Allah, Milliy Munapiqlarni Xitayning Qoli Bilen jazalawatidu

mehmet-emin-.-1-217x300

 

Mehmetimin hezret

Allah, milliy munapiqlarni xitayning qoli bilen qandaq jazalawatqanlighigha qarang

Aptonum rayunning re’isidin bashlap, nahiyilerning hakimlirighiche, uniwérsitét proféssordin, bashlan’ghuch mektep mudirlirigha qeder, ataqliq yazghuchilardin, yézilardiki qoshaqchilarghiche pursetni ghenimet bilgen milliy munapiqlar ”xitay kommunistik partiyige köngül iz’hari“ ipadilen’gen maqalilarni, shi’ér, qoshaqlarni élan qilmaqta. Milliy ippet – numusimizning ayaq – asti qilinishi bashlan’ghan asaret astidiki tariximizdin bügün’giche, her qétimliq siyasi herket weyaki milliy qirghinchiliq dewrliride uyghur milli qehrimanlirining jesetlirini, yuqiri örleshtiki pelempey süpitide paydilan’ghan uyghur munapiqlar bu qétimmu, uyghur millitining eng qedirdan kishiliri, muqeddes islam dini, islam dini bilen gösh we tirnaqqa oxshash birliship ketken uyghur medeniyiti, örp – aditi, xitay hakimiyiti teripidin umumiy yüzlük we tarixta héch körülmigen shiddet bilen hujum we bombardıman’gha uchrawatqanda, uyghur milliti ichidin chiqqan milliy munapiqlar xuddi qan hidi alghan itlargha oxshash toshmu toshtin qawap chiqishqa bashlidi. Bular öz jénini saqlap qélish üchün xojayinliri aldida quyruq shippangshitip, put – qoli baghlinip aldigha tashlap bérilgen oljining qénigha teshna ikki putluq, gep qilalaydighan haywan türliridur. Boyni baghlan’ghan bu itlargha öz neslini chishlitish üchün xitay qanda istiratégiye ishletti?

Men sizge qiziqarliq birla hékaye anglitay; Bu yil 4. Ayda uyghur qatili chin chuen’go, kommunistik partiye we xitay millitige eng sadiq bolghan bir qanche uyghur emeldarni ”ikki yüzlimichi“ jinayiti bilen eyiblep tuyuqsiz tutupla turmigha atti. Bularning birsi xoten wilayiti lop nahiyisining hakimi, partkomning mu’awin sékritari, nahiyilik saqchi idarisining bashliqi memtimin abdulla idi. Memtimin abdulla 7 yildin béri lop nahiyilik saqchi idarisining bashliqliq wezipisini ötesh jeryanida, nahiye tewesidin 10,000 din artuq uyghurni tutup turmigha solighan we 100 din artuq uyghurni turmilarda qiynap öltürüwetken bir jallat idi.u, bu xizmetliri üchün mukapatlinip östürülgen. Lop nahiyisi teweside tilemchilik qilip jan béqishqa mejbur bolghan yétim balilar, tul ayallarni doqmush – doqmushta körüp chidash mumkin emes idi. Lop xelqi ”allah memtimin abdulladin intiqamimizni kapirlarning qoli bilen élip berdi.“ déyiship xoshal bolushmaqta

Chin chewen’goning könglidiki hésab bolsa bashqa idi.u, birni qurban qilip, minggha ibret qilish taktikisini yaxshi biletti.uning meqsiti, munapiq uyghur kadirlarning qelbide zerrichilikmu milliy héssiyat qaldurmasliq, hetta öz millitidin nepret qilidighan halgha keltürüsh idi. Allahtin qorqmaydighan, öz xelqidin eymenmeydighan, peqetla xitay bashliqliri aldida “xosh, xosh” dep turushqa adetlen’gen bu toshqandinmu qorqaq munapiqlarning put – qolida jan qalmidi. Mushundaq bir waqitta xitay xojayinliri bularni partiyige, xitay millitige bolghan sadaqitini gézit we tiliwizorlarda ipadileshke chaqirdi. Qorqup ishtanni höl qiliwetken xotenning qorchaq waliysi éziz musa 5.ayning 27. Küni xotenning 7 nahiyiside 100 ming kishilik qesemyad yéghini échip ”ikki yüzxlimichilerge qarshi qesemyad yéghini“ achti. Bashqilar uninggha egeshti. Éziz musa 2 ay ichide 3 qétim xitayche, uyghurche töwwenamisini élan qildi. Bugün (7.ayning 12.küni) tengritagh torda élan qilghan ”dinni destek qiliwalghanlarning aldam xaltisigha chüshmeyli“ serlewhilik maqalisida “din insaniyet jem’iyiti tereqqiy qilip mu’eyyen basquchqa barghandiki tarixiy hadise, uning peyda bolush, tereqqiy qilish we yoqilish jeryani bolidu.” dep yazghan. Bu munapiqning ”din yoqilidu“ déyishi, xitayning dinni yoqutush iradisini uchuq ipadiligen. Xitaylar shuni tonup yettiki, islam dinini yoqatmay turup uyghurlarni yoq qilish mumkin emes. Biraq allaning dinni qoghdaydighanlighi toghrisida wedisi barliqini bu munapiq bilmeydu yaki aqiwiti memtimin abdulladek bolup qélishidin qorqidu

Xitay kommonistik partiyisige sadaqet bildürüshke, pinissiyege chiqqan, bir puti görge sanggilighan uyghur emeldarlarmu mejburlanmaqta. ”tengritagh tori“ tünügün isma’il ehmetning ”wetenperwerlik rohini ewj aldurup, wetenning birlikini qet’iy tewrenmey qoghdayli“ dégen maqalisini élan qildi. Maqalini chidap axirghiche oqup chiqtim. ”ittipaqliq“ dégen söz 21 yerde tekrarlan’ghan. Amma ”teng – barawerlik“ dégen söz héchbir yerde tilgha élinmighan. Isma’il ehmet mundaq dep yazidu ”méningdek bir kembeghel a’ilidin chiqqan ademning dölet kadiri bolup yétiship chiqishim partiye we xelqning terbiyesidin boldi. Hélimu ésimde, 1960 – yili merkiziy aliy partiye mektipining shinjang sinipigha ishtin ayrilip ikki yérim yilliq oqushqa bardim, partiye mektipi sinipimizgha intayin köngül bölüp, bizge mexsus terjiman, mashinist, ashpez qatarliqlarni seplep berdi. Asasliq derslerni intayin dangliq mutexessisler ötti, buning bilen méning nezeriye, bilim sewiyem sistémiliq östi.“ ismayil ehmetning eqlige “ nimishqa kompartiye unwérsitét püttürgen, bilimlik uyghur yashlirini béyjingdiki partiye mektipide oqutmay, nimishke xoten chirining chet yézisida bashlan’ghuch mektepnimu püttürüp bolalmighan men ismayil ehmetni tallap béyjinggha apirip terbiyilidi we aptonom rayonning eng ali hoquqigha qeder kötürdi? Sewep néme idi?dep oylap baqtimu? Isma’il ehmetning rahet körüwatqanlighi rast. Amma xoten xelqi, bolupmu chira xelqi nimishqa yoqsulluqtin qutulalmaywatidu? Néme üchün 2017. Yilining aldinqi yérim yilida chiridida ishsiz qalghan 1000 neper ishsiz uyghur qiz- yigit yallanma ishchiliq üchün toghulghan yurtliridin ayrilip xitay ölkilirige ewetildi? Nimishqa chira nahiyisining anar, chilan baghliri xitay köchmenliri teripidin igelliwélindi? Ismayil ehmetning buni oylighuchilik eqli yoqmu? Bar. Ismayil ehmet we uning izidin kéliwatqanlarda bir nerse yoq. Yoq nerse wijdan

Allah bezi munapiqlarni xitayning qoli bilen jazalighan bolsa, bezi munapiqlarni, uyghur millitidin chek – chégra ayrilghanliqi toghrisidiki bayanatliri arqiliq xelqimizning neziridin chüshürüp jazalawatidu. Uyghur munapiqlar, özlirining musulman emeslikini arqa- arqidin élan qiliwatidu.bekli xitaylar, partiye ezasi uyghurlar ölgende mazargha kömüshke bolmaydu. Xitaylargha oxshash jesidi köydürülüp küli a’ilisige bérilidu, dep höjjet chiqirishi éhtimalgha nahayiti yéqin. Allah belki xitaylarning qoli bilen ”biz musulman emes“ dep besliship bayanat élan qilghan munapiqlardin xelqning intiqamini ularning jesetlirini köydürüsh arqiliq élip bérishi mumkin. Weziyetning tereqqiyatidin qarighanda bu künlermu uzaq emes

Bugünki dewirde chet’elde kompyotér aldida olturup xitayning torlirini oquyalaydighan, igisiz qalghan uyghur millitini sétip xejlewatqan, ularning köz yashlirini chay ornida ichiwatqan milliy munapiqlarning isim familisini we qilmishlirini tarixqa xatire qilip yézip qoyalaydighan yüz minglighan wijdanliq uyghur ewladi mewjut. Belki, xitay kompartiyisining ömri isma’il ehmetning ömridin qisqa bolishi mumkin. U künlerde bu munapiqlar öz xelqining ghezep otida külge aylinip kétishini oylap baqtimu?

 

http://www.uyghurnet.org

 

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: