Atalmish Terbiyelesh Lagérida Halidin Ketken Mexet Ömer Doxturxanida Nazaret Astida Dawalanmaqta

Qorallan'ghan yallanma saqchilarning kocha charlap yürgen körünüshi. 2017-Yili 3-noyabir, xoten.

Qorallan’ghan yallanma saqchilarning kocha charlap yürgen körünüshi. 2017-Yili 3-noyabir, xoten.

 AP Photo/Ng Han Guan

Muxbirimizgha qeshqerdiki atalmish “terbiye” liniwatqanlarning ehwali heqqide melumat bergen qeshqer chasa bashqarmisining amanliq mudiri, 2016‏-yili tarqaq hej qilip kelgen yéngisarliq tijaretchi mexet ömerning 2017‏-yili may éyida tutqun qilin’ghanliqi, uning “yépiq terbiyelesh merkizi” diki mezgilide shéker késili qozghilip halidin ketkenliki we qeshqer sheher ichidiki bir doxturxanida amanliq xadimining nazariti astida dawaliniwatqanliqini ashkarilidi. U yene mexet ömerni nazaret qilghuchining özining nöwette qeshqerde amanliq mudiri bolup wezipe ötewatqan 4 oghlidin biri ikenlikini eskertip ötti.

Nöwette uyghur rayonidiki “yépiq terbiyelesh merkezliri” heqqide u yerde solinip yatqan kishiler sanining köplüki, sandiki bu köplük sewebidin tutqunlarning ongda yétishqa mumkin bolmay yan yétip tang atquzuwatqanliqi, tutqunlarning xitay tili we qanun tüzüm derslirini anglighandin bashqa, atalmish “jinayet” liri heqqide so’al-soraq boluwatqanliqi, pushayman bayanati we towiname yézishqa mejburliniwatqanliqi qatarliq bir qisim ichki ehwallar ashkarilan’ghan bolsimu, emma bu “terbiyelesh” ning tutqunlarning rohiy we jismaniy halitige qandaq tesir körsitiwatqanliqi heqqide uchurlar bek köp emes. Qeshqer chasa amanliq mudirining bayan qilishiche, qeshqerdiki “terbiyelesh merkizi” de terbiyeliniwatqan yéngisarliq tijaretchi mexet ömer qeshqer sheher ichidiki bir doxturxanida dawalanmaqta.

Bu yil 55 yashqa kirgen mexet ömer, ötken yili mayda bir qétim tutulup qoyup bérilgen؛ 6‏-ayda ikkinchi qétim tutqunda ayali bilen birlikte qeshqerdiki “terbiyelesh merkezliri” din birige ekétilgen. Melum bolushiche, mexet ömer eslide yéngisar nahiyesidin. Qeshqer sheher ichidiki örük bazirida yel-yémish tijariti bilen shughulliniwatqan mexet ömerning tutulushigha uning 2016-yili tarqaq hej qilip kélishi seweb bolghan.

Xitay da’iriliri her yili hej mezgilide uyghurlargha cheklik san ayrighanliqi üchün bir qisim kishiler özlirining shexsiy tirishchanliqi we zor iqtisadiy chiqimlar bilen xitay terep teshkilligen hej ömekliridin ayrim halda özlirining hej ibaditini ada qilip kéliwatqan idi. Emma xitay da’iriliri aldinqi yildin bashlap nuqtiliq közitilidighan 6 xil kishiler qatarigha tarqaq hej qilghuchilarnimu kirgüzgendin kéyin, ular hej sepiride tartqan chiqim we awarichiliklirining üstige, xitayning teqib-jazaliriningmu zerbisige uchrighan. Melum bolushiche, mexet ömer tarqaq hej qilghanliqi üchün jazaliniwatqan minglarche kishidin biri.

Mezkur amanliq mudirining bayanliridin melum bolushiche, uyghur rayonida mutleq köp sanda kishilerning hayatini qiyinlashturghan we péshkelchilikke yoluqturghan xitayning qattiq zerbe we “yépiq terbiye” heriketliri az sandiki bir türküm kishilerge yéngi ish imkanlirini teminligen. Yuqiriqi amanliq mudirining ikki oghli ikki yilning aldida özige kesipte warisliq qilghan bolsa, bulturqi “terbiyelesh” tin yene ikki oghlimu amanliq xizmitige orunlashqan. Bir a’ilidin besh kishining amanliq xizmiti ishlishige, a’ile bashliqi-chasa amanliq mudirining xitay da’irilirige bolghan sadaqiti türtke bolghan.shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: