Uyghur Meshhurlirining Portrét Süretliri Körgezme Qilindi

Uyghur élide uyghur milliy kimliki éghir tehditke uchrawatqan bu künlerde bishkek shehiride uyghur tarixiy meshhurlirining portrét süretlirining körgezmisi échildi.

«Meshhurlarning séymasi» dep atalghan mezkur körgezme 14- Séntebirdin 1- Öktebirgiche dawam qilidu. Körgezmide 85 parchidin artuq resim tamashibinlarning huzurigha sunuldi.

Mezkur körgezmini péshqedem ressam sabitjan babajanof qirghizistanda élan qilinghan «edep-Exlaq yili»gha béghishlidi.

U, qirghizistan senitige qoshqan hessiliri üchün 1993 yili, qirghizistan hökümiti teripidin «emgek singdürgen ressam» dégen aliy mukapatqa érishken idi.

Ressamning éytishiche, körgezmining asasiy meqsiti uyghur xelqining alim, mutepekkur we tarixiy qehrimanlirini eslesh we yash-Ösmürlerge uyghur milliy medeniyitini tonutush iken.

Ressam sabitjan aka 2002 – Yili, mushu mezmundiki bir körgezmini uyushturghan bolup, eyni yili körgezmige peqet 20-25 Parche resim qoyulghan idi. Emma, nöwette dawamlishiwatqan körgezmige u, ötken 15 yil jeryanida ijad qilghan eserlerni öz ichige alghan 85 parche tarixiy shexsning portréti qoyuldi.

Uyghur éli, ana-Weten témiliri ressamning ijadiyitide muhim orun tutup kelgen bolsimu, emma bu qétimqi körgezmide uyghur meshhurlirining resimliri alahide salmaqni igileydu.

Ularning ichide yüsüp xas hajip, mexmut qeshqeri, elishir nawayi, lutpulla mutellip, exmetjan qasimi, sadir palwan qatarliqlar körürmenlerni jelp qilidu.

Körgezmini körgen «ittipaq» gézitining muawin bash muherriri, siyasiy penlerning magistir namzati rehimjan hapizning éytishiche, uyghur élide uyghurlarning milliy kimliki depsende qiliniwatqan waqitta, meshhur uyghur tarixiy shexslirining portrétlirining qirghizistanda körgezme qilinishi intayin muhim ehmiyetke ige bolupla qalmay, belki bu dölette uyghur medeniyet-Senitige orun bériliwatqanliqini körsitidiken.

Rehimjan hapizning éytishiche, xewerlerge qarighanda, xitay dairiliri yéqinqi bir nechche yildin buyan uyghurlarning milliy kimlik, diniy étiqad we til ishlitish hoquqlirigha éghir derijide buzghunchiliq qilghan. Bu xil buzghunchiliq ötken bir yildin buyan téximu qattiq kücheytilgen. Uyghur aptonom rayonluq maarip tarmaqliri yéqinda bir uqturush chiqirip, uyghur tilini maarip sahesidin pütünley siqip chiqarghan.

Közetküchilerning éytishiche, uyghur élidiki mekteplerde uyghur til-Edebiyati ders qilip ötülmigen sharaitta, uyghur perzentliri öz tarixiy meshhurlirini bilish we ulardin öginish pursitidin mehrum qaldurulidiken.

Körgezmini ziyaret qilghan senet söyerler sabitjan babajanofning ijadiyitige yuqiri bahalarni berdi we uning bilen pexirlinidighanliqini bildürüshti.

Sabitjan kamal oghli babajanof 2016- Yili moskwa shehiride ötküzülgen xelqaraliq körgezmige qatnashqan we rus xelqige uyghur dewasini medeniyet arqiliq tonushturghan idi.

Sabitjan ependi qirghizistan uyghurlirining senet bayriqi bolup, uning uyghur xelqining medeniyet bayliqi we edep-Exlaq enenisini ilgiri sürüshke qoshqan töhpiliri üchün qirghizistan uyghurliri «ittipaq» jemiyiti teripidin «éhsan» médali bilen mukapatlanghan idi.Firuze

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: