Gérmaniye Kishilik Hoquq Teshkilati Gérmaniyeni Ilham Toxtining Qoyup Bérilishige Küch Chiqirishqa Chaqirdi

csm_Uiguren_Aktion_3d4209590c

Bash shtabi gérmaniyediki «tehdit astidiki milletler teshkilati» peyshenbe küni bayanat élan qilip, gérmaniye hökümitini xitay türmisidiki ataqliq uyghur ziyaliysi ilham toxtining qoyup bérilishige küch chiqirishqa chaqirghan.

Mezkur bayanat 10‏-Dékabir gérmaniyening wéymar shehiride ötküzülidighan 2017‏-Yilliq «wéymar kishilik hoquq mukapati» ni tarqitish murasimi harpisida élan qilinghan. Ilham toxti bu yil 7‏-Ayda mezkur mukapatqa nail bolghan idi.

«Tehdit astidiki milletler teshkilati» bayanatida, gérmaniye hökümitining ilham toxtini qutquzush mesuliyiti barliqini eskertip, «biz bu pidakar kishilik hoquq paaliyetchisining untulup kétilishige yol qoymasliqimiz kérek. Gérmaniye hökümitining uni untup qalmasliqini, uning türmidiki sharaitining yaxshilinishi we qoyup bérilishige küch chiqirishini ötünimiz,» dégen.

Mezkur teshkilatning reisi ulrix déliyusning qeyt qilishiche, ilham toxti noqul kishilik hoquq paaliyetchisi bolupla qalmay, u yene köp milletlik xitaydiki milletler mesililirini hel qilish charisige wekillik qilidiken. Ulrix déliyus bu sözlerni bügün «gérmaniye dolqunliri» radiyosining ilham toxti heqqidiki mexsus ziyaritini qobul qilghanda tekitligen. Uning qeyt qilishiche, ilham toxtining uyghurlar bilen xitaylarni öz ara dialog élip bérishqa chaqirishi xitay dailirini endishige salghan. U, «eger dairiler uning sözige qulaq salghan bolsa, uyghur diyaridiki mesililer zor derijide azayghan bolatti,» dep tekitligen.

«Tehdit astidiki milletler teshkilati» bayanatida yene wéymar shehirige bolghan qayiqlliqini bildürüp, «biz xitay xelq jumhuriyitining qattiq naraziliq bildürüshige qarimay, wéymar shehirining bu yilliq kishilik hoquq mukapatini uyghur kishilik hoquq paaliyetchisige bérishi bizni qayil qildi,» dégen. Wéymar shehiri bu yil 7‏-Ayda «wéymar kishilik hoquq mukapati» ning ilham toxtigha bérilgenlikini élan qilghanda xitayning gérmnaiyediki elchixanisi qattiq naraziliq bildürgen idi.

 Erkin

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: