Qaraqashtiki Kent Sékrétari: Erler Qamaqta, Ayallirini Aqsugha Paxta Tergili Yolgha Salduq

Aqtu nahiye pilal yéza taziliq kentidin «ikki yüzlimichi diniy zat» dégen qalpaq bilen tartip chiqirilip, amma aldida sazayi qiliniwatqan ebeydulla yasin hajim. 2017-Yil 3-Iyul, aqtu pilal yézisi.

Aqtu nahiye pilal yéza taziliq kentidin «ikki yüzlimichi diniy zat» dégen qalpaq bilen tartip chiqirilip, amma aldida sazayi qiliniwatqan ebeydulla yasin hajim. 2017-Yil 3-Iyul, aqtu pilal yézisi.

 xjakt.gov.cn

Ashkarilinishiche, uyghur aptonom rayonining jenubidiki bezi jaylarda er emgek küchlirining köpinchisi «yépiq terbiyilesh merkizi» de bolghachqa ahalilerning kündilik tirikchiliki éghir derijide qiyinlashqan. Öyliride er emgek küchliri qalmighan kentlerde anilar we balilar qonaq orush, qonaq soqush qatarliq éghir emgeklerni qilish arqiliq yilliq ashliq ishlepchiqirishini dawamlashturghan bolsimu, emma ailining kündilik xirajitini qamdashta amalsiz qalghan. Qaraqash nahiyisining aqasaray yézisidiki dairiler qamaqtikilerning aile-Tawabatlirini yeni ayallarni aqsugha paxta térishqa yolgha sélish arqiliq bu mesilini hel qilishqa urunup baqqan.

«Yépiq terbiyilesh merkizi» heqqidiki éniqlashlirimiz dawamida, bu heriketning ahalilerning hayatigha körsetken tesirliri heqqide melumat soriduq. Melum bolushiche, bu heriketning ahalilerge nisbeten rohiy, jismaniy we ijtimaiy dexli-Terüzliridin bashqa, iqtisadiy ziyinimu éghir bolghan. Emgek küchidin ayrilip qalghan aililerde anilar we ösmür balilar, paxta térish qatarliq japaliq emgeklerge sélinghan. Zor bir türküm tutqun aile tawabiatlirini aqsugha ishlemchilikke yolgha salghan qaraqash nahiyisining aqasaray yézisidiki yerlik dairiler, ulardin 10 kishini bir-Birige chétish we nazaretchi qoyush arqiliq ulargha qaritamu teqibleshni dawamlashturghan.

Saqchi xadimliri sözlishishimizni tewsiye qilghan ahalilerning bayan qilishiche, mehellilerde er emgek küchlirining «yépiq terbiyilesh merkizi» ge ewetilishi mehellining déhqanchiliq ishlirini ayallarning üstige yükligen. Mehellidiki yashanghan anilar, hetta éghir-Ayaq ayallarmu, qonaq orush, qonaq soqush, enjür toplash, bughday toshush qatarliq éghir jismaniy emgeklerni qilishqa mejbur bolghan.

Melum bolushiche, xotenning köp qisim jaylirida dawam qiliwatqan 40 pirsent ahalini «yépiq terbiyilesh» uqturushi ahalilerning her jehettiki turmushini, jümlidin soda-Tijaretlirini közge körünerlik ziyangha uchratqan.(shöhret hoshur)

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: