Xitaylarning Uyghur Til-yéziqini Pütünley Cheklimekchi Bolghanliqigha Qarshi Naraziliq Herketige Ötüsh Heqqide Jiddiy Murajet !!! 

aaaaaaaaaaa

Essalamu eleykum eziz Uyghuristan xelqi! Xitaylar ishghal astidiki wetinimizde Uyghur we qérindash xelqlerning til-yéziq, medeniyet we diniy etiqadini qoghdash heqqide yüzligen xelqara qanunlargha imza atqan bolup hazir uninggha éghir xilapliq qilishqa bashlidi. Xitaylar özini niqaplap körsütüp, milliy mawjutluqimiz, milliy medeniyitimiz we diniy étiqadimizni yoqulush girdawigha ittirip keldi. Lékin biz uning sürüshtisini yaxshi qilalmighachqa, baridighan yerge bérip, deydighan gepni qamlashturup qilalmay beshimizni qapaqtek gildingshitip yüriwergechke ishlar barghanche yamanliship ketti we eng axirqi milliy qediriyetlirimizdinmu ayrilip qélish aldida turiwatimiz!
Eger biz nöwette duch kelgen til-yéziq, medeniyet we diniy etiqat meseliside toghra bir qedem tashliyalmisaq xelqara jemiyet bizni kelidighan bir qanche yil ichide milliy mawjutluqini yoqatqan yeni ölgen millet dep muamile qilidighan bolidu.
Biz tirik turup ölüklerning arisida yashashni xalimaymiz! Biz hür turup qullarning hayatini yashimaqni istimeymiz! Biz bilip turup ilghar bir medeniyetni peskesh chüprende bir medeniyetning astida tunjuqturup qoyushni xalimaymiz!
Xitay ishghaliyet rayoni hesaplanghan wetinimizdiki Uyghur tili, medeniyiti we diniy étiqadi meselisini herqandaq bir dewlettiki herqandaq bir bashqa etnik topluqlarning til-yéziq, medeniyet we diniy etiqat meselisige selishturghili bolmaydu! Xitaylarning milliy dewletlerni dorap Uyghurlarning til, medeniyet we ittiqat meselilerige chek qoyushi xelqrada urush jinayitidinmu eghir xataliq bolup, Uyghurlar naraziliq bildürse sürüshtisi bolidu, bildürmise xitaylar qandaq pilanlisa shundaq bolidu!
Uyghurlar özlirining kishlik qedri-qimmiti, medeniyiti, til-yéziqi we dinisiz yashiyalmaydu! Uningdinmu ayrilip yashighandin kolliktip qirilip ketkinimiz teximu ewzel!
Biz hür dunyadiki barliq wetendashlarni xitaylarning milliy mawjutliqimizni xeter astigha ittiriwatqan qebih jinayettin tosush üchün élip bérilidighan tinchliq shekildeki dunyawiy heriketke dewet qilimiz!
Xitaylar nopusi 20 milyondin ashidighan bir milletning yeni Uyghur xelqining til-yéziqini tamamen cheklesh aldida turidu! Melum bolishiche Xitay hökümiti wetinimizde 2017-yildin bashlap 2020-yilighiche bolghan ariliqta milliyiche til-yéziqtiki derisliklerning hemmini xitay til-yéziqigha aylanduruwétish heqqide resmiy qararlarni alghan bolup, eger biz buninggha hichqandaq naraziliq bildürmisek xelqara qanunlarning rohigha asasen tinch shekildiki assillimatsiye, dep qarilip jinayet hésaplanmaydu yaki sürüshtisi bolmaydu! Eger biz til-yéziqimiz, medeniyitimiz we diniy étiqadimizni qoghdash üchün paal herketke kelsek, u halda xitay dewliti xelqarada bu meselide özi berdashliq bérelmeydighan qiyin meselige duch kélidu we milliy qediriyetlirimizge bundaq ochuq-ashikare qarshi turalmaydu!

20258136_2065914870100761_6110038489765350168_n
Hey pütün dunyadiki wijdanliq Uyghurlar, Xitay tajawuzchillirining bu wehshiy qilmishigha qarshi qaysi shekilde bolmisun pütün dunya boyiche qattiq naraziliqimizni bildüreyli!
Ilgiri bundaq ishlarni wetendikiler qilatti, hazir ular chingraq nepesmu alalmaydu. Biz hür dunyada turup yene jim tursaq animizdin emgen süt haram bolidu, imandin chiqip kapir bolup ketimiz! Millitimiz aldida yüz kelelmeymiz!
Wetenni azat qilish mana mushundaq jiddiy peyitlerde bir ishni birlik-barawerlik ichide qilalaydighan we qilalmaydighanliqimizni sinaydighan nazuk bir köwrüktin ötidu!
Hazirdin bashlap Didarkatip/Facebook, Skype, SMS massanger, Tiwitter, Watsep, Ündidar, linkedelin, instagram, e-mail we yene bashqa alaqelishish wasteleridin paydilinip Xitaylarning Uyghur tili qatarliq tillarni tamamen cheklesh hazirliqigha qarshi yekke we kolliktip halda xeliq herketige öteyli!
Engilizchem, Gérmanchem we Türükchem… yoq dep qalmang! Biz millitimizning awazini yetküzüshni meqset qiliwatqan orunlar Uyghur tili arqiliq bir jümle u yaqta tursun hetta peqet bir dane söz yazsingizmu udulluq terjime qilip yollaydighan yerge ewertip turidu! Tildin hergiz bash qaturmay hetta teshkilatlardin emir-merup saqlap olturmay derhal herketke ötüng we Xitaylarning milliy maaripimizdin Uyghur Uyghur Til-yéziqini pütünley cheklesh üchün élip beriwatqan dewlet térorigha qarshi naraziliqingizni toxtimay dawamlashturung!
Tilimiz, dinimiz we milliy medeniyitimiz yoqalsa biz yoqulimiz!
Xitayning tilimiz, dinimiz we örpi-adetlirimizge qarshi élip bériwatqan qebih qilmishi xelqara qanunlarda nahayiti éghir jinayet bolup, biz eriz qilmisaq hichkim soriqini sorimaydu.
Hey ghorurluq, nomusluq we wijdanliq Uyghurlirim xitaylarning millitimizni yer yüzidin yoq qilishtin ibaret wehshiy pilanigha pütün dunya boyiche her xil shekilde naraziliqimizni bildüreyli!

Uyghuristan Kultur Merkizi

25.07.2017

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: