Musteqilliq Üchün Ornimizdin Des Turayli!

-Hökümet Bayanati

11097_455386391269258_7584251139139249125_n-1

Xitay mustemlikichil hakimiyitining wetinimiz sherqiy türkistanda yürgüziwatqan talan-tariji we xelqimiz üstidiki zulumi 2017-yili ashkara halda eng yuquri pellige kötürildi. Weten ichidiki qérindashlirimiz erkin nepes élishqimu yol qoyulmaywatqan ehwaldimu yenela özlirining hayatini dogha tikip tajawuzchi küchlerge  qarshi turiwatidu. Özliri apiride bolghan ana tupraqni issiq qanliri arqiliq qoghdawatidu! Weten sirtidiki qérindashlirimiz bolsa xitayning heddidin ashqan zulmigha qarshi her türlük yollar arqiliq xelqimizning hür dunyadiki awazi bolushqa tirishiwatidu we özlirining ghezep-nepritini namyish qilish, konferens oyushturush, bayanat élan qilish we xitayning rezil qilmishini erkin dunyagha pash qilishtin ibaret her xil yol we usullar bilen küresh qiliwatidu.

Xitaylar Sherqiy Türkistanni istila qilip turiwatqan bir millet bolghini bilen, xelqimizni hich waqit öz puqrasidek körüp baqini yaki millitimizge öz xelqidek muamile qilip baqqini yoq! Xitaylar Sherqiy Türkistan xelqini öz xelqim démigendekla, Sherqiy Türkistan Xelqimu Xitay dewlitini özining dewliti, xitay hökümitini özining hükümiti, dep étirap qilmay kelmekte.  Xelqimiz Xitay dewlitini dewlitim, özini xitay puqrasi diyishtin nomus qilidu we yirginidu. Xitay zulimining künsayin éshishigha egiship xelqarada we muhajirettiki wetendashlar arisida Xitaygha bolghan naraziliq ewjige kötürülmekte. Shundaq bir sharayitta beziler heq bilen naheqni ayriyalmay, xitaylar heqqide bizning milliy herkitimizge tetür tesir körsütidighan xatalargha yol achidighan bayanat we imza toplash herkitini qanat yaydurup, millitimizning erkin dunyadiki obrazini xunükleshtürmekte.

Xelqara teshkilatlar, démokrattik eller, insan heqliri we kishlik hoquq teshkilatliri xitaygha qarshi meydanlarda xelqara nizmlar, qanunlar we deplomatik munasiwetlerni nezerge élip Uyghurlarni Xitayliq, Sherqiy Türkistanni Xin Jiang dep yazsa buningha aldirap bir nerse dégili bolmaydu. Emma özini Uyghur yaki Sherqiy Türkistandiki qérindash xeliqlerning biri we yaki ular qurghan jemiyet hemde teshkilatlarning namida bizni Xitayliq, wetinimizni Xitay dep yazsa, bu milliy rohimizgha qilinghan éghir haqarettur. Hazir sotsiyal médiye we gheyri resmiy seyipilerde Uyghurlargha wakaliten ish qiliwatqan shexisler we gorohlarning herqandaq shekilde milliy hésiyatimiz bilen oynushidighan ishlarni qilishigha qettiy süküt qilip turalmaymiz!

Biz Sherqiy Türkistan Jumhuriyiti Sürgündiki Hökümiti bolush süpitimiz bilen Sherqiy Türkistan xelqini we bizge hisdashliq qilidighan qérindash xeliqlerni agahlandurimizki, xitayning mustemlikisi bolmighan hür dünyada, xitay mustemlikisi astida turiwatqan wetinimizni, we milliy namimizni Xitay telepuzida atash qetiy meniy qilinidu! Meyli kim bolsun- hetta Sherqiy Türkistan xelqimu shuning ichide- chet-ellerde Xitay mustemlikesi astidiki wetinimiz we xelqimiz heqqideki her-türlük paaliyetlerde, yéziliwatqan erz-shikayet hemde muraji’etnamilerde sherqiy türkistan milliy herkitining pirinsiplirigha uyghun bolmighan mezmunlarni kirgüzüshke, söz-ibarilerni qolinishqa hergiz bolmaydu.  Herqandaq bir shexis yaki jemiyetler milliy meselilerde yurt katiliri we teshkilatlar bilen hemkarlishishi, öz aldigha bashbashtaqliq qilip heriket qilmasliqi we xitaylarning mustemlikisini qobul qilidighan ish-heriketlerdin uzaq turghini yaxshi.

Hür dunyadiki bir qisim shexis we jemiyetlerni Murajet, bayanat élan qilishta we xitay zulimigha qarshi imza toplashta birdek Sherqiy Türkistanning xitaylarning ishghali astidiki bir tupraq, xelqimizning mustemlike astidiki bir millet ikenlikini, milliy herkitimizning musteqilliq herkiti ikenlikini tekitleshke chaqriq qilimiz. Biz yene bir qisim shexis we jemiyetlerni Xinjang, Xinjangliq, Zhongo garajdani we dewlitimiz Xitay dégendek taqa-tuqa ibarilerni ishletmeslikni aldinala agahlandurimiz! Eger milliy dawa üchün ish qiliwatimen dep astirittin xitaylargha payda bolidighan, chet-ellerdiki obrazimizni zidileydighan we xitayning wetinimizge bolghan mustemlikisini  xelqarada qanunlashturiwélishi üchün bilip-bilmey xizmet qilidighan qilmishlargha qettiy qarshi turimiz! Milliy meselilerge ayit bir ish qilishni könglige pükkenler herqaysi dewletlerdiki jemiyet we teshkilatlar bilen hemkarliq we kingesh ichide bolsa, yoqarqidek xatalardin uzaq turup, weten we milletke téximu éghir ziyan sélishtin saqlinip qalghili bolidu elbette!

Her birimizning musteqilliq rohimiz we sho’arimiz xitay tajawuzchilirini zéminimizdin qoghlap chiqiridighan qolimizdiki küchlük qoralimizdur!

Musteqilliq mepkurisi wetinimizni orap turghan xitay zulmitini yaridighan yoruqluq we hörlük tighidur! Rohimizdiki uzaq muddetlik mustemlikichilik, xitayning asariti qapliwalghan qorqunch we bixutluqni köydürüp kül qiliwétidighan ateshni öchürüp qoymasliqimiz we xelqimizning bu amanitini jan tikip qoghdishimiz lazim!

Xitay hökümiti Sherqiy Türkistan xelqining milliy musteqilliqtin ibaret özining mustemlikichi hakimiyitini bitchit qilidighan ejellik qoraldin ölgüdek qorqidu. Shunglashqa xitaylar xelqimizni bu tigh, bu qoralni qoligha almisun, dep inqilap sépimizni buzup, milliy dawa qoshunimizda ittipaqsizliq peyda qilishqa oriniwatidu. Xitaylar yoshurun halda milliy obrazimizgha hojum qilip, milliy inqilap pirinsipliridin téximu chetneydighan bir qoshun peyda qilish niyitide bolmaqta. Düshmenning meqsidi milliy herkitimizni siyasiy oyunlar arqiliq hangha chüshürüshtin bashqa nerse emes. Biz eziz xelqimizni xitayning  köz boyamchiliqigha aldanmasliqqa, ish qilghanda qismenlikni emes omumluqni nezerde tutup herket qilishqa chaqriymiz.

Sherqiy Türkistan Jumhuriyiti Sürgün Höküméti wetendashlarni özlirining ghezep-nepritini we weten söygüsini ipadiligende, herqandaq waqitta milliy iradini birinchi orunda qoyushqa chaqiridu.  Sherqiy Türkistan Jumhuriyiti Sürgündiki  Höküméti yene pütkül Sherqiy Türkistanliq qérindashlarni ittipaqliship bir niyet, bir meqsette xitay tajawuzchilirini zéminimizdin qoghlap chiqirishqa, zulum astidiki xelqimizni hörlükke érishtürüsh üchün musteqilliq iradisidin hergiz waz kechmeslikke pütün imkanlar bilen musteqilliq üchün ornidin des turushqa chaqiridu!

Sherqiy Türkistan Jumhuriyiti Sürgün Höküméti

-Hökümet bayanatchisi: Nur Muqeddes

09.01.2018 

 

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: