13 Ming Nopusluq Bir Yézidin 2 Mingdin Artuq Kishi Qamaqta

Ürümchi, yeken qatarliq jaylarda partlash yüz bergendin kéyin, xitay saqchilirining uyghurlarni tutqun qiliwatqan körünüshi. 2014-Yili 27-May, xoten.

Ürümchi, yeken qatarliq jaylarda partlash yüz bergendin kéyin, xitay saqchilirining uyghurlarni tutqun qiliwatqan körünüshi. 2014-Yili 27-May, xoten.

 Oqurmen teminligen

Muxbirimizning bu yip uchigha asasen élip barghan éniqlashliri dawamida yéngisarning 13 ming nopusluq topuluq yézisidinla az dégende 2 ming kishining qamaq we türmide ikenliki ashkarilandi. Topuluq 2‏-Kent sékrétari öz kentidin 354 kishining, 4‏-Kent saqchisi bolsa öz kentidin 400 che kishining qamaq we türmide ikenlikini delillidi.

Birqanche kündin béri feysbokta tarqalghan we uyghur rayonidin ewetilgenliki ilgiri sürülgen bir uchurda qeshqer yéngisarda nöwette keng kölemde tutqun dawam qiliwatqanliqi we tutqunlarning yoqilang sewebler bilen 10 we 15 yilliqtin késilip kétiwatqanliqi bayan qilinghan idi.

Biz yuqiriqi uchurni delillesh üchün yéngisardiki herqaysi saqchixanilargha téléfon qilduq.

Topuluq yéza 2‏-Kent sékrétarining bayan qilishiche, mezkur kenttin hazirgha 305 kishi türmige tashlanghan, 49 kishi terbiyilesh merkizi namidiki qamaqxanida tutup turulmaqta.

Xitayche «beydu» uchur ambiridiki matériyallarda körsitilishiche, yéngisarning topuluq yézisi 6 kenttin teshkillengen, 13 ming nopusqa ige.

4-Kent saqchisining bayan qilishiche, yézidiki 6 kent ichidiki 2‏- We 4-Kenttin tutulghan we késilgenler eng köp bolup, 4-Kenttin jemiy 420 che kishi tutqun qilinghan, bashqa kentlerdinmu az dégende 200 din kishi tutqun qilinghan.

Yene mushu kent saqchisining bayan qilishiche, nöwette yéngisar nahiyiside 5 orunda terbiyilesh merkizi bar bolup, u yerde topluq yézisidin 2mingdin artuq kishi tutup turulmaqta.

Yene uning ilgiri sürüshiche, eger ilgiri késilip ketkenler hésablighanda topuluqta türme we qamaqtikiler sani 4 minggha yétishi mumkin.

13 Ming nopusluq topuluq yézisidiki her bir kentte otturiche 2160 din kishi, 400 etrapida aile yashaydu. Buningdin qarighanda topuluq yézisida türme we qamaqta yétiwatqanlar sanining her bir ailige birdin toghra kélidighanliqi mölcherleshmekte.

Yéngisarda bu yilning béshida paltiliq hujum qilish weqesi yüz bérip 3 kishi ölgen 5 kishi yarilanghan. Weqe nahiyilik doxturxana we uning etrapida yüz bergen. Bezi guwahchilarning déyishiche, weqe sadir qilghuchi memet éli yéngisarning sétil yézisidin bolup, u nawayliq qiliwatqan ürümchidin mejburi qayturup kélingen we kentte nezerbend qilinghandin kéyin, dairilerdin intiqam élish meqsitide mezkur weqeni sadir qilghan.

Melum bolushiche 2000 din artuq kishi tutulghan we késilgen topuluq yézisida yéqinqi yillarda héchqandaq bir qanliq weqe yaki qarshiliq heriketliri yüz bergen emes.(Shöhret Hoshur)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: