Yawropa Parlaméntida «Uyghur Dostluq Guruppisi» Quruldi

Yawropa parlaméntida «uyghur dostluq guruppisi» ning qurulush murasimidin körünüsh. 2017-Yili 19-Öktebir, biryussél, bélgiye.

Yawropa parlaméntida «uyghur dostluq guruppisi» ning qurulush murasimidin körünüsh. 2017-Yili 19-Öktebir, biryussél, bélgiye.

 RFA/Ekrem

19-Öktebir küni bélgiye paytexti biryussélgha jaylashqan yawropa parlaméntida «uyghur dostluq guruppisi» resmiy quruldi.

Yawropa parlaméntida qurulghan «uyghur dostluq guruppisi» ning qurulush murasimi chüshtin burun saet 9:30 da bashlandi. Murasimgha ilhan küchük, saba sugar, luigé kompagna, ramon trémosa, hélga trüpel, klaus buknér, paul saky, tomas man, iwo wajgul, hélga stéwéns qatarliq yawropa parlaméntining 10 din artuq ezasi, 100 ge yéqin uyghur we bashqa qérindash milletlerning wekilliri, rabiye xanim, ömer qanat, dolqun eysa bashliq d u q rehberliri hemde ‹ilham toxti guruppisi› ning mesulliridin enwerjan, proféssor mari holizman, shundaqla tibet teshkilatlirining mesulliri qatnashti.

Murasimgha wakaletsiz milletler teshkilati xadimi lusiya parruchi riyasetchilik qildi. Échilish nutqini parlamént ezasi ilhan küchük sözlidi. Parlamént ezaliridin sugar ependi we luige xanimlar tebrik nutuqliri sözlidi.

Qurulush murasimidin ilgiri, bir saet uyghurlar heqqide doklat teqdim qilish paaliyiti bolup ötti. Bu paaliyette doktor ablet semet, doktor nuri türkel, proféssor mari holizman qatarliqlar uyghur tili, medeniyiti we nöwettiki uyghur weziyiti shundaqla ilham toxti mesilisi qatarliq témilar boyiche doklatlar teqdim qildi.

«Uyghur dostluq guruppisi» ning resmiy qurulghanliqi jakarlanghanda, chong zalda güldüras alqish sadaliri yangridi.

Igilishimizche, bundaq bir guruppini wujudqa chiqirish üchün d u q 10 yil tirishchanliq körsetken iken. Murasimda bu dostluq guruppisigha eza bolghan 10 din artuq parlamént ezalirining isimliri atap ötüldi we neq meydanda bar bolghan parlamént ezalirigha uyghur doppisi teqdim qilindi. Qurulush murasimigha qatnishalmighan bir qisim parlamént ezalirining tebrik nutuqliri sin ikrani arqiliq teqdim qilindi. Ilham toxtining qizi jewhermu tebrik nutqi yollighan idi.

D u q reisi rabiye qadir xanim sözge teklip qilinghanda, yawropa parlaméntida «uyghur dostluq guruppisi» ning qurulghanliqini qizghin tebriklidi we buning üchün küch chiqarghan parlamént ezalirigha rehmitini bildürdi.

Yawropa parlaméntida «uyghur dostluq guruppisi» ning qurulushi, xitayning béyjingda échiwatqan 19-Qurultiyining 2-Künige toghra kelgen idi. D u q muawin reisi ömer qanat ependi bu heqte toxtilip, melum menidin buning yawropa parlaméntining xitaygha bergen bir jawabi bolidighanliqini ilgiri sürdi.

D u q bash katipi, wakaletsiz milletler teshkilatining muawin reisi dolqun eysa ependimu, yawropa parlaméntida «uyghur dostluq guruppisi» ning dunyagha kelgenlikige yuqiri baha berdi.

Amérikadin kelgen adwokat nuri türkel ependimu bu guruppining uyghur medeniyitini qoghdashtiki rolini eskertti.

Qurulush murasimi axirlashqandin kéyin, uyghur medeniyet paaliyiti bolup ötti. Londondin kelgen naxshichi rehime xanim uyghurche naxsha teqdim qildi we shéir déklamatsiye qildi. Bélgiyede yashawatqan güljennet xanim uyghurche usullar oynap, zal ichide qizghin alqishqa sazawer boldi.

3 Saet dawamlashqan bu paaliyettin kéyin, d u q rehberliri yawropa parlaménti xadimlirini chüshlük tamaqqa teklip qildi./ekrem

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: