Istanbulda Uyghur Muhajirlar Mesilisige Ait Yighin Échildi

Istanbulda uyghur muhajirlar toghrisida échilghan yighindin bir xatire. 2017-Yili 30-Noyabir.

Istanbulda uyghur muhajirlar toghrisida échilghan yighindin bir xatire. 2017-Yili 30-Noyabir.

 RFA/Arslan

28-Noyabir küni türkiye ichki ishlar ministirliqining uyushturushi we türkiye köchmenler ishliri idarisining bashliqi abdulla ayaz ependining teklipi bilen istanbulda yashawatqan uyghur, özbék, türkmen, süriye we iraq türklirining mesililiri toghrisida bir yighin ötküzüldi.

Bu yighingha türkiy milletler jemiyetlirining reisliri we yaki wekilliri teklip bilen qatnashti. Istanbul köchmenler ishliri idarisining bashliqi hüseyin elgörmush ependining sahibxaniliqida échilghan yighingha uyghurlargha wakaliten sherqiy türkistan maarip we hemkarliq jemiyitining reisi hidayetulla oghuzxan we yawro-Asiya türk jemiyetler fédératsiyesining reisi ismail chingiz qatarliqlar teklip bilen qatnashti.

Yighinda oxshimighan waqitlarda uyghur élidin malayshiya we tayland arqiliq türkiyege kélip panahlanghan uyghur muhajirlar, süriye we iraq türkmenliri, kerkök we muwsuldin qéchip kelgen türkmenler, afghanistandin kelgen özbékler qatarliq musapirlarning mesililiri toghrisida muzakire élip bérildi.

Biz bu yighinda uyghurlar heqqide qandaq mesililerning otturigha qoyulghanliqini bilish üchün sherqiy türkistan maarip we hemkarliq jemiyitining reisi hidayetulla oghuzxan we yawro-Asiya türk jemiyetliri fédératsiyesining reisi ismail chingiz bilen söhbet élip barduq.

Yawro-Asiya türk jemiyetler fédératsiyesining reisi ismail chingiz bu yighinning ehmiyiti toghrisida toxtilip mundaq dédi: «bu nahayiti ehmiyetke ige bir yighin boldi. Chünki tunji qétim ammiwi teshkilatlar bilen döletning resmiy erbabliri bir yerge jem bolup, türkiyediki köchmenler mesilisi heqqide muzakire élip bardi. Yighinda köchmen musapirlar mesilisini hel qilish üchün munasiwetlik dairiler we mesullarning insanperwerlik nuqtisidin tirishchanliq körsitishi tekitlendi. Yighin muzakirisidiki yene bir muhim nuqta shuki, türkiyedin panahliq telep qilghan we yaki xelqaraliq organlardin panahliq iltimasi qobul bolghan her qandaq bir qérindash millet kishiliri, xususen héch bir uyghur, héch bir sherqiy türkistanliqning xitaygha qayturulmaydighanliqigha kapalet bérilish telep qilindi.»

Bu yighinda türkiyede yashawatqan uyghurlarning iqamet élishi, iqamet alghanlarning xizmet qilishigha ruxset bérilishi, doxturxanida heqsiz dawalinishi, iqamiti yoq aililerning perzentliriningmu mekteplerge qobul qilinishi, xususen uyghur musapirlar duch kéliwatqan qiyinchiliqlar otturigha qoyulup, jemiy 12 türlük mesilining hel bolushi telep qilindi.

Ismail chingiz we hidayetulla oghuzxanning bildürüshiche, yighinda yene iqametke iltimas qilghuchi uyghurlardin türk puqraliqidiki bir kishining képil bolush shertini bikar qilish, ösmürler iqamet üchün iltimas qilghanda ata-Anisining testiqini telep qilmasliq, iqametke iltimas qilghuchilarning iltimasi téz sürette testiqlinip chiqish, insanperwerlik türdiki mudditi 1 yilliq iqametlerning ornigha omumyüzlük uzun muddetlik yaki muddetsiz iqamet bérish qatarliq telepler muzakirige qoyulghan.

Yighinda yene tayland we malayshiya arqiliq türkiyege kelgen musapirlarning pasport we yaki shuninggha oxshash kimlik belgiliri bolmighan we yaki yoqap ketkenlergimu iqamet bérish telep qilinghan. Bu heqte hidayetulla oghuzxan mundaq dédi: «tayland we yaki malayshiya arqiliq türkiyege kirishte ayrodromda alghan sayahet pasporti yoqap ketkenlerningmu iqamet iltimasini qobul qilish, iqametke iltimas qilghuchilarning perzentliri üchün testiqlanghan tughut ispatini telep qilish shertini bikar qilish, qolida héch qandaq kimlik yaki qanuniy höjjiti bolmighanlarningmu iqamet iltimasi qobul bolush, köchmenler ishliri idarisi teripidin toxtitip qoyulghan uyghurlarni qoyup bérish, jinayi pakiti éniq bolmighan uyghurlarni qalaymiqan tutqun qilmasliq, 2017-Yili 1-Yanwardin burun we yaki kéyin türkiyege kirgenlerning hemmisige iqamet bérish telep qilindi.»

Ismail chingiz ependi bu yighinni xulasilep mundaq dédi: «netije étibari bilen bu yighinda otturigha qoyghan muhim mesililerdin shuki ipadileymenki, sherqiy türkistan, afghanistan, süriye we iraqtin türkiyege kélip panahlanghan qandash milletler, türkistanliq qérindashlirimizning köpinchisi, zulum, bésim we ichki urushqa duch kelgenliki sewebidin yurtlirini terk étip türkiyege kelgenlikini anglattuq bu qérindashlirimizning ijtimaiy yashash muhitigha maslishishi, xususen yashlarni terbiyilep jemiyetke yaramliq adem qilip yétishtürüsh, kespiy sahelerde kurslarda oqutup kesiplishishi üchün ijra qilidighan pilan-Layihelerni munasiwetlik idare-Organlarning qollap-Quwwetlishi kéreklikini bildürduq.»

Hidayetulla oghuzxanning bildürüshiche türkiye köchmenler ishliri idarisining bashliqi bu mesililerge jiddiy qaraydighanliqini, özining qolidin kélidighan mesililerni hel qilidighanliqini, bezi mesililerni yuqirigha telep shekilde sunidighanliqini bildürgen.

Ismail chingiz ependining bildürüshiche, u ötken peyshenbe küni enqerede türkiye ichki ishlar ministiri sulayman soylu ependi bilen uchriship, köchmen-Musapirlar mesilisini otturigha qoyghandin kéyin bu qétim istanbulda mexsus köchmenler mesilisini hel qilish üchün bu yighinning uyushturulghanliqini bildürdi.Arislan

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: