Uyghur Yash Gheyur Ghalip Shimaliy Awropa Boks Sehniside Közge Körünüshke Bashlidi

4c45935b-d69b-4f1b-88f5-fd09c9c808af

Norwégiyede yashaydighan uyghur yash bokschi gheyur ghalip özining kespiy jehettiki tirishchanliqi we qolgha keltürgen bir qatar netijiliri bilen shimaliy yawropa boks sehniside közge körünüshke bashlidi.

Yash bokschi gheyur ghalip 2018-yili 6-yanwar küni daniyening olborg shehiride ötküzülgen “wiking boks munasbiqisi”, yeni “déngiz qaraqchisi namliq boks musabiqisi” de netije qazinip kömüsh médalgha érishti.

Shu küni chüshtin kéyin ötküzülgen musabiqide gheyur ghalip birinchi meydandila shiddetlik hujum qozghap, özi bilen teng éghirliqtiki daniyening tejribilik boks mahirini yengdi. Musabiqining dawamlashqan waqti intayin qisqa bolup, gheyur bir minut 47 sékuntqa yetmigen waqit ichide reqibini urup yiqitti. Meydan güldüras alqish sadalirigha chömdi.

Bokschi gheyur ghalipning 2016-yilidin buyan skandinawiye elleride ötküzülgen boks musabiqiliride arqa-arqidin netije qazinishi muhajirettiki uyghur jama’itide, bolupmu uyghur yashlirida ghurur, milliy iptixarliq we kelgüsige bolghan ümid-ishenchilirini oyghatti.

Musabiqidin kéyin ziyaritimizni qobul qilghan gheyur ghalip özining boks saheside qolgha keltürgen netijilirining eng aldi bilen uyghur xelqige mensupluqini, tirishchanliq we üzlüksiz algha ilgirilesh iradisi bolsila erkin dunyada yashawatqan uyghur yashlirining choqum özliri qiziqqan sahelerde muweppeqiyet qazinalaydighanliqini bildürdi.

U yene özining birqanche yillar ilgiri ata-anisi bilen bille norwégiyege kélip olturaqlashqanliqini, özi kichikidin bashlap hewes qilip kelgen boks chüshining bu elde asta-asta ré’alliqqa aylan’ghanliqini, emma buning üchün hessilep tirishchanliq körsetkenlikini tilgha aldi.

Boks mahiri gheyur ghalipning anisi hajigül hamut xanimmu radiyomiz ziyaritini qobul qilip, oghlining téxi shunche yash turup boks saheside bir qatar netijilerni qolgha keltürgenlikini, özining buningdin qattiq pexirlen’genlikini bildürdi. U yene bir ana bolush süpiti bilen muhajirettiki uyghur ata-anilargha perzentlirining qiziqishi we iradisige sel qarimasliqni, ata-anilarning qollishi we ilham bérishining herqandaq bala üchün ghayet zor meniwi hésablinidighanliqini tekitlidi

Biz axirida yene norwégiye uyghur putbol komandisining meshqawuli mutellip ependini ziyaret qilduq. U mundaq dédi: “hazir wetende dawamlishiwatqan yuqiri bésimliq siqintiliqni hemmimiz bilimiz. Mushundaq shara’itta gheyur ghalipning boks saheside qolgha keltürgen netijiliri muhajirettiki yashlirimizgha ümid, ishench we teselli béghishlaydu, dep oylaymen.”

Yash bokschi gheyur ghalip ata-anisi bilen nöwette norwégiyening jenubidiki kristi’ansand shehiride bille yashimaqta. U 2016-yilidin buyan shimaliy yawropadiki oxshimighan döletlerde ötküzülgen boks musabiqilirige on nechche qétim qatniship, ilgiri-kéyin 3 altun médal we 1 kömüsh médalgha érishken.oghuzxan

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: