Qaraqashning Yawa Yézisida Az Dégende 10 Pirsent Ahale Qamaq we Türmide

Türmige élip kiriliwatqan uyghur siyasiy mehbuslar.

Türmige élip kiriliwatqan uyghur siyasiy mehbuslar.

 Social Media

Uyghur aptonom rayonidiki «yépiq terbiyelesh merkezliri» heqqidiki éniqlashlirimiz dawamida qaraqash nahiyisining yawa yézisida 700-800 Che kishining késilgenliki, 3000 gha yéqin kishining atalmish «terbiyelesh merkizi» de qamaqta ikenliki melum boldi.

Ötken yili 12-Ayning 28-Küni qaraqash nahiyelik partkom binasigha mashiniliq hujum qilghan 4 gumandar mana mushu yawa yézisidin idi. Melum bolushiche, yawa yézisidin tutup kétilgen 3000 gha yéqin kishi nöwette qaraqash nahiyisidiki bostanköl «terbiyelesh merkizi» qatarliq 3 merkezde tutup turulmaqta.

«Yépiq terbiyelesh» herikiti uyghur aptonom rayonida omumyüzlük élip bériliwatqan bolsimu, emma bu herikitining kölimide, bolupmu tutqunlar sanida yenila oxshimighan perqler mewjut. Ötken heptidiki éniqlishimiz dawamida qaraqashning aqasaray yézisida 2000 din artuq, purchaqchi yézisida bolsa 4000 etrapida kishining «terbiyelesh» te ikenliki ashkarilanghan. Bu heptidiki éniqlishimzida qaraqashning yawa yézisidiki tutqunlar heqqide melumat soriduq. Yéziliq edliye ponkitida ishleydighan bir xadim, yézida «terbiyelesh» ke apirilghanlar sanining 3000 gha, késiwétilgenlerning bolsa 700-800 Ge yéqinlashqanliqini bayan qildi.

Melum bolushiche, yawa yézisidin tutulghan bu 3 minggha yéqin kishining köpinchisi qaraqash nahiyisidiki bostanköl, poyiz istansisi, 2-Ottura mektep we pédagogika mektipi qatarliq 4 orundiki «terbiyelesh merkizi» ge qamalghan.

Matériyallarda körsitilishiche, qaraqash nahiyesining yawa yézisi jemiy 22 kent, 30586 nopustin teshkillengen. Yéza nopusining 99. 86 Pirsenti uyghur. Éniqlashlirimiz dawamida ahaliler nopusining az dégende 10 pirsentining qamaq we türmide ikenliki aydinglashqan bolsimu, lékin dairilerning bu nisbetni zadi qanchige yetküzidighanliqi melum emes.

Kent sékrétarlirining ashkarilishiche, kentlerde yene künige nechchiligen kishi tutulmaqta.

Qaraqashning nahiyisining yawa yézisida bultur 12-Ayning 28-Küni, yeni uyghur aptonom rayonida chén chüenge hakimiyet béshigha kélip uzun ötmey qaraqash partkom binaisigha hujum qilish weqesi yüz bergen. Weqeni toxtimemet tursunniyaz, nurmemet tursunniyaz we abdulétip mettursun qatarliq 4 kishi élip barghan. Weqe chén chüenge dewridiki tunji weqe süpitide xitay we xelqaara metbuatlarda keng orun alghan idi. Xitay axbarati bu weqenimu térrorluq bilen eypligen, emma bir qisim közetküchiler, hujum xitayning bir hakimiyet orginigha, bolupmu partkom binasini mudapie qiliwatqan xitay qoralliq küchlirige qaritilghanliqi üchün weqeni térrorluq bilen eyibleshke bolmaydighanliqini ilgiri sürüshken idi./shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: