Xitay; ”Halal Yémek -Ichmek Islami Esebilikning Menbesi“dep Otturigha Chiqti. Yenila Süküt Qilish Xeterliktur!

mehmet-emin-.-1-217x300

 

Mehmetimin hezret

Xitay; ”halal yémek -ichmek islami esebilikning menbesi“dep otturigha chiqti. Yenila süküt qilishimiz kérekmu?

Tünügün (3. Awghust) xitay torlirida, dini ”esebiylik tamaq yéyishtin bashlinidu“ serlewilik bir maqale élan qilindi. Maqalida, sherqi türkistandiki ”halal yémek – ichmek“ chüshenchisining ”bölgünchilik, esebiylik, térorizimning menbesi“ ikenliki uchuq yézilghan we eyiblen’gen bolup, halal yémek – ichmek chüshenchisini qanun arqiliq süpürüp tazilash kérekliki ortigha qoyulghan.
Yimu isimlik xitay aptor, ”halal yémek – ichmek” sepsetisining milliy bölgünchilik, milletler otturisigha ziddiyet sélish, xenzu millitini pes körüsh… jehette bölgünchilerning özlirini niqablash perdisi ikenlikini ilgiri sürgen. Maqalida, xitay kommonistik partiyige eza bolghan, xitay hökümitidin ma’ash alghan ishchi- xizmetchiler, dölettin pénsiye ma’ashi, yardem ayliqi alghanlar, dölet puli bilen mekteplerde oquwatqan uyghur oqughuchilar… normal shara’itta xitay ammisi bilen xizmette, ijtima’iy pa’aliyetlerde ichqoyun, tashqoyun bolsimu, tamaq waqti kelgende hemmisi ”biz musulman“ diyiship, xenzulardin ayrilp ayrim top boliwalidighanlighi, xitay ashxanisidin tamaq yéyish arzusidiki uyghurlarmu chetke qéqilishtin qorqup xenzular bilen birlikte ularning tamaqlirini yéyishke jür’et qilalmaydighanliqini sewep körsetken. Xitay dölitining qanun arqiliq yémek- ichmek bixeterlikige kapaletlik qiliwatqan shara’itta ”halal yémek – ichmek“ deydighan islami sepsetini emeldin qaldurush kéreklikini ilgiri sürgen. Maqligha 21 parche resim qoyulghan bolup, resimlerde sherqi türkistanning hemme yerliride ”yémek – ichmek bölgünchiliki“ge qarshi uyghur- xitaylarning birlikte tamaq yep, dini esebiylikke birlikte qarshi küresh qilghanliqi körsitilgen

Sherqi türkistandiki haraq ichishni chekligen uyghur ashxana, risturanlargha hazirdin bashlap saqchilar bésip kirip, tamaq bilen bille haraq sétishni ret qilghan réstoran, ashxana igilirini tutup ketken, we ashxanini taqiwetken ehwallar köpeymekte. Yéqinda resmi qanun arqiliq ”lahal yémek -ichmek“ chüshenchisini ashkare pipen, küresh qilish éhtimalgha nahayiti yuqiri

Yéqinqi aylardin biri xitay hakimiyiti, resmiy qanun – nizam chiqirip, yéngi tughulghan uyghur balilirigha, musulmanlarning söyümlük peyghembirining ismi bolghan muhemmet ismini qoyushni cheklidi. Dunya muslmanliridin héchqandaq sada chiqmidi. Xitaylar jasaretlendi. Arqidinla, jami, meschitlerde jüme namizida ezan, tekbir,xutbelerni uyghurche oqup, yaratqan allagha emes, xitay kommonistik partiyisige hemdusana oqushni buyridi. Diniy zatlirimiz ”padishahning emri wajip“ diyiship ita’et qilghan bolsa, bir qisim uyghurlar jüme namizigha kélishtin waz kechti. Namazgha kelgen bir qismi namizini qiliwalghinigha xosh bolushup béshini égip yürüshmekte. Héchqandaq inkas bolmighan ichki, tashqi weziyettin memnun bolghan xitay, namaz du’asida xitay re’isi shijinpingning salametlikige , bergen németlirige shükri qilish, rexmet éytish toghruluq mexsus yézilghan tékistlarni meschit, jamilargha tarqatti we jüme namazlirida buruq ijra qilinmaqta. Uyghur millitige medeniyet inqilabi dewride zalim mawzédong zamanidimu bulup baqmighan zulum, xarlash, mesxire qilish siyasiti bügün ijat qilinmaqta. Uyghur milliti qirilip tügep kétishtin qorqup süküt ichide turiwatidu. Biraq musulman döletler,dunya musulmanliri, islam dinigha qilin’ghan bu haqaretni körmeslikke sélip, xitaning uyghurlargha qarshi basturushini qollap we alqishlap turghanliqi, xitayni heddidin artuq esebiyliship kétishige türtke bolmaqta

Musulman dunyasining eslide islam dinini qedirleydighan bir xelq bolmighanliqini körgen xitay hakimiyiti, emdi küreshning nishanini uyghurlarning halal yémek- ichmikige qaritishqa bashlidi. ”halal yémek –ichmek dini esebiylik, bölgünchilikning menbesi“ dégen bu töhmettin qorqup ketken bezi kommunist uyghurlar xitaylar bilen bille olturup choshqa, it, ishek göshi yewatqan körünüshlerni körsitip teshwiq qilip, yémigenlerge artidighan töhmetlerni tekrarlap, uyghur millitini intayin bi’aram qilmaqta

Uyghur millitining köp qismi yéza- qishlaqlarda ottura esirdin miras qalghan déhqanchiliq, baghwenchilik, charwichiliq bilen shughullinip hayat köchürüwatidu. Sheherlerde yashighan uyghurlar, xitaylar qol tiqalmaydighan halal yémek –ichmek saheside tijaret qilip jan béqiwatmaqta. Bir qisim uyghurlar türkiyidin kiyim –kéchek apirip sétip pul tépiwatqan idi. Xitay bu yolinimu üzüp tashlidi. Emdi, xitaylarning közi, uyghurlarning qassapchiliq, ashpezlik, nawayliq… kespige chüshkenliki melum. Uyghur milliti insan balisi berdashliq bérishi mumkin bolmaydighan zulum, haqaret, xarliq ichide qalmaqta. Millitimiz éghir rohi yimirilish ichide. Xitay hakimiyiti uyghur millitini ya toptin dindin chiqishqa, yaki toptin özini öltüriwélishqa zorlimaqta. Biz uyghurlar pütün dunyadin hésdashliq awazigha muhtaj turiwatqan eng xeterlik shara’itta, ishen’gen taghda kiyik yatmas, dégen heqiqet aldimizgha kéliwatidu. Türklerde bu temsil, yiqilghanning dosti yoqtur, dep éytilidu. Béshimizgha kelgen bu künler ötüp kétidu. Amma untulmaydu

Xitayche yézilghan bu maqalini we alaqidar xitayche xewerlerni oquwétip béshim charaslap aghrip ketti. Xitayning bu rezil, insan qélipidin chiqqan zulumlirini lenetlep maqale yazay dep turghinimda, dünya xewer aginitliqliri teripidin xitay tashqi ishlar ministiri wangyi bilen türkiye tashqi ishlar ministiri mewlut chawushoghi körüshüp ”uyghur téroristlargha qarshi birlikte herket qilish“ üchün kélishkenliki xewiri torlarda élan qilinishqa bashlidi. Royters xewer aginitlighi bu toghruluq xewiride shundaq dep yazidu; “ ministir chawushoghli, türkiyide xitaygha qarshi herqandaq bir pa’aliyetning élip bérilishigha qet’iy ruxset qilmaymiz. Xitaygha qarshi medya doklatlirini yoqutush üchün tedbirlerni alimiz, dédi
Eger bu xewer toghra déyilse men süküt qilishim kérek. Men süküt qilimenmu? Yaq. Türkiye démokratik bir dölet. Erkin bir dölette yashawétqan sherqi türkistanliq bir türk wetendéshi bolush süpitim bilen, éziz musulman uyghur millitimge qilin’ghan insan qélipidin chiqqan zulum aldida süküt qilsam, peyghember eleyhissalamning tebiri bilen ”heqsizliq aldida süküt qilghan tilsiz sheytandur“ dégen sheytan bolup qalmaymenmu? Xitay, türkiyening, türk xelqining dostlighini qazinishni arzu qilsa, türklerning qérindishi bolghan uyghurlargha qaratqan yirginishlik zulum siyasitidin waz kéchishi shert

Xitay ”halal yémek – ichmek islami esebilikning menbesi“ dep otturigha chiqti. Yenila süküt qilishimiz kérekmu? Uyghur millitige qaritilghan milliy we dini zulum dawamlishiwatqan shara’itta héchkim bizning süküt qilishimizni kütmisun

Yil 2017- 8. Ayning 4. Küni

Turkchidin terjime qilghichi: bextiyar néjat

Menbe

去极端化,从吃饭开始

誓言空洞? 土耳其承诺将在国内媒体中消除反华报道

Turkey promises to eliminate anti-China media reports

Çavuşoğlu Çin’e güvence verdi

http://www.uyghurnet.org/ug

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: