Xitay Cheteldiki Uyghurlarning Aile Tawabiatlirini Görüge Élip Almaqta

Melum soda merkizi etrapida pos turuwatqan xitay qoralliq küchliri. 2015-Yili 16-Aprél, xoten.

Melum soda merkizi etrapida pos turuwatqan xitay qoralliq küchliri. 2015-Yili 16-Aprél, xoten.

AFP

Bir qisim shahitlar radiyomizgha ehwal melum qilip, xitay dairilirining yurtida qalghan ata-Aniliri yaki aile tawabiatlirini tutqun qilip, ularni qaytip kélishke qistawatqanliqini ashkara qilmaqta.

Hazir gollandiyede yashawatqan jüret ependi xitay hökümitining bésimi we özige kéliwatqan tehlike tüpeylidin ötken yilining axiri yurtidin qéchishqa mejbur bolghan uyghurlarning biri.

U radiyomiz ziyaritini qobul qilghinida atushtiki 2 neper newre inisining yeken qirghinchiliqi yüz bergen élishqu yézisidin öylengenliki seweblik tutqun qilinip késiwétilgenlikini ashkarilidi.

U yurtidin ayrilip türkiyege chiqip ketkendin kéyin, atushtiki saqchi dairiliri bu yilning bashlirida uning ata-Anisini görü hésabida tutqun qilghan. Dadisining diabit késili tutqun jeryanida éghirliship, yiqilip chüshkechke axiri saqchi dairiliri uning késelmen ata-Anisini qoyup bergen. Emma ularning ornigha jüretning ukisini bu yil 4-Ayda tutqun qilghan hemde uning ailisige «qachan oghlunglar cheteldin qaytip kelse ukisini qoyup bérimiz,» dégen.

Jüret ependi yene atushning melum yézisidiki 70 yashqa yéqinliship qalghan hesen isimlik pénsiyege chiqqan bir péshqedem oqutquchining yéqinda 7 yilliq qamaqqa késiwétilgenlikini ashkarilidi.

Uning bildürüshiche, bu péshqedem oqutquchi aldinqi yillarda atushtiki bay tijaretchilerni heriketlendürüp iane toplighan we yétim-Yésir, tul ayallargha yardem qilghan iken. Yerlik dairiler uni «barin weqeside késiwétilgen bir ‹bölgünchi› ning ailisige bir tonna kömür, ming yüen pul we ikki xalta un yardem qilipsen,» dégen bahane bilen tutqun qilghan iken.

Aldinqi yili amérikagha kélip siyasiy panahliq telep qilghan arman ependimu radiyomiz ziyaritini qobul qilip, ürümchi, qaramay, sanji, maytagh we shimaldiki bashqa sheherlerde qassapchiliq, nawayliq, baqqalchiliq we ashxana mulazimiti bilen shughulliniwatqan minglighan uyghur hünerwen-Kasiblarning yurtlirigha mejburiy qayturulghanliqini, ularning köp qismining nöwette öz yurtliridiki «yépiq terbiyelesh merkezliri» de tutup turuluwatqanliqini ashkarilidi.

Tepsilatini awaz ulinishtin anglighaysiz./oghuzxan

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: