Bezi Yerlik Kadirlar Atalmish Diniy Esebiylikning Yene Yéngi Alametlirini Tépip Chiqqan

Héytgah jamesige namazgha mangghan yashanghan uyghur. 2017-Yili 26-Iyun, qeshqer.

Héytgah jamesige namazgha mangghan yashanghan uyghur. 2017-Yili 26-Iyun, qeshqer.

 AFP

Uyghur rayonidiki alaqidar dairiler üch yilning aldida diniy esebiylikning 75 xil alamiti namliq bir belgilime chiqarghan. Bu, 2014-Yilidin buyanqi qattiq zerbe dolqunida adem tutush we jazalashta qanuniy asas süpitide paydilinilghan. Melum bolushiche, bu yilgha yeni chén chüengo dewrige kelgende, yerlik dairiler 40% ademni yépiq terbiyelesh wezipisini orundash üchün, diniy esebiylikning burunqi 75 tin bashqa yene bir qisim yéngi alametlirini tépip chiqqan.

Qeshqer we xotendiki bir qisim kent sékrétarlirining bayan qilishiche, bu yilqi qattiq zerbe bérish dolqunida yerlik dairiler atalmish diniy esebiylikning burunqi 75 xil alamitidin bashqa yene bir qisim yéngi alametlirinimu «bayqighan»؛ bular namaz oqughanda chatraq kérip turush, qolini köksining üstige qoyush, ishtanni qisqa kiyish we chachni sériqqa boyash qatarliqlardur.

Közetküchilerning bayan qilishiche, xitay dairiliri uyghur rayonida yéqinqi yillarda yüz bergen hakimiyetke qarshi heriketlerning sewebini özi yolgha qoyghan siyasettin körmestin, belki atalmish diniy esebiyliktin izdigen. Netijide yézilarda kent sékrétar we partiye ezalirigha salam bergenliktin tartip, ushtumtut haraq tashliwétishke qeder bir qatar jemiyet hadisilirini diniy esebiylikning alamiti qilip békitilgen.

Dunya uyghur qurultiyi diniy ishlar komitétning mudiri turghunjan alawudun ependi bügün bu heqte pikir bayan qildi. Yuqiriqi alametlerning peqet perqliq bir adet ikenlikini ilgiri sürgen turghunjan alawudun ependi, mezkur alametlerni radikalliqqa baghlashning mentiqsiz bir ish ikenlikini tekitlidi. Turghunjan alawudun ependining qarishiche emeliyette xitayning zitigha tégiwatqini déyilgen alametler emes, belki mahiyet, yeni islam dinining adalet we zulumgha boyun egmeslik chaqiriqi. Turghunjan ependi sözining xulasiside, xitayning uyghurlarda yildin-Yilgha mustehkemlinip méngiwatqan diniy étiqadqa zerbe bérish üchün her xil bahane we seweb tépiwatqanliqini eskertti.

Bezi közetküchilerning qarishiche, xitay merkizi hökümiti uyghur rayonidiki emeldarlirigha xitayning rayondiki hakimiyitini mustehkemlesh we ebediyleshtürüshtin ibaret birla telepni aldinqi shert qilmaqta. Shunga uyghur rayondiki her derijilik emeldarlar, muqimliq tedbirliri mesiliside qanun, hetta insaniy ölchemdinmu chetnimekte./ shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: