Gérmaniyening Bash Elchisi Mixayél Klaus Xitayni Yene Biaram Qildi

Gérmaniyening xitaydiki bash elchisi mixa'el kla'us.

Gérmaniyening xitaydiki bash elchisi mixa’el kla’us.

RFA/Ekrem

Gérmaniyening xitayda turushluq bash elchisi mixa’él kla’usning bu hepte taratqulargha qilghan sözi xitay da’irilirini yene bir qétim qattiq bi’aram qildi.

Igilinishiche, 27-dékabir küni amérika we gérmaniyening béyjingdiki elchixaniliri 8 yilliq qamaq jazasigha mehkum qilin’ghan xitay kishilik hoquq adwokati wu génni qoyuwétish heqqide birleshme chaqiriq élan qilghan idi. Uningdin bir kün ilgiri, yeni 26-dékabir küni gérmaniyening béyjingdiki bash elchisi mixa’él kla’us taratqulargha söz qilip, xitaydiki barghanséri yamanliship kétiwatqan kishilik hoquq weziyitini tenqid qilghan idi. Buningdin qattiq bi’aram bolghan xitay da’iriliri tashqi ishlar ministirliqining bayanatchisi xu’a chünyingning éghizi arqiliq reddiye qayturup: “aq-qarini astin-üstün qildi, mes’uliyetsizlik qildi, dégenliri kespiy diplomatqa layiq emes” dégendek qopal ibarilerni ishletken.

“gérmaniye dolqunliri” radi’osining 28-dékabir “frankfurt mejmu’esi” gézitidin neqil élip bayan qilishiche, 26-dékabir küni gérmaniyening xitaydiki bash elchisi mixa’él kla’us “jenubiy xitay etigenlik géziti” ning ziyaritini qobul qilghan. U mundaq dégen: “xitay terep 2016-yili tüzülgen gérmaniye-xitay tor bixeterliki kéngesh sistémisi berpa qilish mesiliside semimiy bolmidi”. U yene “xitayda di’alog semimiyiti bolmighach, bu sistémining qurulushi bügün’ge qeder emelge ashmidi,” dégen.

27-Dékabir küni xitay tashqi ishlar ministirliqining bayanatchisi xu’a chünying qattiq teleppuzda reddiye bérip, “mixa’él kla’usning qarashliri emeliyetke uyghun emes, hetta aq-qarini arilashturuwetken. Dégen sözliri gérmaniyening junggodiki bash elchilik salahiyitige we diplomatiye kespige layiq emes. Biz uning mes’uliyetsiz sözlerni qilmasliqini, junggo-gérmaniye munasiwetlirining tereqqiyati we ikki terepning öz-ara menpe’et hemkarliqini ilgiri süridighan ishlarni köprek qilishini ümid qilimiz,” dégen. Xu’a chünying buning bilenla qalmay “junggo terep köp qétim gérmaniye terepke wekiller ömiki ewetip, bu mesilini muzakire qilishni teklip qildi. Emma gérmaniye terep bu ishni izchil arqigha sozup keldi. Emdi ular bir örülüpla junggo terepni di’alog semimiyiti yoq dep eyiblimekte. Bu pütünley qa’idisizlik,” dégen.

Gérmaniye bash elchisi mixa’el kla’us közde tutqan “gérmaniye-xitay tor bixeterliki sistémisi kélishimi” 2016-yili ikki terep hökümetliri teripidin imzalan’ghan bolup, bu kélishimge köre, xitay hökümiti chekligen intérnét w p n qoshumche mulazimétirini eslige keltürüsh yaki muwapiq bir sistéma berpa qilish mesilisi muzakire qilinmaqchi bolghan. Chünki, w p n ning cheklinishi xitaydiki gérmaniye karxanilirining mexpiyetlikni saqlash imkaniyitini yoqqa chiqarghan. Xitay bu sistémini cheklesh arqiliq, chet’el karxanilirining mexpiyetliklirini peqetla xitay intérnét boshluqi sahesidila saqliyalaydighan we tosalghudin halqip pa’aliyet qilishqa mumkinchilik bolmighan derijige chüshürüp qoyghan idi.

“frankfurt mejmu’esi” gézitining ilgiri sürüshiche, “dawamliq ijadiyliq bilen di’alog qurushni tekitleydighan, inaqliq we tinchliqqa chaqiriq qilidighan xitay tashqi ishlar bayanatchisining gérmaniye bash elchisini bu qeder qattiq tenqid qilishi” gha gérmaniye-xitay hökümetliri 2016-yili 6-ayda ötküzgen “tor bixeterliki kélishimi” gha gérmaniye terep emel qilghan bolsimu, xitay terepning emel qilmighanliqi seweb bolghan iken. Chünki bérlin bilen béyjing otturisida tüzülgen bu kélishimde “herqandaq shekildiki yaman niyetlik xakkérliq heriketliridin saqlinish” teshebbusi orun alghan bolsimu, xitay xakkérlirining hujumliri dawamlishiwergen, hetta téximu kücheygen. Téxi ikki hepte ilgiri gérmaniye asasiy qanunni qoghdash idarisi ochuq melumat élan qilip, “xitay xakkérlirining gérmaniyening siyasiy, iqtisadiy, téxnika sahelirige bolghan hujumining yéqindin buyan hessilep kücheygenliki” ni élan qilghan. Bu doklatta yene “linkédin” ge oxshash ijtima’iy taratqulardin paydilinip, xitay terepning gérmaniyening siyasiy we iqtisadiy saheliridiki xadimlirini sétiwélishqa urunush xahishliriningmu kücheygenliki bayan qilin’ghan.

Xeter astidiki milletlerni qoghdash teshkilatining re’isi ulrix déliyus ependi bu mesile heqte pikir bayan qilghanda, xitayning heq sözdin we özining jinayetlirining ashkarilinishidin dawamliq bi’aram bolidighanliqini tekitlidi. U mundaq dédi: “bu mesilining gérmaniye metbu’atliridin yer alghanliqi yaxshi boldi. Bu mesile xitayning mahiyitini ashkarilash rolini öteydu. Mixa’él kla’usning otturigha qoyghanliri gérmaniye-xitay otturisidiki ré’al mesile. Xitay bu heq pikirlerge taqet qilalmay derhal inkas qayturdi hemde gérmaniye bash elchisini eyiblidi. Xitay haman heq geptin we jinayetlirining metbu’atlarda pash qilinishidin shunchilik qorqidu. Xitayda ashkarilashni kütüwatqan nurghunlighan kishilik hoquq depsendichiliki hadisiliri bar. Mesilen, uyghurlarning bügünki paji’elik weziyiti. Dunyaning héch yéride héch bir millet bu qeder éghir réjim we basturush astida turghan emes. 2017-Yili uyghurlar üchün qabahetlik bir yil boldi. Dunya üchünmu nomusluq bir yil boldi. Men uyghurlar mesilisining aldimizdiki yillarda xelq’araning téximu jiddiy diqqitini qozghishini ümid qilimen”.

Fransiyelik xitayshunas proféssor mari holizman xanim bu xususta toxtalghanda, xitay hakimiyitining bügünki heqiqiy qiyapitini dunyagha bildürüshning zörürlükini tilgha aldi. U mundaq dédi: “biz chet’ellerdiki téximu köp kishilerning nöwettiki ré’alliqni bilishini we uninggha köngül bölüshi ümid qilimiz. Xitay hakimiyiti özining iqtisadiy küchige, diplomatik utuqlirigha, teshwiqat ewzellikige tayinip, kishilik hoquqning esli menisini peqetla xitay hakimiyitining menpe’eti üchün xizmet qilidighan shekilde yasap chiqip, xitayche bir kishilik hoquq uqumini dunyagha téngish üchün tirishchanliq körsitiwatidu. Kishilik hoquqning asasiy prinsiplirida yer alghan söz, metbu’at, étiqad erkinlikining ornigha iqtisadiy menpe’etni dessitish arqiliq peqet xitay üchünla xizmet qilidighan bir idé’ologiyeni bazargha salmaqchi boluwatidu. Bu meqsetke yétish üchün xitay ichide, bolupmu uyghur, we tibet rayonlirida kishilik hoquqni xalighanche depsende qiliwatidu. Qolini pütün dunyagha uzartiwatidu. Bundaq bir weziyette, herqaysi döletler elchiliri we xadimlirining xitayning mahiyitini échip tashlaydighan pikirlerde bölishi köp ehmiyetlik. Dunya xitayni bilsun we belki barghanséri yaxshi bilishke bashlidi. Buning ijabiy bir netije yaritidighan zamani kélidu.”

Melum bolushiche, mixa’él kla’us 2013-yilidin bashlap gérmaniyening xitaydiki bash elchisi bolup teyinlen’gendin buyan xitayni köp qétim bi’aram qilip kelgen. “frankfurt mejmu’esi” gézitining bayan qilishiche, u xitaydiki bezi nazuk mesililer heqqide qarashlirini udulla bayan qilip kelgen bolghach, xitay da’irilirini köp qétim narazi qilghan. Mixa’él kla’us pikirlirini da’im dégüdek xongkongda chiqidighan “jenubiy xitay etigenlik géziti” de ipadilep, xitay xelqiningmu körüshige purset yaritip bergen. U, 2017-yili 10-ayning 15-küni mezkur gézitke qilghan sözide “xitaydiki tor cheklimisining erkin riqabet we karxanilarning tereqqiyatigha tosalghu bolidighanliqini, xitayni dunyada yétim qalduridighanliqini” tekitligen we bu sözliri bilen xitayni bi’aram qilghan. 2017-Yili 8-ayning 24-küni xitay kishilik hoquq adwokati jang tyenyong sot qilin’ghanda, mixa’él kla’us yene “bu sot qanun tertiplirige uyghun emes. Jawabkar adwokat telep qilish hoquqigha érishelmigen. Bundaq bir sottin adil höküm chiqirilishi mumkin emes. Uning soti qanun dölitining prinsiplirigha we kishilik heq-hoquqqa hörmet qilin’ghan asasta échilishi kérek,” dep xitay terepni yene narazi qilghan.Ekrem

Türmiler Toldi, Tutqun Dawamlishiwatidu, Bezilerning Qamalghan Jayi Melum Emes

Ikki neper xitay saqchisining

Ikki neper xitay saqchisining “terbiyelesh merkizi” ning aldida turghan körünüshi. 2017-Yili 2-noyabir, korla.

 AP Photo/Ng Han Guan

Melum bolushiche uyghur élida bu yil 3‏-ayda bashlan’ghan keng kölemlik “yépiq terbiyilesh” dolquni yenila toxtawsiz halette dawam qilmaqta. Muxbirimizning téléfon ziyaretliridin ashkarilinishiche, poskam nahiyisining aqtam yézisidiki saqchi xadimliri gumandar abdusemet metkérimni tutush üchün herikette iken. Misirdin qaytqan guljennet tuniyaz béyjing ayrodromida tutqun qilin’ghandin buyan iz-déreksiz yoqalghan. Qaraqash aqasaraydin bügün “terbiyilesh” ke élip méngilghanlarning sani az dégende 30 neper.

Bezi yerlik emeldarlar ahalilerni “yépiq terbiyilesh” ke élip mangghanda, buning peqet 19‏-qurultayning bixeterlik tedbiri ikenliki, qurultay axirlashqandin kéyin tutqunlarning qoyup bérilidighanliqini uqturghan. Emma xitayning 19‏-qurultiyi yépilghinigha ikki ayche bolghan bolsimu, emma “yépiq terbiyilesh” dolquni yenila dawam qilmaqta.

Ashkarilinishiche, qariqashning aqsaray yézisida bügün az dégende 30 che kishi “yépiq terbiyilesh merkizi” ge élip bérilghan.

Poskamning aqtam saqchiliri seyli yézisidiki ahalilerdin abdusemet metkérimni tutush üchün buyruq chiqarghan we heriket qilmaqtiken. Melum bolushiche, bu yilqi “yépiq terbiyilesh” dolqunida bir qisim mektepler we idare jem’iyet orunliri “yépiq terbiyilesh merkizi” ornida ishlitilgen. Atalmish “kursantlar” bu merkezlerge sighmighandin kéyin, tutup turush merkizi we türmilerge yötkelgen. Eng yéqinqi uchurdin melum bolushiche, bezi jaylarda türmilerdinmu bosh orun qalmighan. Mushu sewebtin bezi jaylarda bezi tutqunlar a’ile we kent amanliq xadimlirighimu namelum orunlargha yötkelmektiken.

Weziyettin xewerdar kishilerdin birining ashkarilishiche, misirdin qaytqan korliliq 23 yashliq oqughuchi güljennet tuniyaz bu 5‏-ayda béyjing ayrodromida tutqun qilin’ghan, emma uning nege élip kétilgenliki melum emes. Korla qara yulghundiki bir amanliq mudirining bayan qilishiche, qara yulghun kentidin 13 neper ayal “qanunsiz diniy tebligh” qe qatnashqanliqi üchün tutulghan, emma ular korlida bilin’gen “terbiyilesh merkezliri” ning héchbirsige apirilmighan, uning nege ekétilgenliki mezkur amanliq mudirighimu melum emesken. shöhret hoshur

Xitaylar Xarabilashturghan Jennetek Tarim Bostanliqliri

 (1)

I aziyip qurushqa bashlighan we we éghir derijide bulghan'ghan tümen deryasining qeshqer shehiridin ötken böliki

I aziyip qurushqa bashlighan we we éghir derijide bulghan’ghan tümen deryasining qeshqer shehiridin ötken böliki

 Menbe: qeshqer sheher tori

Uyghurlar diyarining esirler boyi dawam etken tarixida izchil hel qilghuch rol oynap kelgen bir amil bar. U bolsimu tarim wadisidiki hayatliqning mewjutluqi üchün bekmu zörür bolghan su we su menbesi.

Qedimiy “yipek yoli” bilen baghlinishliq bolghan riwayetlerde da’imliq téma bolidighan amillarning birimu del su mesilisige bérip taqilidu. Chünki su bu rayonda aldi bilen hayatliqning mewjut bolush-bolmasliqini belgileydighan birinchi amildur.

Alaqidar matériyallarda körsitilishiche, uyghurlar diyaridiki qurghaq kilimatning bir chong alahidiliki pütkül rayon miqyasidiki omumiy su zapisining nisbeten turaqliq halette bolushi iken. Höl-yéghin miqdarining tolimu cheklik bolushi tüpeylidin uyghurlar diyaridiki asasliq su menbelirining biri taghlardiki muzluqlarning érishidin hasil bolghan derya-éqimlar bolup kelmekte. Uyghurlar diyaridiki asasliq bostanliqlarning hemmisi dégüdek buninggha mas halda ene shu su menbeliri boyigha jaylashqan shuningdek uyghurlarning yéza igilikini asas qilghan hayatliq pa’aliyetlirimu buninggha mas halda ashu xil muhit bilen öz’ara birikip ketken. Bu xil halet buningdin ikki ming yil ilgiriki waqitlardin tartipla tarixnamilerde orun élip kelgen tarim wadisidiki sheher döletliridin tartip taki zamanimizgha qeder asasen muqim dawam qilip kelmekte.

Melum bolushiche, tarixta tarim wadisidiki bir mehel güllen’gen sheher döletlirining köpinchisi melum dewrlerdin kéyin teklimakandiki qum barxanlirining astigha kömülüp ketken. Bu tarixiy tragédiyelerning kélip chiqishigha muhit özgirishi, bolupmu ashu sheherlerni su bilen teminleydighan menbelerning ghayib bolushi asasliq seweb bolghan iken. Bu heqte arxé’olog qurban weli alahide toxtaldi.

Halbuki, 1950-yillardin buyan otturigha chiqishqa bashlighan hemde barghanséri éship bériwatqan tebi’iy we sün’iy hadisiler uyghurlar diyaridiki su menbesige biwasite yaki wasitilik halda tesir qilip kéliwatqanliqi melum. Bash shtabi washin’gtondiki uyghur kishilik hoquq qurulushi teshkilatining xadimi nikol morgrét bu mesilige uzundin buyan diqqet qilip kéliwatqan mutexessislerning biri. Uning pikriche, buningda tebi’iy amillardin bashqa sün’iy halda wujudqa kelgen yene bir amil bar: ottura asiya rayoni bilen chemberchas medeniyet we étnik birlikige ige boluwatqan uyghurlar diyarining öz qolidin chiqip kétishidin bekmu endishige chüshken xitay hökümiti zor küch bilen bu jaylarda “ishlepchiqirish we qurulush bingtu’eni” namidiki yérim herbiy, yérim déhqanchiliq shekilni alghan ghayet zor sistémini berpa qilip chiqqan. Shuning bilen bir waqitta bu bingtu’enler ichkiridin uyghurlar diyarigha kelkündek köchüp kélidighan aqma nopusning yighilidighan eng chong baziliridin bolup qalghan. Adem amilining sani ashqanliqtin, bingtu’enlerning déhqanchiliq ishlepchiqirishi bilen xatirjem shughullinishi üchün xitay hökümiti ularning su menbesini xalighanche kontrol qilishigha yol échip bergen. Bu bolsa pütkül rayonning tebi’iy su teqsimatigha zor derijide tesir körsetken.

U bu heqte munularni ilgiri sürdi: “shinjangning ehwali heqqide anche birnerse bilip ketmeydighanlar bu jaydiki uyghurlarni bir türlük bayliq, dep qarishi mumkin. Chünki ular xitayning bu xildiki ghayet zor iqtisadiy qurulushida xitay bilen ottura asiyani medeniyet we til jehette bir-birige baghlashta uyghurlar bir wasitichilik rolini oynaydu, dep qaraydu. Halbuki, xitay hökümiti bu uyghurlarni uzundin buyan bixeterlik mesililiri üchün özlirige bir zor tehdit, dep qarap kelmekte. Buningda bayatin biz tilgha alghan medeniyet we til yéqinliqi bir seweb bolsa, yene bir yaqtin shinjangdiki sowét ittipaqining kommunistik tüzümige azdur köptur ulinidighan siyasiy baghlinishmu rol oynaydu. Shuning üchün ‘shinjangni tereqqiy qildurush’ ning birinchi qedimi süpitide xitay da’iriliri bu jayda ‘shinjang ishlepchiqirish we qurulush bingtu’eni’ ni qurup chiqti. Bingtu’enlerning nopusi pütünley xitaylardin teshkil tapqan bolup, ular yérim herbiy tüzülme sheklini alghan idi. Emma u chaghda ularning nopusi unche köp emes idi. Lékin shuningdin kéyinki nechche on yil ichide otturigha chiqqan her xil ‘tereqqiyat’ dolqunliri, jümlidin ‘gherbni zor kölemde échish’ qatarliqlargha egiship bu jaylardiki xitay nopusi shiddet bilen köpeydi.”

Nikol bu heqte toxtilip, xitay da’irilirining uyghurlar diyari duch kéliwatqan eng jiddiy mesililer, shu qatarda su menbesining tariyishi we bulghinishi heqqide birer emeliy chare qollinishning ornigha dawamliq “muqimliq” mesilisini destek qilip chiqqanliqini, hazir bolsa buning téximu yuqiri pellige chiqiwatqanliqini bildürdi. U bu heqte mundaq dédi: “2009-yilidiki ‘5-iyul weqesi’ din kéyin xitay da’iriliri tunji qétimliq ‘shinjang xizmiti yighini’ achti. Bu xildiki yighinlar tibet rayonida besh qétim échilghan idi. Shu qétimqi yighinda shinjangning oxshash bolmighan jayliri ichkiri ölkilerdiki oxshash bolmighan sheher we ölkiler bilen chétip qoyuldi. Shuningdin kéyin ichkiridiki bu sana’et baziliri shinjangdiki her türlük bayliqlarni keng kölemde qézishqa bashlidi. Xitay metbu’atlirida bolsa bular rayondiki ijtima’iy muqimliqni emelge ashurghuchi ‘tereqqiyat’ dep xewer qilinishqa bashlidi. Ikkinchi qétimliq ‘shinjang xizmiti yighini’ da bolsa muhim nuqta shinjang rayonining muqimliqi we bixeterliki mesilisige bekrek merkezleshti. Shinjangdiki ‘milletler ittipaqliqi’ mesilisi rayondiki eng chong mesile bolghachqa hökümet da’iriliri ‘asmanda tor, yerde qapqan’ dégen shekildiki kontrolluq torini qurup chiqti. Kishiler buni ‘qapqan we tor’ sistémisi, dep atawatqanliqi melum.”

Uyghurlar diyaridiki su menbesi nöwette duch kéliwatqan mesililer heqqide söz bolghanda herqachan tarim wadisidiki barliq derya éqinlarni hasil qilghuchi égiz tagh muzluqliri tilgha élinmay qalmaydu. Xitay hökümitining “gherbni échish” sho’ari astida uyghurlar diyarini yer asti bayliqlirini qézish asas qilin’ghan zor kölemlik sana’et bazisigha aylandurup qoyushi bolsa hazir bu muzluqlarning téz sür’ette érip kétishige seweb boluwatqan iqlim özgirishini téximu tézlitiwetken.

Uyghurlar diyarida emeliy tekshürüsh bilen meshghul bolghan amérikidiki muhitshunas faraday xanim (A.A.Faraday) Xitay karxanilirining uyghurlar diyaridiki kömürni kömür gazigha aylandurup ichkirige élip kétishi hemde uning rayon muhitigha körsitidighan tesiri heqqide mexsus izden’gen. Uning qarishiche, bu xildiki “kömürni gazgha aylandurush” jeryanida muhit buzulushtin bashqa su bayliqi ghayet zor derijide serp bolidiken. U bu heqte mundaq dédi: “méningche, nurghun kishiler kömürni gazgha aylandurush qurulushi omumen muhitqa ziyanliq, dep qaraydu. Chünki bu jeryanda ghayet zor su serp qilinidu, shuningdek ghayet zor miqdarda karbon töt oksid qoyup bérilidu. Shunga omumen qilip éytqanda, bu rastinla muhitqa ziyanliq. Emma yéqinqi mezgillerdiki su menbesining tariyip kétishide shundaqla tarixtiki herqaysi basquchlarda bu halning körülüshide muhim bolghan birnechche seweb bar. Buning ichidiki bir amilni alsaq u del iqlim özgirishidur. Uzaq mezgil dawam qilghan bu hadisining hazir tézliship kétishide insanlarning herikiti muhim rol oynawatidu. Yéqinqi mezgillerde tarim wadisidiki su menbesini temin étiwatqan égiz tagh muzluqliri ötken herqandaq mezgildikidinmu téz sür’ette érip kétiwatidu. Shunga hazirche (shinjangda) muzluqlarning mushundaq téz sür’ette érishi tüpeylidin yenila xéli zor miqdarda su menbesi bar, dep éytalaymiz. Emma muzluqlarning érishi bek téz boluwatqanliqi üchün, érip ketken muzluqning demalliqqa eslige kélish pursiti mewjut emes. Shunga eger buninggha qarshi birer chare körülmey, muzluqlar mushu sür’ette érigili tursa belkim kelgüsi yüz yil ichide muzluqlar érip tügishi mumkin. Bu hazirqi eng muhim amillarning biri.”

Uyghurlar diyaridiki su menbesining tariyish sür’iti öz nöwitide uyghurlar diyaridiki yene bir möjize bolghan “kariz” yollirining su miqdarigha zor derijide tesir qiliwatqanliqi melum. Bu bolsa karizni asasliq su menbesi qilidighan rayonlarning ichimlik su we yéza igilik sughirish ishlirigha éghir passip aqiwetlerni élip kelmekte iken. Eziz

AP Exclusive: China’s Uighurs work to fend off pull of jihad

800

KAYSERI, Turkey (AP) — Iminjin Qari felt upbeat as he drove to Istanbul’s airport with three empty buses and a simple task: pick up about 200 fellow Uighurs who had fled China for asylum in Turkey — and escort them to safety.

Qari, a Uighur emigre and community worker, planned to take the newcomers back to the city of Kayseri, where the Turkish government had set aside empty apartments for their resettlement. As he approached the terminal, his heart sank. About 20 burly Uighurs were already there, greeting the refugees as they trickled out. They were recruiters for Islamic militant groups.

“Just come with us,” the men said. “It’s all arranged: housing, money, everything.”

Qari could only watch as the new arrivals — men, women and children — wrangled their possessions into vans and headed toward the paradise they had been promised: Syria.

As Uighurs flee a Chinese security crackdown in droves, they often end up caught in a tug-of-war between militant Uighur members of Syria-based Islamic groups and moderate leaders of the Uighur diaspora who plead with them to reject calls of jihad.

Extensive Associated Press interviews detail the daily battle some Uighur activists are fighting against the radicalization of their people, members of a Muslim ethnic minority who live in China under heavy surveillance and the constant fear of arrest . In Turkey, religious extremism has peeled away young Uighur men and entire families from Istanbul’s immigrant neighborhoods, from gritty central Anatolian suburbs — sometimes from right outside the airport.

The war in Syria has thrust an ethnic minority from the far reaches of China into the center of the global jihadi movement. Several thousand Uighur men, women and children are estimated to have crossed the border to join the Turkistan Islamic Party (TIP), an ethnic Uighur militia allied with al-Qaida on the front lines of the fighting .

“We are losing the deradicalization battle,” said Seyit Tumturk, a Uighur activist, said in a recent interview in Kayseri. “Why? Because we cannot convince our people that hope and human rights exists in the world.”

Around the time Qari watched the jihadi recruiters whisk Uighurs from the airport in 2015, the TIP announced a string of suicide attacks in Syria. That September, Uighurs bombed a downtown Bangkok shrine filled with tourists. Last year, the head of al-Qaida began denouncing China as “atheist occupiers” and courted Uighur fighters in recruitment videos.

The spread of extremism has alarmed many exiled Uighur leaders, who condemn violence and say it will lead their people’s ruin. But they’re confronted by a young generation who see no future under one of the world’s most powerful authoritarian governments and feel ignored by the rest of the world.

The Uighurs are wrestling over decades-old questions: Do we seek freedom with peace or violence? Is our path forward secular or Islamist?

Who will help us face the might of the People’s Republic of China?

___

A GLIMPSE OF FREEDOM

On the outskirts of Kayseri in central Anatolia, the parched, rock-strewn hills resemble the southern swathes of the Uighur homeland in western China, but a fenced compound of five-story concrete towers represents Tumturk’s vision of Uighur freedom — and everything China is not.

In a classroom next to a basketball court, young Uighur boys take Quranic lessons that are forbidden for children in China. Girls in a separate building are taught by women wearing conservative niqab face veils banned back home. Uighur, a Turkic language often written in a modified Arabic script, is freely taught here at a time when Chinese schools in Xinjiang are increasingly enforcing Mandarin-only education.

“Here is a place where they can practice their religion, where kids are going to school, where they have a home. This is our triumph,” said Tumturk, the son of a Uighur village chief who first led a group of exiles out of China on foot in 1954 and settled in Kayseri. The local government handed him the keys to a deserted apartment compound once occupied by police cadets.

Uighurs have fled China through a perilous underground railroad, crossing several Southeast Asian countries and landing in Turkey in search of basic freedoms like the ones offered by the community in Kayseri for years. Many say Chinese police checkpoints, frequent home raids, secret detentions and curbs on religion have made life increasingly unbearable.

Others say propaganda by overseas militant groups beckoned Uighurs to Syria to train with weapons and liberate the resource-rich expanse the size of Iran that’s marked on maps by the Chinese name — Xinjiang — but Uighurs call East Turkistan.

In Turkey, Tumturk works with Qari, a gregarious 35-year-old, who serves as imam, traditional herbal doctor, and building supervisor to the Uighur community that now numbers more than 2,000.

When Qari leads Friday prayers, he throws in cautionary tales about Uighurs who went to Syria but couldn’t come back. There was the rich Uighur who couldn’t leave the Turkistan Islamic Party until his family handed over his luxury car as ransom. There was a group of 10 Uighurs who tried to quit the Islamic State last year — but were caught fleeing and executed.

The stories, Qari admitted, “don’t do enough.”

Nearly all the residents AP spoke to know someone who decided to cross the porous border. They spoke on condition of anonymity or gave one name for fear of retribution against their families in China,

Tumturk says keeping people from leaving is an uphill battle. “We promise that you’ll have a voice as a Uighur here, that you’ll be a free man. But that’s not as attractive if they promise you money, a house. They say paradise is right in front of you, in Syria.”

___

HISTORY REPEATS ITSELF

For Uighurs of a certain generation, a disastrous history is replaying before their eyes.

Adil Abdulghupur, a scruffy self-trained poet and religious scholar in Istanbul, saw his Uighur friends, acquaintances and former jail mates cross the Wakhan Corridor into Afghanistan in the ’80s hoping to find allies for Xinjiang’s liberation. In frequent lectures to younger Uighurs, he recalls how they pledged allegiance to anti-Soviet mujahideen and later the Taliban and al-Qaida but accomplished little except give the Chinese government reason to crack down on Uighurs.

“Because of terror organizations, Afghanistan is destroyed completely,” says Adil, a bearded 50-year-old who speaks with the moral authority of a man who spent 14 years in Chinese prison for publishing criticisms of the Communist Party.

Western analysts say it’s unclear whether overseas groups provide direct aid or support to Uighur militants inside China. Uighur assailants have in recent years hacked dozens of civilians to death at a busy train station in Kunming, driven a speeding vehicle into Tiananmen Square and set off crude explosives outside government buildings and markets. Chinese authorities have responded with a show of overwhelming force in Xinjiang.

“Do you want our homeland to become a second Afghanistan?” Adil says. “You’re being used as pawns and mercenaries to die for someone else.”

___

WEDDING CRASHERS

The effort to steer Uighur arrivals away from Syrian militants sometimes calls for creativity. Adil cuts a ubiquitous, shuffling presence in Istanbul along with Sabir Damolla, a straight-talking former importer who runs an afterschool center that doubles as an occasional soup kitchen.

They form a duo of sorts in Sefakoy, a grid of narrow streets next to Istanbul’s airport — lecturing at mosques, crashing weddings and funerals to give speeches and appearing on Istiqlal Media, a Uighur-language television station.

Their message is singular: Stay away from Syria.

Whenever Uighur refugee families, often poorly educated or illiterate, arrive in Istanbul, Adil and Damolla sit with them to explain what’s happening in Syria. By Damolla’s count, they’ve talked 400 people out of going to Syria and convinced dozens to come back. They personally know at least 30 who died on the battlefield.

Adil and Damolla can spot the Uighur jihadi recruiters swaggering in the streets in camouflage pants and Adidas sneakers, but they know they’re also watched.

“It’s like a bazaar,” Adil says. “We’re selling our ideas and they’re selling theirs.”

Because of his speeches around the neighborhood, Adil has been pushed around by muscle-bound young Islamic militants outside mosques and intimidated. He received a death threat by phone after he ridiculed an influential young Saudi cleric in Syria who has called on Uighurs to join the jihad.

Last year, local Uighurs pooled money together to help Adil rent 18 apartments in Sefakoy for several dozen families who regretted going to Syria and wanted to return.

Trouble soon came knocking. He explained to a group of threatening young Uighurs who showed up that some fighters had wanted to return. He held firm.

“These men in Syria will ruin our image, they’ll ruin everything,” Adil said. “The Chinese government through their media and diplomats try to show that Uighurs are terrorists, and, in that sense, the Chinese are winning.”

___

HOPE AND DESPAIR IN TURKEY

Even in the relative sanctuary of Turkey, Uighurs say they are isolated economically and engulfed by murky political currents.

In recent months, after Turkey reached agreements with China to crack down on militant activity, the jihadi recruiters have faded from view somewhat. Turkey has strengthened security on the border, making it harder to move back and forth, Uighurs say.

While Turkey has welcomed Uighur refugees, the bureaucracy churns against them after they arrive. Uighurs are considered stateless under Turkish law, unlike refugees from Syria or Iraq, and often unable to receive work permits, health insurance, or schooling for their children.

In the Uighur refugee compound in Kayseri, stories of poverty and despair abound. Men work — if they’re lucky — in local furniture factories and restaurants for about 1000 to 1,500 Turkish lira a month (roughly $300 to $440), far less than what a Turk would legally make and barely enough to survive. A 53-year-old woman told a reporter she was dying without health care, unable to pay $650 a month to treat her lymph disease.

In the abandoned apartments occupied by Uighurs, where hallway windows were shattered long ago but floors are swept clean, Fatima, 29, raises 3 children on flour, rice and vegetables. They haven’t had meat since May, when her husband was taken away by police. She says his arrest had nothing to do with militant groups — but like many cases here, the details are opaque.

In private moments, Fatima has wondered if the journey out of China was worth it. She recently explained to her 11-year-old daughter in seventh grade that because she was not officially a refugee, she didn’t receive certificates from school despite outperforming all of her classmates.

When her girl asked why they fled China to still live as second-class citizens in Turkey, she put on a brave face. “Turkey will protect our freedom and our religion,” she said. “This life is better.”

The day jihadi recruiters whisked away 170 Uighurs arriving from Thailand, the community worker Qari protested to airport police. They shrugged and responded that the Uighurs were free to leave with friends and relatives of their choosing. Qari, after all, had no way to prove that he acted in their best interests.

As he rode back in his near-empty bus, past the dry, rocky hills, he wept.

“We Uighurs are worth nothing to the world,” he thought to himself. “In China, we die. In Syria, we still die. We live without a name, and we die without a trace.”

___

Follow Gerry Shih at www.twitter.com/@gerryshih

https://www.apnews.com/36513540608242c099580da79c6c2666/AP-Exclusive:-China’s-Uighurs-grapple-with-pull-of-extremism

Xitay, Pakistan we Afghanistan Bilen Uyghurlar Diyarida Térrorluqqa Qarshi Hemkarlashmaqchi

16299298_149287675574223_7678686734542577224_n

Seyshenbe küni  afghanistan, pakistan we xitay tashqi ishlar ministirliri béyjingdiki birleshme yighinda bu üch döletning uyghurlar diyaridiki bolghusi “térrorluq tehditlirige qarshi zich hemkarliqta bolushi” gha kélishken.

Firansiye  agéntliqining 26-dékabirdiki xewirige qarighanda, bu qétimliq yighinning chaqirilishi xitay ghayet zor meblegh sélip ijra qiliwatqan “bir belwagh bir yol qurulushi” bilen zich munasiwetlik iken. Chünki xitay da’iriliri herqachan uyghurlarning “zorluq heriketliri” sewebidin mezkur qurulushning birer kütülmigen zexmige uchrishidin wayim yep kelmekte iken. Bolupmu xitay hökümiti uyghur qoralliqlirining afghanistan we pakistanni özlirige baza qiliwélishidin bekmu ensireydiken.

“hindistan waqti” gézitining bu heqtiki xewirige qarighanda afghanistan tashqi ishlar ministiri salahidin rabbani bu heqte söz qilip: “biz herqandaq shekildiki térrorluq pa’aliyetlirige, jümlidin ‘sherqiy türkistan islam herikiti’ ning herqandaq pa’aliyitige ortaq qarshi turushqa kélishtuq” dégen.

Emma roytérsning 26-dékabirdiki alaqidar xewerliride éytilishiche, nöwette xitay hökümiti 57 milyard amérika dolliri meblegh salghan “xitay pakistan iqtisadiy karidori qurulushi” ni afghanistan’ghimu kéngeytish heqqide jiddiy söhbetler bolmaqta iken. Analizchilar xitay, pakistan we afghanistanning bu qétimqi térrorluqqa qarshi hemkarliq kélishimini ashu iqtisadiy hemkarliqning netijisi, dep körsetken.eziz

Merhum Abdulhekimxan Mexsum Wapatining Bir Yilliqini Xatirilesh Murasimi Ötküzüldi

Merhum abdulhekimxan mexsum wapatining bir yilliqini xatirilesh murasimidin körünüsh. 2017-Yili 22-dékabir, türkiye.

Merhum abdulhekimxan mexsum wapatining bir yilliqini xatirilesh murasimidin körünüsh. 2017-Yili 22-dékabir, türkiye.

 RFA/Arslan

Merdum diniy alim we ijtima’iy pa’aliyetchi abdulhekimxan mexsum wapatining bir yilliqi munasiwiti bilen istanbulda xatirilesh murasimi ötküzüldi.

Merhum abdulhekimxan mexsum sherqiy türkistan ma’arip we hemkarliq jem’iyiti, sherqiy türkistan ölimalar birliki qatarliq muhajirettiki uyghur jem’iyetlirining qurulushida asasliq rol oynighan shexs idi. Merhumning wapatining bir yilliqi munasiwiti bilen 22-dikabér küni istanbulda “ustazgha wapa kéchisi” dégen namda xatirilesh murasimi ötküzüldi.

Murasim sherqiy türkistan ma’arip we hemkarliq jem’iyiti teripidin uyushturuldi. Murasimgha merhumning yéqin dost-yarenliri, yurt chongliri, we türkiyediki sherqiy türkistan ammiwi teshkilatlarning rehberliri, merhumning sepdashliri we oqughuchiliri shundaqla muhajirlar bolup köp sandiki jama’et qatnashti.

Murasimgha sherqiy türkistan ma’arip we hemkarliq jem’iyitining bash katipi abdul’ehet abduraxman riyasetchilik qildi. Murasim “qur’an” tilawet qilish bilen bashlandi. Murasimda merhum abdulhekimxan mexsum hajim toghrisida teyyarlan’ghan höjjetlik filim körsitildi.Arqidin sherqiy türkistan ma’arip we hemkarliq jem’iyitining re’isi hidayetullah oghuzxan söz qilip, merhumning hayatidiki ish izliri toghrisida toxtaldi. Hidayetullah oghuzxan sözide merhumning bir ümidwar kishi ikenlikini, héch qachan ümidsizlinip baqmighanliqini, özini we bashqilarni her da’im ümidlik bolushqa ündeydighanliqini eslep ötti.

Murasimda oqughuchilar merhumgha atap yézilghan bir qanche parche mersiyelerni oqup ötti. Kéyin her qaysiy jem’iyetlerning re’isliri söz qilip, merhumning hayati we ish-izliri toghrisida toxtaldi we merhumni eslep ötti.

Murasimda yene dunya uyghur qurultiyining mu’awin re’isi erkin ekrem, sherqiy türkistan ölimalar birlikining re’isi doktor atawullah shehyari, ihya fondining re’isi yüsüf ujalan, yawro-asya türk jem’iyetler fédératsiyesining re’isi isma’il chin’giz, eysa yüsüp aliptékin wexpining bashliqi ömer qul, yawropa sherqiy türkistan ma’arip jem’iyitining bash katipi eysa sawut, shiwétsiye uyghur ma’arip jem’iyitining mu’awin re’isi exmet tursun, finlandiye uyghur islam merkizining re’isi memet’éli qarim, se’udi erebistandin kelgen zhurnalist we tetqiqatchi sirajidin ezizi, dini ustaz hebibullah küseni, sutuq bughraxan wexpining mes’ulliridin ramizan chamlicha, türkiyening sabiq parlamént ezasi, proféssor jalal erbay qatarliqlar söz qildi. Ular, merhum abdulhekimxan mexsum hajimning hayati we ish izliri toghrisida toxtilip, uning uyghur xelqining hörriyiti üchün élip barghan xizmetlirige yuqiri baha berdi.

Proféssor jalal erbay, merhum abdulhekimxan mexsum toghrisida toxtilip, merhumning tikken küchetlirining haman bir küni ösüp yétilip, méwe béridighanliqigha ishinidighanliqini bildürdi.

Murasimda söz qilghuchilar birdek, birlik-barawerlik we ittipaqlishishning bügünki künde hemmidin muhimliqini tekitlidi. Axirida mexmutjan damollamning qol kötürüshi bilen merhumning rohigha du’a oquldi. Sherqiy türkistanning hörlüki üchün du’a telep qilindi. Arislan

Amérika Birleshme Agéntliqi:Xitaygha Bolghan Naraziliq Uyghurlarni Süriye Urushigha Bashlap Kirdi- 1

Uyghur rayonida, térrorizmgha qarshi qesemyad bergen saqchi we herbiylerdin terkib tapqan 10 ming xitay qoralliq küchlirining bir qismi. 2017-Yili 27-féwral, xoten.

Uyghur rayonida, térrorizmgha qarshi qesemyad bergen saqchi we herbiylerdin terkib tapqan 10 ming xitay qoralliq küchlirining bir qismi. 2017-Yili 27-féwral, xoten.

 AFP

Yéqindin buyan amérikining nopuzluq axbarat wasitiliride uyghur éli shundaqla uyghurlarning weziyiti heqqide nahayiti muhim maqaliler élan qilin’ghan idi. Ene shundaq maqalilerning biri 22-dékabir küni amérika birleshme agéntliqi teripidin élan qilindi. Süriyediki qoralliq guruppilar bilen birlikte heriket qiliwatqan bir qisim uyghurlarni ziyaret qilish netijiside élan qilin’ghan bu maqalide, bu uyghurlarning süriyege bérishtiki sewebliri tepsiliy yorutup bérilgen.

Amérika birleshme agéntliqi muxbiri gérriy shéx yéqinda uyghur élini ziyaret qilip, u yerdiki chékidin ashqan bixeterlik we teqib sistémiliri hem shundaqla “yépiq terbiyilesh merkezliri” heqqide tepsiliy uchur bergen idi. U uyghurlar heqqidiki ikkinchi parche xewirini süriyede urushqa qatnashqan bir qisim uyghur qoralliqlirigha béghishlighan bolup, uning bu maqalisi élan qilin’ghandin kéyin küchlük inkas qozghidi. Amérikadiki uyghur kishilik hoquq qurulushi bashliqi ömer qanat ependi bügün radiyomizgha qilghan sözide, “birleshme agéntliqining bu xewiri yillardin béri uyghur teshkilatliri dep kéliwatqanlarning heqiqetlikini testiqlighan boldi”, dédi. Uyghur éli weziyitini közitip kéliwatqan nurghun chet’ellik közetküchiler bu maqalini tiwittérda hembehirlidi we bir éghizdin bu xewer maqalisini bu heqte tunji qétim nahayiti etrapliq, toluq yézilghan bir maqale dep bahalidi. Biz töwende gérriy shéxning “xitaygha bolghan naraziliq uyghurlarni süriye urushigha bashlap kirdi” mawzuluq maqalisidiki mezmunlarni qisqiche tonushturup ötimiz. Uning maqalisi 2009-yilidiki “5-iyul ürümchi weqesi” de namayishqa qatnashqanliq gumani bilen xitay saqchilirining teqibige uchrighan éli isimlik bir uyghurning hékayisi bilen bashlinidu :

“élining qeshqerdiki öyige saqchilar chüshtin kéyin basturup kirgen idi. Saqchilar pütün öyni axturup uning yataq öyidin qur’an we so’al-soraq heqqidiki ikki parche kitabni tépip chiqqanda uning qorqup ketken ata-anisi qarap turushqa mejbur boldi. Éli özining balagha qalghanliqini hés qilghan idi. Shu küni kéche saqchilar élini derexke baghlap qoyup, uni ‏5-iyul ürümchi weqesige qatnashqanliqigha iqrar qildurushqa urundi. Ular élining yüzige tamaka yaqti. Uni uyqusiz qoydi. Uninggha tuzluq su bérip, ussuz qoydi. Pakiz su telep qilghinida bolsa, suni chileklep béshigha tökti. 2009 ‏-Yilidiki ene shu soghuq qish kéchisi élining süriyening shimalidiki lawuldap yéniwatqan urush oti ichide qoligha kalashnikowni élip jihadning qara bayriqi astida, emma qelbide bolsa bir kün wetinidiki xitay hökümranlirigha hujum qilish arzusi bilen urushqa qatnishishigha sewebchi boldi. 2013 ‏-Yilidin béri minglighan uyghur süriyege bérip türkistan islam partiyesi qarmiqida terbiyelinip, el-qa’ide bilen bir septe turup urushqa qatnashti we belgilik xizmet körsetti. Süriye prézidénti besher esedning qisimliri 6 yil dawam qilip netijiliney dep qalghan urush dawamida mana bu uyghur qoralliqliri bilen küresh qildi. Emma süriye urushining ayaqlishishi démek belkim xitayning eng chong qayghusining bashlinishi démek bolushi mumkin”

Muxbir maqaliside éli bilen ötküzgen söhbiti heqqide yene mundaq dep yazidu :

“a’ilisining xitay hökümitining ziyankeshlik qilishigha uchrimasliqi üchün özining familisini dep bérishni ret qilghan éli manga ‘biz u yerde urush qandaq boldi, esed dégen kim dégenler bilen karimiz bolmidi. Bizning niyitimiz peqetla qoral tutushni öginip, xitaygha qaytish idi’ dédi”.

Aptor birleshme agéntliqi teripidin élan qilghan maqaliside uyghur élide bir qanche qétim zorawanliq térrorluq tüsini alghan we asasliq saqchi organlirini nishan qilghan bezi heriketlerning yüz bergenlikini, xitay hökümitining bu heriketlerni xitay hökümitige bolghan naraziliqtin emes, eksiche uning xelq’ara jihadchiliqqa munasiwetliklikini ilgiri sürgenlikini, jümlidin uyghurlarning méngisining jihadchiliq bilen yuyulghanliqini ilgiri sürüp kelgenlikini bayan qilghan we maqalisini yene töwendikidek dawamlashturghan :

“bizning birleshme agéntliqimizning xitaydin chiqip süriyede terbiyelinip urushqa qatnashqan 9 neper uyghur bilen ötküzgen söhbetlirimiz dawamida bu uyghurlarning qandaqtur süriyede jihad chaqiriqigha awaz qoshup urush qiliwatqan bashqa qoralliqlar bilen anche oxshap ketmeydighanliqi namayan boldi. Ular arisida ayali we baliliri bilen süriyege kelgen bir saqchi mu’ellimi bar idi. El-qa’ide qatarida urush qiliwatqan bilen radikal islam idiyesini qarshi almaydighan bir déhqan bar idi. 5 Waq namazni toluq oquydighan we kéchide bashqilar bilen olturup yehudiylarning dölet qurush tarixini öginidighan bir dukandar we shundaqla 30 yashlardiki, nahayiti siliq-sipaye gep qilidighan, yashighusiz halgha kep qalghan yurtidin ayrilghanda özining 35 géktarliq étizining nérisini bilmeydighan, bashlan’ghuch mektep sewiyisidiki éli bar idi. U özining istanbuldiki öyide eyni chaghni eslep turup özining xitay saqchisidin zulum körgende ‘men haman bir küni öchümni alimen’ dep qesem qilghanliqini éytti”.

Muxbir maqalisi dawamida élining béshigha kelgenlerni misal qilip turup, 2009 ‏-yilidiki “ürümchi weqesi” din kéyin nurghun uyghurlarning tutqun qilin’ghanliqi, rayonda yürgüzülgen qattiq bixeterlik tedbirlirining kéyinki bir yil dawamida yenimu küchiyip, hetta nurghun uyghur ziyaliyliriningmu tutqun qiliniwatqanliqi heqqide melumatlar barliqini, qisqisi, ichkiri ölkilerde méhmanxanighimu chüshelmeydighan uyghurlarning axiri bérip chetke chiqip kétishtin bashqa charisi qalmighanliqini bayan qilghan. Muxbir xewiride, u türkiyede sözleshken, yeni ilgiri süriyege bérip urushqa qatnashqan bu uyghurlarning hemmisining peqet xitay hökümitining zulumigha uchrighanliqi üchün axiri bérip süriyede qoligha qoral élishqa mejbur bolghan kishiler ikenlikini eskertken. Muxbir xewiride amérikidiki jorj washin’gton uniwérsitétining oqutquchisi, doktor shan robértsning mulahizisige yer bergen bolup, shan robérts xitay hökümitining uzundin béri uyghurlarni yoq yerdin qoralliq urush qozghash xewpi mewjut dep eyiblep kelgenlikini, 2009 ‏-yilidiki basturushtin kéyin bolsa ehwal özgirip mana emdilikte xitay hökümiti üchün “tilep tapqandekla” bir weziyet shekillen’genlikini éytqan.

Derweqe, xitay hökümiti uyghur élide yürgüzüwatqan qattiq qolluq siyasetliri nurghun xelq’ara kishilik hoquq organlirining tenqid qilishigha uchrighan. Kishilik hoquq organliri we nurghun mutexessiler xitay hökümiti bundaq qattiq bésim siyasetlirini ayaghlashturmighan teqdirde buning uyghurlarni axiri bérip heqiqeten zorawanliq yolini tallashqa mejburlaydighanliqini agahlandurghan idi. Emma gérmaniyediki “yawropa medeniyiti we ilahiyetshunasliq instituti” ning oqutquchisi doktor adriyan zénz radiyomizgha qilghan sözide, uyghur élidiki hazirqi siyasetlerdin narazi boluwatqan xitay nopusiningmu xitay hökümiti üchün bir tehdit bolup shekillinishi mumkinlikidek bir köz qarashni otturigha qoydi. U mundaq dédi: “2009‏-yilidiki ürümchi weqesidin kéyin rayondiki xitaylar bixeterlik tedbirliri yéterlik bolmidi, dep shikayet qilip hökümettin narazi bolghan idi. Shuning bilen rayonda qattiq bixeterlik tedbirliri élindi. Buninggha elwette xosh bolghan xitaylar bar. Emma chén chüen’go kelgendin kéyinki élin’ghan tedbirler bekla chékidin éship ketti. Menche bu nahayiti zor xewp. Buninggha nisbeten rayondiki xitaylardimu oxshimighan pikirler bar. Hazir shinjangdiki xitay nopusining köplükini nezerde tutqanda ularning buninggha qayturidighan naraziliq inkasinimu xitay hökümiti üchün zor xewp hasil qilalaydu, déyishke bolidu”.

Birleshme agéntliqi muxbiri maqalisi dawamida nurghun uyghurlarning 2009 ‏-yilidin kéyinki qattiq basturush siyasetliri tüpeylidin öz yurtlirini tashlap chiqip kétishke mejbur bolghanliqi we axiri bir amallar bilen türkiyege kelgendin kéyin qandaq bolup süriyege bérip qalghanliqini élining hikaysi’i arqiliq bayan qilghan. “élining süriyege bérip qélish sewebi birleshme agéntliqimiz türkiyede sözleshken bashqa uyghurlarningki bilen oxshash. Yeni ularmu qoralliq guruppilargha xitay hökümitige bolghan öchmenliki we musteqil bir uyghur döliti qurush arzusi bilen qatnashqan iken. Ularning köpinchisining bashqa döletlerdikidek jihadni meqset qilghan siyasiy islamdin xewiri yoq iken. Ularning héchqaysisi xitayning ichide bu qoralliq guruppilargha adem qobul qilidighanlar bilen tonushmighan iken.”

Biz kéyinki anglitishimizda bu maqale heqqide silerge dawamliq melumat bérimiz.

 Irade