Döngashti Kentide Wang Dewride 1, Jang Dewride 15, Chén Dewride 65 Kishi Türmige Tashlanghan

Uyghur éligha teyinligen yéngi partkom sékrétari chén chüengo yighinda sözde.

Uyghur éligha teyinligen yéngi partkom sékrétari chén chüengo yighinda sözde.

 weibo

Uyghur aptonom rayonidiki yépiq terbiyilesh merkezliri heqqide élip barghan éniqlashlirimiz dawamida ashkarilanghan tutqunlar we bérilgen jazalar heqqidiki san-Shifirlar rayonning siyasiy weziyitidiki jiddiychilikning éshish süritinimu eks ettürmekte.

Melum bolushiche, qaraqash nahiyesi purchaqchi yézisining döngashti kentide wang léchüen mezgilide 1 kishi, jang jünshen hökümranliq qilghan 7 yilda 15 kishi, chén chüengo hakimiyet béshigha chiqqan bir yildin buyan 65 kishi türmige tashlanghan.

Yene purchaqchida wang léchüen dewride ashkara halda sherqi türkistan shoari bilen heriket qilip tutulghan bir gumandar 9 yilliq, chén chüengo dewride tebligh anglap qalghan bir gumandar 8 yilliq késilgen.

Melum bolushiche, 2005-Yili, yeni uyghur aptonom rayonida wang léchüen höküm sürüwatqan dewrde qaraqashning purchaqchi yézisida xitay hakimiyitini aghdurup tashlash shoari bilen ashkara teshwiqat élip barghan ikki neper gumandargha eyni chaghda 9 yilliqtin qamaq jazasi bérilgen. Emma ularni xitay saqchilirigha aktipliq bilen tutup bergen atalmish «wetenperwer diniy zat» qurban baratning chong newrisi tebligh anglap qalghanliqi üchün bu yil 8 yilliq késilgen.

Uyghur aptonom rayonidiki siyasiy weziyetning yuqiriqi üch shexs hakimiyet béshida turghan mezgilde dewrdin-Dewrge yamanliship méngiwatqanliqi mehkumlargha bérilgen jazaning éghirliqidila emes, jazalanghanlarning sanidimu eks etmekte. Melum bolushiche, purchaqchining döngashti kentide 2009-Yili bir kishi késilgen bolsa, jang chünshyen dewride 15 kishi, chén chüengo dewride 65 kishi türmige tashlanghan.

Muhajirettiki bezi uyghur közetküchiler, uyghur aptonom rayoni siyasiy weziyitining yuqiriqi 3 shexs dewridila emes, rayon ishghaliyet astigha chüshkendin buyanla dewrdin-Dewrge yamanlashqanliqini, herqaysi hökümdarlarning basturush tedbirliri perqliq bolsimu, mahiyiti oxshash ikenlikini, yeni uyghurlarning milliy mewjutluqini yoq qilish ikenlikini ilgiri sürüshmekte.

Közetküchiler yene dewrdin-Dewrge uyghurlarda milliy we siyasiy angning yüksilip méngiwatqanliqi, buning netijiside uyghur mesilisining bügün belgilik derijide xelqaralishiwatqanliqi we xitayning mana bu tereqqiyattin endishe qilip, basturush qedimini tézlitiwatqanliqi we salmiqini ashuruwatqanliqini ilgiri sürüshmekte.-

 shöhret hoshur
Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: