Xoten Maarip Dairiliri Maarip Sistémisida Uyghur Tilining Cheklinidighanliqini Étirap Qildi

Xoten wilayetlik maarip idarisi bu yil 6-Ayning 28-Küni chiqarghan bashlanghuch-Ottura mekteplerde uyghur tilini cheklesh heqqidiki höjjet.

Xoten wilayetlik maarip idarisi bu yil 6-Ayning 28-Küni chiqarghan bashlanghuch-Ottura mekteplerde uyghur tilini cheklesh heqqidiki höjjet.

 Social Media

Aldinqi küni ijtimaiy taratqularda xoten wilayetlik maarip idarisi tarqatqan bir höjjet ashkara bolghan idi.

Uningda bu yil 9-Aydin bashlap, xoten wilayitidiki bashlanghuch we ottura mekteplerde barliq derslerning birdek xitay tilida ötülidighanliqi, bundin kéyin maarip sistémisida uyghur tilini ishlitishning birdek cheklinidighanliqi alahide tekitlengen.

Biz mezkur höjjet heqqide uchur igilesh üchün xoten wilayetlik maarip idarisi bilen xoten wilayitige qarashliq xoten nahiyesi, lop nahiyesi, chira nahiyesi we qaraqash nahiyelirining maarip idarilirigha téléfon qilduq.

Radiyomiz ziyaritini qobul qilghan xotendiki 4 nahiyening maarip idariliri mezkur höjjetning rastliqini delillidi.

Xoten wilayetlik maarip idarisidiki bir neper xitay ayal xadim munularni bildürdi: «shundaq, bu xoten wilayetlik maarip idarisi. Siz wilayetlik maarip idarisi chiqarghan ‹qosh tilliq oqutushtiki 5 türlük belgilime› ni bilmekchimusiz? bu höjjet 6-Ayning axiri chiqirilghan. Ilgiri wilayitimizning qosh til oqutushida ‹8 türlük belgilime› chiqirilghan idi. Bu qétim yéngilandi. Buning konkrét mezmunlirini bilmekchi bolsingiz, eng yaxshisi wilayetlik maarip idarisi qarmiqidiki qosh tilliq maarip ishxanisigha téléfon qiling. Ular tepsilatini yaxshi bilidu.»

Xoten nahiyelik maarip idarisining bir neper xitay mesul xadimi ziyaritimiz jeryanida munularni ilgiri sürdi: «bu höjjetni wilayetlik maarip idarisi bu yil 6-Ayda chiqarghan idi. Hazirdin bashlap wilayet teweside ijra qilinishqa bashlidi. Toghra, höjjette siz tilgha alghandek, bundin kéyin maarip sistémisida uyghur tilini ishletmeslik heqqide maddilar bar. Chünki hazir hemme jayda dölet tilini omumlashturush we dölet tilini ishlitish teshebbus qilinmaqta. Az sanliq milletlerge dölet tilini öginishte yaxshi muhit yaritish üchün, mektep we maarip sistémisida bundin kéyin uyghur tilini ishletmeslik qarar qilinghan. Bu emeliyette uyghurlarning dölet tilini yaxshi öginishige paydiliq.»

«Bu höjjetni wilayetlik maarip idarisi chiqarghan. Biz nahiyelik maarip idarisi bolghachqa, peqetla mezkur höjjetning rohini ijra qilimiz. Bu höjjetni chüshendürüsh, höjjet heqqide muxbirlarning soaligha jawab bérish hoquqi wilayetlik maarip idarisining ilikide. Bizning chüshendürüsh hoquqimiz yoq. Kechürüng, bu heqte men chüshenche bérelmeymen.»

«Maarip we mektep sistémisida uyghur oqughuchilar dawamliq uyghurche til-Yéziqtiki matériyallarnila körse dölet tilini öginelmeydu. Shunga ular choqum künde xenzu til-Yéziqidiki élan, teshwiqat, wiwiska we matériyallar bilen uchriship turushi kérek. Shunga maarip sistémisida uyghur tilini ishletmeslik dégen madda bar bolsimu, emma uningdin uyghur tilini cheklesh dégen uqum chiqmaydu. Bu peqetla dölet tilini omumlashturushtiki bir chare. Buningdin kéyin maarip we mektep sistémisidiki herqandaq yighin we kolléktip paaliyetler peqetla dölet tilida élip bérilidu. Men peqet mushunchilik déyeleymen. Konkrét ishlarni wilayetlik maarip idarisidin sorang.»

Chira nahiyelik kadirlar idariside xizmet qilidighan bir neper uyghur qizmu bu höjjetning tarqitilghanliqi heqqide anglighanlirini mundaq bayan qildi: «shundaq, bu höjjetning chiqirilghanliqini anglidim, lékin konkrét mezmunidin toluq xewirim yoq. Anglishimche, bu yil 9-Aydin bashlap xotendiki barliq bashlanghuch we ottura mekteplerde pütünley xenzu tilida ders ötülidiken. Bundin kéyin uyghurche ishlitilmeydiken. Men téxi toy qilmighan, balammu yoq. Baliliri mektepte oquydighan ata-Anilargha mekteptin bu heqte qandaq uqturush chüshkenlikidin xewirim yoq. Buni maarip idarisidin sorap körüng!»(Qutlan)

(Dawami bar)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: