Dunya Uyghur Qurultiyining 6-Nöwetlik Saylamigha Yollanghan Tebrikname!

logo-UK

Dunya Uyghur Qurultiyining 6-Nöwetlik Saylam Yighinining  Échilghanliqini Ching Qelbimizdin Tebrikleymiz!

Essalamu Eleykum Sherqiy Türkistan Xelqi, Esalamu Eleykum Milliy Herkitimizning Xeliqaradiki Qollighuchiliri! Essalamu Eleykum Dunya Dunya Uyghur Qurultiyining 6-Nöwetlik Saylimigha Dunyaning Herqaysi Jayliridin Kelgen Söyümlik Wekiller! Aldi Bilen  Heminglarning Jumhuriyet Künliringlarni Qutluqlaymiz! Andin Dunya Uyghur Qurultayining Del Waqtida Échilghanliqini Tebrikleymiz We Bu Qurultayning Milliy Herkitimiz Üchün Xeyirlik Netijiler Bilen Axirlishishini Ching Yürigimizdin Ümit Qilimiz!

Xelqara Weziyet Biz Üchün Paydisiz Boliwatqan Mushundaq Bir Kiritik Dewirde  Dunya Uyghur Qurultiyi Milliy Herkitimiz Sépide Nahayiti Éghir Yükni öz aldigha Kötürüp Kétiwatidu! Dunya Uyghur Qurultiyining Xelqara Ölchemler Asasida Milliy Inqilawimizgha Kishilik Hoquq, Insan Heqliri We Démokratiye Qatarliq Jehetlerdin Qoshqan Töhpisini Alahiyde Mueyenleshtürüshke Erziydu!

Biz Dunya Uyghur Qurultiyining Xelqimizning Insaniy Heq-Hoquqlirini Qoghdash Üchün Élip Bériwatqan Tirishchanliqlirigha Yoquri Baha Bérimiz We Bundin Kéyinki Milliy Inqilawimiz Üchün Élip Bérilidighan Küreshlirining Téximu Mol Netijilik Bolidighanliqigha Ishinimiz! 

Biz Hazirqi Murekep Xelqara Weziyette Milliy Dawani Xelqaralashturushta Dunya Uyghur Qurultiyining Siyasiy Mitodini Küchlendürüp Xelqimizni Yiteklesh We Xelqarada Sherqiy Türkistan Meselisige Aktip we Ijadiy Tesir Körsütidighan Jamaet Pikiri Hazirlashqa Alahiyde Küch Chiqirishimiz Lazim!

Biz Sherqiy Türkistanliqlar Hazir Xelqaradiki Menpet Toqunushliri Küchüyüp Ketken, Dunyawiy Tertip Buzulup, Insanlar Siyasiy, Iqtisadiy We Ijtimayi Tereplerdin Éghir Kirzisqa Patqan Alahiyde Murekkep Bir Xelqara Weziyette Turiwatimiz! Bundaq Bir Waqitta Miliy Birlikimizni Qoghdap Qélish, Xelqarada Insaniyetni Nepretlendüridighan Emes Belki Söyündüridighan Yaxshi Bir Obraz Tiklesh We Milliy Dawaning Normal Tereqiyatigha Kapaletlik Qilishqa Sel Qarimasliqimiz Lazim! 

Xitaylar Xuddi Üshshük Herisidek Xelqimizni Her Tereptin Saldirmaqta! Milliy, Insaniy Heq-Hoquqlirimiz Depsende Qilinmaqta. Tarixtin Béri Bizning Yaxshi Gépimizni Qilidighan Gherip Dewletlirining Beziliri Bolupmu Türkiy Milletlerning Bir Qismi Xitaylar Bilen Bolghan Hemkarliqni Barghanche Kücheytip, Bizdin Yüz Chewrigen Halette Turiwatidu. Xitaylar Pursetni Ching Tutup, Dewlet Térorini Ishqa Sélip Millitimizni Qattiq Basturiwatidu. Xitaylar Tarixta Körülmigen Derijide Millitimizni Asimilatsiye Qilish, Érqiy We Kultural Tereplerdin Qirghin Qilish Ishini Yoquri Bésim Bilen Tizleshtürmekte! Xelqara Jemiyet Körüp Turup Nimishqa Buninggha Aktip Inkas Qaldurmaydu?!Sewep Bizdimu Yaki Bashqilardimu? Bu Meselide Yürükimizni Tutup Béqip Qattiq  Oylunushimiz Lazim!

Biz Sherqiy Türkistan Jumhuriyiti Sürgündiki Hökümiti Xelqimizning Béshigha Kelgen Bugünkidek Yaman Künlerni Nezerge Elip, Bundin Kéyin Dunya Uyghur Qurultayi Bilen Bar Mumkinchiliklerning Hemisini Ishqa Sélip Öz-Ara Yardemliship, Bar Küchimiz Bilen Tirishchanliq Körsütüp Milliy Herkitimizni Dewir Rohigha Uyghun Shekilde Birlikte Tereqqiy Qildurush Üchün Téximu Yéqindin Hemkarlishidighanliqimizni Bildürimiz!

Biz Sherqiy Türkistan Sürgündiki Hökümiti Mushu Munasiwet Bilen Sherqiy Türkistan Xelqini Dunya Milletliri Bilen Bolghan Öz-Ara Chüshünüsh, Hürmet Qilish We Ittipaqliqni Kücheytishke, Xelqaradiki Bizge Paydisiz Bolghan Qara Küchlerning, Jümlidin Ata Düshminimiz Xitaylarning Bizge Qarshi Oynawatqan Her Türlük Oyunlirigha Segeklik Bilen Muamile Qilishqa Chaqrimiymiz!

Biz Ming Yidin Beri Islam Dinigha Étiqat Qilip Kéliwatqan Bir Xeliq! Biz Musulman Bolush Bilen Birge Öz Aldimizgha Milliy Enenilliri Bolghan, Tarixi Uzun, Shanliq Medeniyet Yaratqan Bir Xeliq! Ejdatlirimiz Ming Yil Jeryanida Milliy, Siyasiy, Diniy We Iqtisadiy Tereplerdin Özimizge Xas Yol Tutup, Öz Aldimzgha Tereqiy Qilip Kelgen! Ming Yildin Béri Uyghur Medeniyiti Islamliship, Islam Dini Uyghurliship Uyghur Medeniyitini Islamdin, Islam Dinini Uyghur Medeniyitidin Ayrighili Bolmaydighan Weziyet Barliqqa Keldi! Bu Wejidin Bizning Özimizni Qoghdap Qélishimiz We Düshmening Bizni Yoqutuwétishimu Mushu Téma Bilen Munasiwetlik Bolidu! Biz Özimizni Qoghdap Qalayli Deydikenmiz Milliy Alahiydiliklirimizni, Jümlidin Milliy Alahiydiliklirimizning Terkiwi Bolghan Islamiy Étiqadimizni Qoghdap Qélishimiz Lazim! 

Düshmenler Bizni Yoqutuwétish Üchünmu Islam Dinidin Paydilanmaqta! Islam Dini Dunyaning Oxshimighan Jaylarida Oxshimighan Mitod We Uslublarda Tereqqiy Qilghan Bolghachqa Siyasiy Küchler Xelqaraliq Meselilerni Bir Terep Qilish Üchün Addiy Awam-Puqralarning Kallisini Xuddi Xitaylardek Koldurlutup, Dinni Siyasiy we Iqtisadiy Gherezliri Üchün Süyistimal Qilmaqta!

Din Meselisi Tarixtin Béri Nazuk Bir Meselidur! Diniy Mesele Bizmu, Düshmen Küchlermu, Dostlarmu Qiziqidighan Mesele Bolghachqa Dayim Murekkep Bolghan Xelqara Arqa Körünüshke Igidur! Bu Meselini Herqandaq Bir Milletmu Öz Aldigha Toluq  Hel Qilip Kételmeydu! Diniy Meselilerni Hel Qilishta Xelqara Qanun We Nizamlarni Ölchem Qilish Lazim! Ilim Dunyasining Qarishiche Dinlar Tarixtin Béri Lébiral, Konsiriwatip We Radikal Dep Üch Yönülüsh Bilen Tereqiy Qilip Keldi! Sherqiy Türkistanliqlar Tarixtin Béri Özining Diniy Meselilirini nahayiti Etrapliq Oylap, Soghaqqanliq Bilen Bir Terep Qilip, Islam Dinining Parlaq Lébiral Yolini Tutup Kelgen Bir Xeliqtur! Eger Bizning Mol We Rengareng Medeiyitimizning We Miliy Mawjutluqimizning Herqandaq Düshmenlik We Réqabetke Bash Egmey Bugüngiche Bar Bilishida Bir Sir Bar Desek, Ene-Eshu Sir Ejdatlirimiz Ewlatmu Ewlat Dawamlashturup Kelgen Islamiy Lebiral Yoldur! Düshmenler Bolsa Militimizni Qaymuqturup, Milliy Gewdimizde Sünniy Halda Konsériwatip We Radikal Goruppilarni Yétishtürüp Chiqip, Milliy Medeniyitimiz We Diniy Étiqadimizni Dindin Paydilinip Qurutiwétish Üchün Heriket Qilmaqta! Xelqimiz Pütün Dunya Miqyasida Bilinmigen Bir Xeterlik Küchning Türütkiside Diniy Radikalizimgha we Xelqara Térorizimgha Sürüklenmekte!

Biz Sherqiy Türkistan Xelqi Milliy, Kultural, Diniy We Siyasiy Jehetlerdin Özimizni Qoghdap Qalimiz Deydikenmiz Tarixtin Beri Ejdatlirimiz Shekilendürgen Islamiy Lebiral Yolni Jénimizning Bériche Qoghdap Qélishimiz, Shu Asasta Sezgürlük Bilen Milliy Mawjutluqimiz We Siyasiy Küreshlirimizge Hergiz Waqti Ötmeydighan Hayati Küch Teqdim Qilishimiz Lazim!

Biz Sherqiy Türkistan Xelqi Milliy, Kultural, Diniy We Siyasiy Jehetlerdin Özimiz Asan Periq Qilalmaydighan Nahayiti Zor Xewipke Duch Kelduq! Bu Kirzistin Qurtulup Kétish Üchün Hazir Xeliq Arisida Ewij Alghan Istixiyilik Qalaymiqan Heriketler Bilen Emes, Belki Dewirge Uyghun Bolghan Teshkilchanliqi Küchlük Akadémik Bir Sewiyede Pilanliq Heriket Qilishimiz Lazim!

Biz Éghir Kirzis Ichide Turiwatimiz! Milletimizning Kéyinki Istiqbali Heqide Hichkim Bizchilik Estayidil Pikir Qilishni Xalimaywatidu Yaki Pikir Qatnashturushni Xalisimu, Bu Jawapkarliqi Éghir Bolghan Meselining Hergiz Höddisidin Chiqalmaydighanliqigha Ishinidu!!!Biz Millitimizning Kélichikige Köngül Bölmisek Hich Kishi Bizning Ghémimizni Qilmaydu! Biz Pütün Bir Milletni Xeter Ishigi Aldidin Qutulduriwalayli Deydikenmiz Rayon Halqighan Ériqchiliqtin, Diniy Tereptin Kélish Ehtimali Yüksek Bolghan Radikalizim We Bizge Mejburiy Zorlap Téngiliwatqan Xelqara Térorrizimgha Chish Tirniqimiz Bilen Qarshi Turushimiz Lazim!

Biz Choqum Xelqimizning Ümüdini Aqlap, Milliy Dawaning  Etrapigha Zich Uyushup, Édiologiye Jehetiki Bir Qisim Ötkünchi Periqlerni Bir Terepke Qayrip Qoyup, Sheritsiz Ittipaqlishishimiz, Bölünüp Heriket Qilishtin Ibaret Düshmen Üchün Paydiliq Bolghan Tarixiy Xatalargha Emdi Hergizmu Yol Qoymasliqimiz Lazim!

Biz Weten Ichi We Siritidiki Qérindashlarni  Milliy Rohni Urghutup, Igilik Hoquqimizni Qolgha Élishtin  Ibaret Aliy Ghayimiz Üchün Mürini-Mürige Tirep Küresh Qilishiqa Chaqriq Qilimiz!

Biz Shu Qatarda Yene Xelqimizning Birdin-bir Muhim Teshkilatliridin Biri Hésaplinidighan Dunya Uyghur Qurultiying Téximu Zor Utuqlarni Qolgha Keltürishige Semimiy Shekilde Ching Qelbimizdin Tilekdashliq Bildürimiz! 

Sherqiy Türkistan Jumhuriyiti Sürgündiki Hökümiti

10.11.2017 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: