Xotende Bir «Jinayetchi» 4 Yil, Uni Yoshurghan «Ikki Yüzlimichi» 17 Yil Késiwétilgen

Uyghurlarning réstoranlirida haraq sétish mejburliniwatqan mezgilde, melum meschitte namaz ötüwatqan uyghurlar. 2015-Yili 16-Aprél, xoten.

Uyghurlarning réstoranlirida haraq sétish mejburliniwatqan mezgilde, melum meschitte namaz ötüwatqan uyghurlar. 2015-Yili 16-Aprél, xoten.

 AFP

Ashkarilinishiche xitay dairiliri xoten shehirining ilchi yéza gazon kentide atalmish «qanunsiz diniy paaliyet» bilen shughullanghan memtimin mettursunni 4 yilliq, uni qanat astigha alghan kent amanliq mudiri jélil abdullani «ikki yüzlimichilik» bilen eyiblep 17 yilliq kesken.

Xitay dairilirining atalmish «jinayetchi» ge qarighanda «qanat astigha alghuchi» ni 4 hesse artuq jazalishi heqqide pikir bayan qilghan gérmaniyediki siyasiy közetküchi perhat yurungqash ependi, dairilerning bu xil jaza tedbirliri arqiliq uyghurlar arisidiki öz-Ara milliy méhir-Muhebbetni we insaniy mesuliyetchanliqini yoqitishqa urunuwatqanliqini ilgiri sürdi.

Biz ötkende xotenning ilchi yézisida 400 nechche aililik gazon kentide her ikki ailidin birdin mehbus barliqi heqqide xewer bergen iduq. Gazondiki kent kadirlirining bayan qilishiche, ene shu kenttiki mehbuslardin biri, uning üstige eng éghir késilgini, sabiq kent amanliq mudiri jélil abdulla؛ uning qilmishi «qanunsiz diniy paaliyet» bilen shughullanghan memtimin mettursunni qanat astigha élish؛ yeni qanun organliri tekshürüsh élip bérish üchün üchün kentke kelgende, yer asti diniy telim télip bériwatqan memtimin mettursunni qachuruwétish.

Ejeblinerliki, dairiler atalmish esli «jinayetchi» ni 2016-Yili 4 yilliq, uni «qanat astigha alghuchi» amanliq mudiri jélil abdullani 17 yilliq kesken.

Közetküchilerning bayan qilishiche, uyghur aptonom rayonida nöwette dawam qiliwatqan tutqun we késimlerni qanuniy nuqtidin izahlash mumkin emes؛ undaqta, bu ijraatlarning siyasiy we ijtimaiy nuqtidiki körünüshi zadi qandaq? uning mahiyiti néme? bu soalimizgha gérmaniyede yashawatqan siyasiy közetküchi perhat yurungqash ependi mundaq jawab béridu: «xitay dairiliri dewrlerdin béri uyghurlarning teshkillesh we teshkillinish iqtidarini ajizlashturush we yoqitishqa urunup kéliwatidu؛ dairiler buni iqtisadiy jehette namrat qaldurush we maarip jehettin arqida qaldurushtin bashqa yene uyghurlar arisida özara milliy méhir-Muhebbetni ajizlashturush, öz-Ara bir-Biridin qéyidash, bextsizliklirini bir-Birige dönggesh psixikisini shekillendürüshke urunuwatidu؛ xitayning qanat astigha alghuchilarni jazalash, jazalighandimu éghir jazalash tedbiri xitayning rayonda yolgha qoyup kéliwatqan uyghurlar arisidiki milliy birlikni buzushtiki yüzlerche tedbiridin biri.»

Jélil abdullaning 17 yilliq késilishide, uninggha artilghan «ikki yüzlimichilik» jinayitiningmu muhim roli barliqini tekitligen perhat ependi, xitayning bu arqiliq uyghur kadirlarni milliy mesilide téximu éniq sep ayrishqa qistawatqanliqini, yeni uyghur kadirlarni öz millitidin ashkara halda yüz örüshke mejburlawatqanliqini bayan qildi.(Shöhret Hoshur)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: