Uyghur Paaliyetchiler: Erkinlik Mukapatining Uyghurgha Bérilishi, Milliy Dawaning Étirap Qilinghanliqidur!

Xitay türmisidiki uyghur ziyaliysi ilham toxtigha xelqara libérallar birleshmisining 2017-Yilliq «erkinlik mukapati» ni bérish murasimidin körünüsh. 2017-Yili 30-Noyabir, gollandiye.

Xitay türmisidiki uyghur ziyaliysi ilham toxtigha xelqara libérallar birleshmisining 2017-Yilliq «erkinlik mukapati» ni bérish murasimidin körünüsh. 2017-Yili 30-Noyabir, gollandiye.

 RFA

Xitay hökümiti menggülük qamaq jazasigha höküm qilip türmige bend qiliwetken uyghur ziyaliysi ilham toxti 30-Noyabir küni xelqara libérallar birleshmisining 2017-Yilliq «erkinlik mukapati»gha érishti. Teklip boyiche bu qétimliq mukapat tarqitish murasimigha qatnashqan bir qisim uyghur paaliyetchiler bu munasiwet bilen ziyaritimizni qobul qildi. Ular bu heqte qilghan sözide ilham toxtigha bérilgen bu qétimqi mukapatning xitay hökümiti qariliwatqan uyghur dawasining heqliq dawa ikenlikini yene bir qétim dunyagha namayan qilidighanliqini tekitlidi.

Ilham toxtining yene bir qétimliq xelqaraliq mukapatqa érishkenliki 30-Noyabir küni gollandiyening denxag (gaaga) shehiridiki xelqara sot mehkimisining zalida daghdughiliq murasim ichide tebriklendi. Mukapat sahibi ilham toxti xitay türmiside bolghanliqi üchün yillardin buyan ilham toxtining hörlüki üchün xelqara sehnilerde toxtawsiz paaliyet qiliwatqan «ilham toxti guruppisi» wakaliten mukapatni tapshuruwaldi.

Bezi sewebler tüpeylidin amérikada oquwatqan jewher ilhammu bu qétimqi mukapat tarqitish murasimigha qatnishalmidi. Emma u özining bu qétimliq yighin üchün teyyarlighan mexsus widyoluq salimini yighin ehlige yollidi hemde ulargha dadisi namidin teshekkür éytidighanliqini bildürdi. Uning yighin ehlige yollighan salimida mundaq jümliler közge chéliqidu: «men jewher ilham. Dadam ilham toxtigha wakaliten bügün bu yerde bolalmighanliqim üchün silerdin özre soraymen. Xelqara libérallar birleshmisining bu yilqi ‹erkinlik mukapati› üchün köp teshekkür éytimen. Silerning bundaq zor derijidiki qollishinglar yalghuz yüreklerni hayajangha chömdürüpla qalmay, yene pütkül uyghur millitining insan heqliri mesililiri üchünmu zor qollash hésablinidu, shuningdek xitaydiki insan heqliri himayichiliri üchünmu shundaq bolidu, dep qaraymen. Xitayning ichi we sirtidiki uyghurlar nöwette xitay hökümitining barghanche éship bériwatqan zulum we parakendichilikige duch kéliwatidu. Halbuki uyghurlargha xelqara jemiyetning diqqiti we yardimi unchilik köp nésip bolmaywatidu. Men bu yilqi ‹erkinlik mukapati› bu ehwalni özgertsiken, dégen ümidtimen. Xelqara libérallar birleshmisining taki dadam hörlükke chiqquche uni dawamliq qollap bérishini ümid qilimen. Köp rehmet!»

«Ilham toxti guruppisi»ning reisi enwerjan bu heqte ziyaritimizni qobul qilip, bu heqte söz qilish toghra kelse yawropa parlaméntining ezasi, bulghariyelik ilxan küchük ependimning ilham toxti mesilisini yawropa parlaméntigha tonushturushta zor roli bolghanliqini alahide tekitleydu. U bu heqte mundaq deydu:
Enwerjanning éytishiche, u bash bolup teshkilligen hemde nöwette reislikini ötewatqan «ilham toxti guruppisi» yawropadiki herqaysi dölet hökümetliri we alaqidar xelqaraliq organlargha ilham toxti mesilisini anglitishta zor tirishchanliq körsitip kelmekte iken. Bu yil ilham toxtigha bérilgen «erkinlik mukapati»mu ene shu xil tirishchanliqlarning méwiliridin biri iken. Derweqe, shuninggha yarisha hazir xelqarada ilham toxtini yalghuz bir shexsning qismiti süpitide emes, belki pütkül uyghur millitining teqdirige misal süpitide chüshinish omumlishiwétiptu.

Dunya uyghur qurultiyining reisi dolqun eysa ilham toxtigha 2017-Yilliq «erkinlik mukapati»ni bérish murasimigha teklip boyiche qatnashqan sherep méhmanlirining biri. U murasim jeryanidiki ehwallarni esligech, yighin ehlining birdek «ilham toxti- Uyghurlarning awazi» dep teripligenlikini alahide tekitlidi.

Enwerjanning pikriche, xitay hökümiti izchil türde öz heq we hoquqliri üchün küresh qilip kelgen insanlarni «térrorchi» dep atap kéliwatqan bolup, shu arqiliq özlirining bu xil insanlargha hujum qilishini yolluq heriket qilip körsitishke urunup kelgen. Bu qétim ilham toxtining yene bir qétim xelqaraliq insan heqliri mukapatigha érishishi mahiyette dunyagha kimning heqiqiy térrorchi ikenlikini yene bir qétim bildürgenlik bolidiken.

D u q ning reisi dolqun eysamu bu jehette enwerjan bilen oxshash qarashta. Uning pikriche, ilham toxtining 2017-Yilliq «erkinlik mukapati»gha érishishi xelqarada yüksiliwatqan uyghur dawasining heq ikenlikini we uning téximu köp kishilerning qollishigha ige bolidighanliqini, shuningdek xelqaraning barghanséri bu dawani étirap qiliwatqanliqini bildüridiken.

Melum bolushiche, ilham toxti kéler hepte gérmaniyening wéymar shehiride yene bir xelqaraliq mukapatqa érishidighan bolup, «ilham toxti guruppisi» nöwette ilham toxtini xelqaradiki yene bir aliy mukapat bolghan «nobél tinchliq mukapati»
Gha namzatliqqa körsitish üchün paaliyetlerde bolmaqta iken.Eziz

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: