Liyu Shawbo Ölmidi, 1,35 Milyard Xitayning Wijdani Öldi

 

16299298_149287675574223_7678686734542577224_n

Autori: Mehmetimin Hezret

Liyushawbo ölmidi, 1,35 milyard xitayning wijdani öldi

Liyushawbo xitayning lyawning ölkisi panjing turmisida jismani we meniwiy azab tartiwatqan künlerning biride nobil mukapatigha layiq körüldi. Mukapat murasimida a’ilidin mukapatni alidighan héchkim yoq idi. Chünki, liyushawboning ayali liyusha béyjingdiki öyidin élinip bilinmigen bir yerde polis nazariti astida tutuliwatatti. Dunya medyasi liyushawbo we liyusha toghruluq uzun bir mezgil héchqandaq melumatqa érishelmidi. 2017.yili 6.ayning 26. Küni liyawning ölkilik turma idarisi torida,liyushaoboning jiger raki bilen aghrighanliqi seweplik doxturxanida dawalinishigha ruxset bérilgenliki xewer qilindi. Shinyang tip uniwérsitét doxturxanisida dawaliniwatqanlighi bildürülgen liyushawboni körgen her qandaq bir yéqini weyaki jornalist bolmidi. Chünki, doxturxana etirapida yüzligen resmi, minglighan puxrache kiyin’gen xitay saqchilar bar idi

Amérika we girmaniyedin mutexessis doxturlar keldi. Liyushawboning amérikidiki awdukati, uni chet’elge élip kélish üchün ambulans ayrupilan hazir halette kütüp turuwatqanliqini bildürdi. Pütün dunyaning diqqiti liyushawbogha merkezleshken bolsimu xitayning perwayi pelek idi. 2017.yili 7. Ayning 13. Küni liyushawboning wapat bolghanlighi doxturxana torida xewer qilindi. Ayali liyusha, liyushawboning jesitini tonglitip birishni telep qilghan bolsimu, xitay hökümiti aldirap, saldirap jesetni köydürüp külini liyushagha tutquzup qoydi.61 yashliq liyushawboning ölümi dunyani zilzilge keltürgen bolsimu, xitayda ölüm xewirimu bérilmidi.xitay jemiyitining perwayi pelek idi

Liyushagha yoldishi liyushawboning köydürülgen jesidining küli birildi

Liyushawbo hayatini xitay millitining erkinliki we xitay dölitining démokratiyilishishi üchün atighan bir uniwérsitét mu’ellimi we meshhur jama’et erbabi idi. Ömrining yérimidin köprekini saqchi nazariti we turmilarda ötküzgen liyushawbo pütün dunya rehberliri we medyaning tirishchanliq körsitishige qarimay eng axirqi nepsigiche erkinlikke érishelmey bu dünya bilen widalashti. Ayali liyushaning yalwirishlirigha qarimay jinaze murasimi ötküzüshke ruxset qilinmidi. Liyushawboning ölügidinmu qorqqan xitay hökümiti, uning külini mejburi déngizge töktürüwetti. Liyushawbo tunji qétim nobil mukapatigha érishken xitay puxrasi idi. Bu pütün xitay milliti iptixarlinidighan bir sherep idi. Biraq nobil mukapati xitay sharayitida liyushawboning téximu köp we éghir azap tartishigha, téximu burun ölüp kétishige sewep bolushtin bashqa ishqa yarimidi

Liyushawbo xitaydiki diktaturluq tüzümni özgertish üchün küresh qilatti.amma, zorawanliq ishlitishke qet’i qarshi idi. Tinich yol bilen mesilini hel qilish terepdari idi. Xitay kommunistik partiyisi bolsa zorawanliq yoli bilen hakimiyet béshigha kelgen we zorawanliq wastisi bilen hakimiyet yürgüzüwatqan bir partiye idi
Liyushawboning ”méning düshminim yoqtur“ deydighan meshhur bir maqalisi bar bolup, xitay kommonistik partiyisini düshmen süpitide körmeytti. Biraq xitay dölitining eng qorqunuchluq ichki düshmini liyushawbo idi. Xitay dunyaning 2. Büyük ixtisadi küchige aylandi. Qolida atom, wodorod bombiliri bar. Xoshna döletlerge wehime sélip turiwatidu. Biraq liyushawbo wehimisidin ölgidek qorqti. Nimishke? Chünki, xitay dölitide kuch bar, amma heqiqet yoq. Liyushawboda bolsa kuch yoq,amma heqiqet bar idi. Axiri uni öltürüp, jesidini köydürüp, külini kökke soriwétip xatirjem boldi. Xitay koministik partiyisi ”iraq-sham islam döliti“ térror teshkilatining dölet sheklini alghan bir yüzidur. ”iraq-sham islam döliti“ térror teshkilati jinayetni ashkare qilidu. Xitay kommonistik partiyisi oxshash jinayetni mexpi qilidu. Perqi buningdin ibaret

Liyushawbo eyni zamanda bir uyghur dostidur. U, 2000. Yili 11. Ayda ”öz teqdirini özi belgileshning huquqi“ selewhilik qisqa bir maqalisini élan qilghan idi. Maqalida, uyghur we tibetliklerge wede qilghan heqiqi aptonomiyeni birish kérekligini, buning üchün hökümetning uyghur we tibetlikler bilen teng- barawerlik sherti astida tekrar muzakire üstilige olturup kélishim hasil qilish kérekliki tekitlen’gen. Liyushawbo ilham toxtiningmu yéqin dosti idi. Liyushawbo 2009.yili eng axirqi qétim qolgha élinip 11 yilliq qamaq jazasi birilgen sotta sotlan’ghanda, uninggha artilghan jinayetliridin birsi ”bölgünchilerni wetenni parchilashqa quturtush jinayiti“ idi ömrining axirqi 8 yilini turmida jismani azab ichide ötküzgen liyushawbo, uyghurlar üchün heq gep qilghanliqi üchün téximu köp azab chékishke mejbur qalghan xitay ziyalisidur

Xitay kommunistik partiyisi hakimiyiti, dölet kuchini xelqni ézish üchün ishlitishini bashqurush mahariti dep sanaydighan, kibirlik we shepqetsizligi ispatlan’ghan qanxor hakimiyettur. Bu hakimiyetning liyushawbogha bolghan shepqetsiz mu’amilisi xitay kommonistik partiyisining xaraktérining eks étishidur. Biraq bir milyard 350 milyon xitay xelqi héchbir zaman, héchbir yerde liyushawbogha bolghan hésdashliqini körsetmesliki ejeblinerlik hadise. 2009.yili 12.ayning 25.küni liyushawbo béyjing 1.ottura sot mehkimiside 11 yilliq qamaq jazasigha hüküm qilin’ghan jeryanni tor arqiliq sa’etmu, sa’et küzitip turghan idim. Shu küni sot binasi aldigha 100 dek adem toplan’ghan bolup, 70 etrapidiki kishi gherb döletlirining bash elchilik xadimliri we jornalistliri idi. Liyushawboni qollighuchi xitaylardin 30 dek aktiwist bar idi. Kuch aldida tiz pükiydighan xitay xelqining heqiqetni himaye qilish tuyghusining tamamen ölgenlikige intayin échin’ghan idim. Xitay millitining erkinliki üchün hayatini pida qilghan bu yolbashchisi turmida süyiqest bilen ölümge yollan’ghanliqigha qarshi milyonlighan xitay puxrasi sheher, sheherde namayishqa chiqidu, dep oylighan idim. Biraq, xitay sheherlirining migh, migh adem bilen tolghan kochilirida pul üchün ölüp tirilishige qarimay chépip yürgen xitay milliti mensuplirining xiyalida liyushawboning yoqlighi körüldi. Birmunchilighan xitay puxrasi liyushawboning kim ikenlikidin xewersiz idi. Xitayda ölgen liyushawbo emes, belki 1 milyart 350 milyon nupsqa ige xitay xelqining wijdani idi

Xitaylar özlirining 3 ming yilliq yazma tarixi barliqini ilgiri sürüp kelmekte. Tarixtin biri xitay hakimiyetliri xelqni ézip kelgen zor bir zulum wasitisidur. Dölet xelqni qanchilik qattiq ezse, xelq döletni shunche qabiliyetlik dep hisaplighan we shunche hörmet körsitip kelgen.2 ming yilliq tarixi ötmüshi bolghan kungzi pelsepisining nigizide ”maslishish“ sözi yatidu. Maslishish, döletke maslishishni meqset qilidu. Xitay xelqi tarixtin beri ”maslishish“ni, buyunduriqigha ashiq öküz bolush, dep chüshünüp kelgen

Kéyinki 500 yil ichide medeniy dunya 838 keshpiyatini ijat qildi we insaniyetning tereqqiyatigha ghayet zor töhpe qoshti. Biraq bu 838 keshpiyatning birsimu xitay millitige mensup emes. Néme üchün? Chünki, xitayda erkin insan bolghan emes. Keshpiyat yaritish üchün aldi bilen insanning rohi erkin bolishi shert. Rohi erkin insan qorqumsiz erkin tepekkur qilalaydu. Erkin herket qilalaydu. Insan rohi qullashturulghan héchbir dölette keshpiyat yaritalaydighan alimlar chiqmidi we chiqishimu mumkin emes. Xitaylar, gherp döletliri 300 yilda ijat qilghan keshpiyatlirini 30 yilda köchürüp özleshtürüp bolghanlighi bilen nahayiti pexirlinip maxtinidu. (eslide maxtinish emes, xijilliq hés qilishi kérek idi) xitay milliti erkinlikni emes, bayashatliqi tallap ilgirlewatidu. Shunglashqa xitay millitining meniwiy éhtiyaji bolghan erkinliki üchün hayatini pida qilghan we dunyada hörmetke sazawer bolup nobil mukapatigha érishken liyushawboning xitay xelqi neziride héchqandaq qimmitining bolmighanliqigha heyran bolushqa kérek yoqtur

Men, uyghurlarning xitaylar bilen bille yashiyalmaydighanlighini ispatlaydighan ming maddiliq sewebni otturigha qoyalaymen. Liyushawboning tiradigiyelik hayati we paji’elik ölümi biz uyghurlarning xitaylar bilen bille yashiyalmaydighanliqimizning bashqa bir delilidur
Sherqi türkistanda xitay hökümiti milliy qirghinchiliq siyasitini ashkare yürgüziwatidu. Wetinimizge köchürüp kélin’gen xitay köchmenler, xitay dölitining medetkarliqi bilen uyghurlarni yüreklik halda bolang- talang qilmaqta. Uyghurlarni büzek qilishtin numus his qilghan xitay yoq diyerlik. Ürümchide jangxeytaw isimliq bir xitay yash, xitay hakimiyitining uyghurlargha qaratqan milliy ayrimchiliq siyasitini tenqit qilip yazghan maqalisini chet’eldiki ijtima’iy taratqularda élan qilghanliqi üchün 2016.yili 1. Ayda ürümchi ottura sot mehkimisiteripidin ”bölgünchilerni wetenni bölüshke qutratquluq qilish jinayiti“ bilen eyiblep 19 yilliq qamaq jazasigha höküm qildi. Öyini tartiwélip ayali li eyji’eni 6 ayliq balisi bilen kochigha heydep chiqardi. Li eyji’ege heqsiz öy bergen we uninggha pul yardem qilghan uyghurlar bugün turmida. Yurtimizdiki köchmen xitaylar jangxeytawni ijtima’iy taratqularda ”xitay millitining xa’ini, milliy munapiq“ dep haqaretlep minglighan yazmilar yazdi. Xitay dölitining resmi istatikisida sherqi türkistandiki xitay nopusi 10 milyon dep körsitilmekte. Eger kün kéilip yurtimizda acharchiliq apiti yüz berse, xitay hökümiti, uyghurlarni öltürüp yésenglar bolidu, dise, xitay köchmenliri arisidin ”bularmu insan. Nimishke öltürup yeyluq?“ deydighanlar bek az chiqishi mumkin we köpchiliki qollirigha qural élip uyghurlarni yawayi haywanlarni öwlighandek owlash üchün hujum qilishi mumkin. Zadi, xitayning klassis esiri “su boyida” dégen romanda adem göshining qanchilik lezzetlik ikenliki toghrisida tepsili teswirler mewjut. Xitayda adem göshi yéyish 1960. Yillarghiche dawam qilip kelgen. 2014.yili guwangjuda adem göshide kawap ,manta qilip satqan bir guruh qolgha chüshürülgenlikini xitay medyasi ashkarilidi

Biz uyghurlar, liyushawbogha oxshash nami dunyagha meshhur bir ziyaliy we yol bashchisining béshini yégen xitay dölitini qollighan, heqiqet terepte emes, kuchluqlar teripide turidighan, heqqaniyet tuyghusidin mehrum bir millet bilen bir dölette yashiyalmaymiz. Chünki, ölgen nobil mukapatigha érishken liyu shawbo emes, belki bir milyard 350 milyon nopusluq xitay xelqining wijdandur. Wijdanni yoqatqan jem’iyet insanliq süpitini yoqatqan jemiyettur. Insanliq xususiyiti yoqitilghan xelqler insaniyet medeniyitini weyran qilghuchi apettur. Gétlér fashistliri medeniyetlerni yoq qilish üchün yolgha chiqmighanmidi? Bügün sherqtin kötürülgen xitay kommunist fashistliri biz uyghurlarning parlaq medeniyitini yuqutush üchün pütün dolet küchini seperwer qiliwatmamdu? Barliq uyghur ewladliri shuni isidin chiqarmasliqi lazim,; Xitay boyunturuqidin qutulmay turup uyghur millitining milliy mewjudiyiti kapaletke ige bolmaydu. Bügün bizning öz özimizdin soraydighan so’alimiz, qachan qutulimiz? Emes, qutulush üchün özimizni qandaq hazirlaymiz? Bolishi kérek

Turkchidin terjime qilghichi: bextiyar nijat

Menbeler

中国著名异见人士、诺贝尔和平奖得主刘晓波于2017年7月13日因病去世,终年61岁。

刘晓波:中国无法抹走的人物

刘晓波:自治的权利

刘晓波最后的陈述:我没有敌人

新疆异议人士张海涛二审再延期

1949年后中国的人吃人事件(一)

1949年后中国的人吃人事件(二)

1949年后中国的人吃人事件(三)

1949年后中国的人吃人事件(四)

1949年后中国的人吃人事件(五)

 

http://www.uyghurnet.org/ug

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: