Ghulja Nahiyisidiki «Yépiq Terbiyilesh Merkizi» ge 1500 Etrapida Siyasiy Gumandar Solanghan

Xitay eskerliri bronéwikliri bilen ghulja sheher ichige kiriwatqan körünüsh. 2017-Yili 26-Yanwar.

Xitay eskerliri bronéwikliri bilen ghulja sheher ichige kiriwatqan körünüsh. 2017-Yili 26-Yanwar.

 Social Media

Bulturdin bashlap uyghur rayonining köp qisim jaylirida siyasiy guman bilen tutqun qilinghan bir qisim kishiler tekshürüsh netijiside qilmishi jinayetke toshmighan ehwalda yene qoyuwétilmestin atalmish qanun-Tüzüm terbiye merkezlirige qamiwélinghan idi. Muhajirettiki bezi uyghur közetküchiler, shekli özgergen qamaqxana dep nam bergen bu xil merkezlerdin ghulja nahiyiside beshi berpa bolghan. Ashkarilinishiche, bu merkezlerde nöwette 1500 etrapida siyasiy gumandar solinip yatmaqta. Ejeplinerliki, ghulja nahiyesi bu terbiyelesh merkezlirining bir yilgha yetmigen waqit ichide 3 qétim namini özgertken. Muxbirimizning ziyaritini qobul qilghan mezkur terbiyilesh merkizining 3 neper oqutquchisi, özliri xizmet qiliwatqan terbiyelesh merkizining namini dep bérelmidi. Ular yene öz «kursant» lirining terbiyilinishini qachan tamamlaydighanliqidinmu xewersizlikini ashkarilidi.

Ghulja nahiyiside minglarche kishining terbiyilesh merkizi nami astidiki shekli özgergen qamaqxanilarda qamilip yétiwatqanliqi heqqidiki inkaslar radiyomizgha kelgendin kéyin, mezkur nahiyediki alaqidar orunlargha téléfon qilduq. Nahiyidiki siyasiy qanun ishxanisining bir xadimi, ghulja nahiyeside bu xil terbiyilesh merkizidin 5 orunda barliqini, bularda siyasiy qanun we maarip sahesidiki kadirlarning ders ötüwatqanliqini؛ terbiyilesh merkezliridin biride mexsus ayallarning terbiyilinidighanliqini ashkarilidi.

Ayallarni terbiyilesh merkizining oqutquchisi, özi wezipe ötewatqan merkezde atalmish kursantlar yéshining 15 yash bilen 65 yash arisida ikenlikini ashkarilidi. U yene 5 terbiyelesh merkizide az dégende 45 sinip barliqini, kursantlar sanining 1400-1500 Arisida ikenlikini pash qildi.

Melum bolushiche, nahiyilik partiye mektipi, kespiy toluq ottura mektep, ashliq idarisi qatarliq orunlarda tesis qilinghan bu kurslarda jaza mudditini tügetken mehbuslar, atalmish esebiylik idiyisi bilen yuqumlanghanlar, qanunsiz oqush we oqutush bilen shughullanghan yaki uninggha imkan yaritip bergenler bolup, siyasiy idiyiside mesile bar depla qaralghan kishiler yighiwélinghan. Bulargha nöwette siyasiy qanun dersliri bérilgendin bashqa, xitay tili we bir qisim kespiy téxnika melumatlirimu bérilidiken.

Ejeblinerliki, dairiler bu terbiyelesh merkezlirini deslepte yépip terbiyilesh merkizi dep atighan, kéyin buni néme sewebtindur toghra körmigen. Dairiler merkezning namini kespiy jehettin terbiyilep ishqa orunlashturush merkizi dep atighan؛ dairiler yéqinda bu namnimu epsiz körüp «kespiy maharet bilen terbiyilesh merkizi» dep özgertken. Kursning namidiki turaqsizliq, kurs mudditidiki éniqsizliq we derslerning bir-Birige uyghunsizliqi sewebidin, kursta yétekchi rol oynawatqan oqutquchilar özliri ishlewatqan mektepning yeni kursning namini dep bérishtimu qiynaldi.

Gerche, dairiler mektepning namida, uning qamaqxanigha oxshash xaraktérini yoshurushqa tirishqan bolsimu, emma mektepning keypiyati kursning esli mahiyitini yoshuralmidi. Téléfon ziyaritimiz dawamida, kursantlarning «biz jungxua xelq jumhuriyitining puqraliri» dep bashlighan qesemyad sözliri anglandi.

Yuqirida ghulja nahiyiside 1500 neper etrapida siyasiy gumandarning atalmish terbiyelesh merkezliride solaqliq ikenliki heqqide melumat berduq.(Shöhret Hoshur)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: