Bizning Inqilaplirimiz Nimishqa Dayim Meghlup Bolidu? Nime Qilish Kerek?!

eturk
Miliy inqilap yolimiz dayim téragediyelik achchiq sawaqlar bilen tolup tashti. Xelqimiz miliy musteqiliq üchün eng köp bedel töligen bolsimu axirqi ghelbige érishelmidi! Biz dayim inqilapni qozghighan haman özimiz qozghighan inqilapning rehberlik hoquqini dindash, qérindash we insanperwer körüngen milliy munapiqlargha tartturup qoyimiz!Milliy inqilawimizdaki yara del mushu yerde.
Bizge inqilapta yol bashlighan bir qisim süyiqestchiler xuddi militimizning qanxor qatili Ma jungyingdekla seddichindin heremgiche bolghan jughrapiyede Emir Tömür émparatorluqidinmu chong bir islam xelipiliki qurimiz, dep debdebilik shuarlarni towlash bilen 30-yilardiki Sherqiy Türkistan Jumhuriyitining miliy armiysini ajizlashturup, hakimiyetni aghduriwetkendek inqilapni ayighi chiqmas tuyuq yolgha bashlap ketidu.
Ademxor alwastilarning oyunliri sheytanningkidin köp bolup, biri pütün dunya musulmanliri üchün dunya kapirlirigha qarshi jihad dep jöylüydu. Yene biri Türük dunyasini birleshtürüp Osmanli Emparatorluqigha oxshaydighan derijidin tashqiriy bir Türkistan dewleti qurush üchün küresh qiliwatimiz dep chellide at chapidu, yene biri Demokratiye(autonomiye xitay birligi we insan heqliri)dep shalisini chéchip bu milletning saghlam yol bilen hüriyetke chiqish yollirini jénining bériche tosaydu!
Eslide qeyerde bir inqilap meshili yansa düshmenler aldirap tinep, inqilapning tereqiyat jeryanidiki yol belgüllirini tuydurmayla bizge békitip beriwatidu! Yolni özimiz sizip, xeliqni özimiz yéteklep we ghayini özimizge xas alahiyidilikte tiklep kételmeywatimiz!
Bundaq bolishigha miliy xaraktérimizdiki ajizliqlar we ang-sewiye jehette bekla arqida qalghanliqimiz sewep bolup kéliwatidu. Her bir milletning xeterlik ajizliqi shu milletning tabuliri ichde yoshurun halette turghan bolidu!
Tabular DNA ghala oxshaydu. Yatlar bashqilarni boysundurush üchün shu miletning tabuliri hésaplanidighan shu milet étiqat qilidighan dindin, shu millet mesnsup bolghan qandashliqtin we shu millet eng ehtiyajliq bolghan hüriyet we azatliqqa oxshaydighan bezi sheyi we hadisilerdin ustiluq bilen paydilinip kéliwatidu!
Düshmen xuddi ademning gin tüzülmisige oxshaydighan eshu tabulardiki sisstémini sünniy shekilde özgertip, inqilap tughimizni bizni öltüridighan neyzige aylandurup qoyiwatidu.
Nadan xelqning qoli özining közini oyup, puti ölümige yürgendek özimizning achchiq meghlubiytlirige özimiz sewepchi boluwatimiz!
Arimizdin bir kalwa chiqip inqilap bayriqini Amerikadiki aq sarayning üstige yerleshtürüp qoysa yene bir kalwa chiqip bu bayraqni esheddi düshminimiz xitaylarning dewlet téritoriysige sizip qoyiwatidu yaki xitay payitexti Pekin´ge qadap qoyiwatidu. Yene bir kalwa chiqip inqilap tughimizgha xelqara térorchi küchlerning shuarini yezip milliy inqilapning inawitini zeherxendilik bilen töküwatidu.Yene bir kalwa chiqip milliy istiqbalimizgha berip chetilidighan muhim meselilerni xitayning ichkiy ishi qilip qoydi xelqarada!
Ilgiri miliy dawa xelqarada shöret qazanghanidi. Emdi milletchilikni kapirliq, wetenperwerlikni imansizliq, azatliq üchün küresh qilishni musulmanchiliqqa yat, qilmish deydighan, özini Uyghur déyishtin epqachidighan, xelqara térorchi küchlerning arisigha qétilip, weten we weten siritida militimizning béshigha bala boliwatqan mexluqlarning sewebidin milliy dawa palech halgha chüshüp qaldi!
Xelqimiz éghir kirzis ichide turiwatidu. Mushundq bir nazuk peyite Uyghuristan xelqi diqqet qilishqa tegishlik üch nuqta bar: 1)Dinni inqilapqa süyistimal qilmasliq, 2)Millettin halqighan qandashliq bayriqini kötermeslik we 3)Düshmen bilen muresse qilidighan herqandaq yolni tallimasliq!
Milliy inqilapning 30-40-yillardiki yol xeritisini Éngilizlar bilen Ruslar özlirining ottursidiki ötkür dunyawiy siyasetlerning éhtiyajigha asasen sizip, Amerika Isa yüsüp Aliptékinni yene biri yeni Ruslar Ehmetjan Kasimini, Xitaylar bolsa Abdukerim Abbasof qatarliq munewerlirimizni kozur qilip oynap, mexsidige yétishkendin kéyin bizni asta künjebulunggha ittiriwetkenidi. Hazirmu bir qisim qarangghuluqtiki qebih küchler arimizdiki menpeetperes miliy munapiqlardin paydilinip her türlük yaman oyunlar üchün Uyghurlardin paydilanmaqta! Tariximizda bundaq ishlar köp yüz berdi.
Tariximizda xelqimizning milliy musteqiliqi üchün talay pursetler kélip ketti. Militimiz jeng meydanlirida ghelbe qilghini bilen arimizdiki düshmenge sétilghan siyasiy süyqestchilerning sewebidin siyaset meydanida yéngilip qaldi. Her qétim milliy inqilap yoquri dolqungha kötürülgende xelqimiz pursetni ching tutup, altirnatip yollar heqqide pilan tüzüshke ülgürelmey qalghachqa dayim helqilghuch peyitlerde meghlup bolup kéliwatmiz!
Tariximiz bizge nahayiti éghir bedeller hésabigha teqdim qilghan bir qisim xuddi engüshterge oxshaydighan qimmetlik tejribe-sawaqlardin achchiq derislik chqirishimiz lazim! Hazirqi dunya ilgirki dunyagha oxshimaydu! Biz awal xelqara jemiyetning aldida yaxshi bir obraz tiklishimiz, xitayning we xitay ghalchilirining sünniy yasap chiqiwatqan sehniliride rol almasliqimiz lazim. Diniy radikalizimgha, ériqchiliqqa we herqandaq shekildiki térorizimgha(Zalim xitaylarning xelqimizge qaratqan chékidin ashqan dewlet térorimu elbette shuning ichide)eng zor küch bilen qarshi turup, xitayning militimiz üstidin oynimaqchi boliwatqan qanliq oyunini böshükide ojuqturup tashlash milliy inqilap qoshunimizdikilerning qettiy bash tartip bolmaydighan muqeddes wezipisi bolishi lazim!
Uyghuristan Kultur Merkizi
02.12.2017 Gérmaniye
Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: