Korlidiki Yépiq Terbiyelesh Merkizige Az Dégende 2100 che Kishining Qamalghanliqi Ashkarilandi

Aqtu nahiye pilal yéza taziliq kentidin «ikki yüzlimichi diniy zat» dégen qalpaq bilen tartip chiqirilip, amma aldida sazayi qiliniwatqan ebeydulla yasin hajim. 2017-Yil 3-Iyul, aqtu pilal yézisi.

Aqtu nahiye pilal yéza taziliq kentidin «ikki yüzlimichi diniy zat» dégen qalpaq bilen tartip chiqirilip, amma aldida sazayi qiliniwatqan ebeydulla yasin hajim. 2017-Yil 3-Iyul, aqtu pilal yézisi.

 xjakt.gov.cn

Ilgiriki éniqlashlirimiz dawamida ghulja nahiyelik «yépiq terbiyilesh merkizi» de az dégende 1500 kishi, yéngisar nahiyelik «yépiq terbiyilesh merkizi» de topluq yézisidinla 2000 din artuq kishining tutup turuluwatqanliqi ashkarilanghan idi.

Muxbirimizning bu heptidiki éniqlishida korlidimu «yépiq terbiyelesh merkizi» ning 3 orunda barliqi, buning her biride 700 din, az dégende 2100 che kishining solinip turuwatqanliqi ashkarilandi.

Biz korladiki «quran kerim» we jaynamazlarni yighiwélish yighini heqqidiki éniqlashlirimiz dawamida korladiki ahalilerning tutqun qilinish we késilish ehwali heqqide melumat igiliduq. Melum bolushiche, korlaning qarayulghun yéza, qarayulghun kentide jemiy 86 kishi tutulghan we késilgen. Qarayulghunning arabughra kentide bolsa 200 din artuq kishi tutulghan.

Melum bolushiche, tutqunlar arisida sabiq mehbuslar, chetelde oqup kelgenler, chetelni sayahet qilip kelgenler, tebligh anglighanlar, teshkilsiz hej qilip kelgenler bar bolup, omumen «dölet bixeterlikige tehdit shekillendürüsh xahishi bar» dep qaralghan kishilerdin teshkillengen.

Tutup turuluwatqanlar ichide yene ayallar we yashanghanlarmu bar. Kent sékrétarliri yene öz kentliridin tutup terbiyeliniwatqanlarning kimlikliri we bezilirining qilmishliri heqqidimu melumat berdi. Bayan qilinishiche, bu yil tutqun qilinghanlar ichide atalmish «jinayi herikiti bar» lar tutup turush merkezlirige, yeni qamaqxanigha؛ «jinayi herikiti yoq, emma jinayi xahishi bar» lar «terbiyelesh merkizi» ge élip bérilghan. Ashkarilinishiche, «terbiyelesh merkizi» de jinayi xahishi özgermise, yaki yéngi jinayi heriketliri pash bolsa, tutup turush merkizige yötkelmekte.

Ashkarilinishiche, korlada «yépiq terbiyelesh merkizi» din 3 orunda tesis qilinghan, bularning her biride 700 din az dégende 2100 che kishi solinip yatmaqta. Bezi tutqunlar ailiside artuq emgek küchi yoqluqini, bu merkezde solinip turushning turmush we ishlepchiqirishqa tosalghu peyda qiliwatqanliqini bayan qilghan bolsimu, emma dairiler ularning shikayetlirige pisent qilmighan. Dairiler, bu merkezlerdiki ijraatini «terbiyelep özgertish» dep atawatqan bolsimu, emma bu yépiq merkezlerge «iqtidar yétildürüsh merkizi» dep nam bergen we wiwiska asqan.

 Shöhret Hoshur
Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: