Türkiye Döliti Bash Ministirliq Tarmiqidiki Diyanet Ishliri Idarisi Uyghurche Quran Bésip Tarqatti

Türkiye döliti bash ministirliq tarmiqidiki diyanet ishliri idarisi uyghur tiligha terjime qilip tarqatqan quran kerimining muqawisi.

Türkiye döliti bash ministirliq tarmiqidiki diyanet ishliri idarisi uyghur tiligha terjime qilip tarqatqan quran kerimining muqawisi.

 RFA/Erkin Tarim

Türkiye dölitining bash ministirliq tarmiqidiki diyanet ishliri idarisi yeni diniy ishlar idarisi quran kerim we bashqa bezi diniy kitablarni uyghur tiligha terjime qilip tarqatti.

Türkiye, 1991-Yili sowét ittipaqi yimirilip ottura asiya türkiy jumhuriyetliri musteqil bolghandin kéyin mezkur jumhuriyetler we dunyaning herqaysi jaylirida yashawatqan qérindash türkiy milletler bilen bolghan munasiwetni kücheytish üchün türkiye diniy ishlar idarisi arqiliq diniy kitablarni bésip tarqatmaqta. Yéqinda, 1986-Yili muhemmed salih damolla uyghur tiligha terjime qilghan «quran» ni tüzitip qayta bésip tarqatti.

Uyghurche qurani kerimni qayta neshrge teyyarlash üchün 7 diniy ilimler mutexessisidin terkib tapqan bir guruppa qurulghan bolup, mezkur guruppining mesuli, istanbul uniwérsitéti diniy ilimler kespide doktorluq oquwatqan abdullah qaraqash ependi kitabni neshrge teyyarlash xizmitining jeryani toghrisida melumat berdi.

Türkiye diniy ishlar idariside qazaq, qirghiz, ezerbeyjan, ereb, ingliz we rus tili qatarliq 17 tilda kitab terjime qilish ishxanisi bar bolup, uyghur tilida mexsus terjime ishxanisi tesis qilinmighan bolsimu, kitab terjime ishliri dawamliq élip bériliwétiptu. Abdulla qaraqash ependi bu heqte melumat berdi.

Istanbuldiki teklimakan uyghur neshriyatining mesuli jélil turan ependi uyghurche qurani kerimining 1986-Yili béyjing milletler neshriyatida neshr qilinghandin kéyin, 1990-Yillardin kéyin seudi erebistanda köp qétim bésip tarqitilghanliqini, emdi bolsa türkiyede neshr qilinghanliqini bayan qildi.

Abdullah qaraqash ependi, türkiye diniy ishlar idarisi uyghurche qurani kerimidin yene 5000 ni bésishni testiqlighanliqini bayan qildi.(Erkin Tarim)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: