Yéngisardiki Keng-Kölemlik Tutqunda Saqchi Xadimlirining Uruq-Tuqqanlirimu Chette Qalmidi

Kocha charlawatqan uyghur saqchi. 2015-Yili 17-Awghust, aqsu.

Kocha charlawatqan uyghur saqchi. 2015-Yili 17-Awghust, aqsu.

 AFP

Melum bolushiche, yéngisarda dawam qiliwatqan keng-Kölemlik tutqun we éghir késim jeryanida xitayning muqimliq xizmitide aldinqi septe wezipe ötewatqan saqchi, yardem saqchi we amanliq xadimlirining uruq-Tuqqanlirimu chette qalmighan. Yéngisarning saghan yézisidinla az dégende 4 neper saqchi we yardemchi saqchining aile ezaliri tutqun qilinghan؛ saqchi tursunjan emetning dadisi we ikki qérindishi tutulghandin bashqa özimu wezipisidin élip tashlanghan. «Diniy esebiylik» bilen eyiplinip 10 yilliq késilgen 21 yashliq mehkum hörigül nasirning akisi yüsüpjan nasir, yardemchi saqchiliqtin pilanliq tughutning amanliq xizmitige yötkiwétilgen.

Biz ötken hepte yéngisar saghandiki 21 yashliq hörigül nasirning «diniy esebiylik» bilen eyiplinip 10 yilliq késilgenlikini xewer qilghandin kéyin, ehwaldin xewerdar muhajirettiki uyghurlardin biri radiyomizgha uchur yollap hörigül nasirning saghan saqchixanisidiki yardemchi saqchi yüsüpjan nasirning singlisi ikenlikini melum qildi. Biz bu yip uchigha asasen yéngisarning saghan yézisidiki herqaysi saqchi ponkitlirigha téléfon qilduq. Téléfonimizdin qobul qilghan saqchilarning köpinchisi, alaqidar soalimizgha jawab bermigen bolsimu, emma bir türküm saqchilarning uruq-Tughqan we qérindashliriningmu tutqun qilinghanliqidek bir réalliqni inkar qilmidi.

Inkasta déyilishiche, yüsüpjan nasir singlisi késilgendin kéyin saghan saqchixanisidin uzaqlashturulghan. Éniqlashlirimiz dawamida uning nöwette saghan yéziliq pilanliq tughut komitétining amanliq xizmitide ishlewatqanliqi melum boldi. Xitayning ilgiriki yillardiki qattiq zerbe dolqunlirida xitaygha aktip xizmet qiliwatqan asas qatlam kadirliri, bolupmu muqimliq saheside xizmet qiliwatqan xadimliri etiwarlinip kelgen. Ularning uruq-Tughqan we yéqin dost-Buraderlirimu péshkelchiliktin uzaq turup kelgen. Emma bu yilqi dolqunda xitayning aktip xadimlirigha bu yüz-Xatire qilinmighan. Ularning qérindashlirimu tutulush, késilishtin xaliy bolalmighan.

Bu heqtiki ilgirilep éniqlashlirimiz dawamida yéngisarda qérindash we uruq-Tughqanliri tutulghanlarning yalghuz yüsüpjan emesliki delillendi. Melum bolushiche, saqchi tursunjan emet chégra saqchisi bolup aldinqi septe besh yildin buyan wezipe ötewatqan bolsimu, uning dadisi we ikki akisi, özining saqchixanidiki sepdashliri teripidin tutqun qilinghan. Özimu uzun ötmestin wezipisidin élip tashlanghan. Özining kéche-Kündüz 24 saetlep nöwette turuwatqanliqini bayan qilghan yéngisar topluqtiki bir amanliq xadimi, akisining tutqun qilinghanliqi we késilgenliki, xizmettiki aldirashchiliqi sewebidin akisining sot hökümini oqushqimu waqti bolmighanliqini éytti. Shöhret Osman

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: