Xitay Amérika Bilen Térrorluqqa Qarshi Hemkarlishishni Telep Qilghan

16299298_149287675574223_7678686734542577224_n

Xitay j x ministiri go shingkün charshenbe küni xitay bilen amérikaning térrorluqqa qarshi hemkarliqini kücheytishni telep qilghan. U, bu telepni charshenbe küni washingtonda ötküzülgen amérika-Xitay qanun organliri we tor bixeterlik dialogida otturigha qoyghan.

Gu shingkün yene, chégra halqighan jinayetler we zeherlik chékimlik sodisigha qarshi hemkarliqni kücheytishni telep qilghan.

Közetküchilerning bildürüshiche, xitay amérikani izchil türde «sherqiy türkistan térrorluq küchliri» ge qarshi hemkarliqni kücheytishke chaqirip kelgen bolsimu, biraq ularning bu jehettiki hemkarliqi kishilik hoquq, qanun ölchimi qatarliq sewebler tüpeyli cheklik bolup kelgen. Amérika dölet ishliri ministirliqi bu yil 4‏-Ayda élan qilghan xelqara térrorluq mesilisi heqqidiki doklatida xitayning térrorluqqa qarshi turush herikitining rastinila térrorluqqa yaki uyghur öktichilirige qaritilghanliqini ayrishning müshküllükini bildürgen idi.

Xongkongda chiqidighan «jenubiy xitay etigenlik pochtisi» gézitining bügünki xewiride go shingkünning térrorluqqa qarshi hemkarliqni otturigha qoyush bilen birge yene washingtonning qachqanlar we qanunsiz köchmenlerni ötküzüp bérish qatarliqlarda béyjing bilen hemkarlishishini telep qilghanliqi bildürülgen. Biraq «amérika awazi» ning xewiride qeyt qilishiche, amérika terep xitayning amérikidiki qanunsiz xitay köchmenlirini qayturush mesiliside hemkarlashmaywatqanliqini otturigha qoyghan. Xewerde yene amérika terep delillimigen bolsimu, biraq xitay terepning amérikada turushluq xitay öktichi karxanichi gu wénguyni qayturup bérishni telep qilghanliqini bildürgen.

Gu wénguy mezkur dialogning 2‏-Küni amérika memliketlik axbarat kulubida muxbirlarni kütüwélip, xitay dölet xewpsizliki komitétining 27 neper xitay jasusni amérikigha ewetish heqqidiki bir mexpiy höjjitini ashkarilighan.(erkin)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: