Peyziwattiki Saqchi: Qolumda sot Échilmastin Chiqirilghan Hökümnamiler bar

Qeshqerdiki bir mehellide saqchilar isména almashturmaqta. 2011-Yili awghust.

Qeshqerdiki bir mehellide saqchilar isména almashturmaqta. 2011-Yili awghust.

Muxbir Qiao Long

Muxbirimizning peyziwatqa qaratqan téléfon ziyariti dawamida shaptul yéziliq saqchixana xadimi qolida tutqunlar heqqide sot échilmay turup chiqirilghan hökümnamiler barliqini ashkarilidi. Uning bayan qilishiche, u mesul kenttin 46 kishi «terbiyelesh» ke apirilghan, bulardin 30 nepiri késilgen, emma sot échilmighan. U, késilgenlerdin 26 nepirining hökümnamisini özi toldurup aile tawabiatlirigha yetküzüp bergen. U yene qolida bosh hökümnamidin üchi barliqini ashkarilidi. Yéngisarning saghan kentidiki bir tutqun aile tawabiatimu mehellisidiki tutqunlar üstidin sot échilmighanliqi, alaqidar xadimlarning hökümnamini öymu-Öy tarqitip bergenlikini bayan qildi.

Yillardin béri xitay dairiliri siyasiy mehbuslar üstidin aile ezalirini qatnashturmighan halda mexpiy shekilde sot échip kéliwatqan idi.

Jemiyet uchurlirida déyilishiche, uyghur aptonom rayonida dawam qilghan bu yilqi qattiq zerbe dolqunida qolgha élinghanlar sani intayin köp bolghachqa jenubtiki wilayetlerde sot orunlirining mexpiy sot échishqimu waqti yetmigen؛ netijide sot hökümi yézilghan hökümname girappiliri herqaysi saqchixanilargha tarqitip bérilgen. Saqchi xadimliri qolliridiki aldin teyyarlanghan sot hökümnamisidiki bosh orungha tutqunlarning ismi we késilgen yilini toldurghandin kéyin, bu hökümnamini tutqunlarning aile tawabiatigha yetküzüp bergen.

Jemiyette tarqalghan bu uchurning toghra-Xataliqini aydinglashturush üchün biz peyziwatning shaptul yéziliq saqchixana xadimidin bu heqte melumat soriduq. Uning bayan qilishiche, bu yil u mesul bolghan kenttin 46 kishi tutulghan. Bulardin 30 nepiri késilgen. Késiwétilgen 26 kishining hökümnamisini u özi toldurup ailisige tarqitip bergen.

Uning bayan qilishiche, sot échilmay turup özige bérilgen bu hökümnamilerde mehkumlarning ismi we késilgen yili yézilmighan, emma qilmishi, eyibnamisi we xitay qanuni boyiche jazasi yézilghan.

Bu saqchi xadimi yene qolida 3 gumandar üstidin chiqirilghan bosh hökümname barliqini, emma tutqunlar üstidiki soraq we tekshürüshning tügimigenliki, tekshürüsh axirlashqandin kéyin, mezkur girapigha tutqunlarning isim familisi we yilini toldurup ailisige tapshuridighanliqini éytti.

Yéngisarning saghan yézisida 10 yilliq késiwétilgen sabiq mehbus abduwasip ömer üstidin sot échilmighan. Emma alaqidar xadimlar abduwasip ömer we kenttiki bashqa mehkumlar jaza lagérigha yollanghandin kéyin, ular heqqidiki hökümnamini mehkum aililirige tarqitip bergen. Melum bolushiche, sot échilmastin chiqirilghan bu xil hökümnamiler köpinche hallarda yéziliq siyasiy qanun komitéti teripidin toldurulghan, saqchilar we kent sékrétarliridin teripidin tarqitilghan./shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: