insanni haywanlashturidu. Xitaylar, biz uyghurlarni qamchidin huzurlinidighan ésheklerning, buyundurqigha ashiq hüküzlerning xuyini özleshtürüshimizge ündeydu. Biraq alla bizni erkin yaratqan.tepekkur qilishqa ündeydu. Allah qur’an ayetliri arqiliq wehiy chüshürüshtin milyon yillar ilgiri insanlarni tunji yaratqandin bashlap eqildin ibaret wehiy bilen bille yaratqan. Islam erkinlik dinidur, qulluq tüzümige jeng élan qilghan dindur. Erkinliktin waz kechken qewmlerni allah gumran qilghan. Allah eger qorqushqa toghra kelse “ mömin bolsanglar, ulardin (zalimlardin) qorqmanglar, mendin qorqunglar.“ dep xitab qilidu. – al imran sürisi 175. Ayet
Xitay wehimisi ichide yashighan uyghurlar,xitayning ghezep déngizida halak bulishtin qutulalamdu? Milliy ghayisi yoq uyghur wetende xitay mediniyitining, chet’elde ejnebi mediniyetning qaynimida érip yoq bolup kétishke mehkumdur. Érkinlikke érishish ghayisidin waz kechmigen millet ghururluq millettur. Ghururluq milletni yuqutalaydighan kuch bu dunyada yoqtur

 

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: