Ilham Toxtini 2018-Yilliq “Nobél Tinchliq Mukapati” gha Namzat Körsitish Ishi Dawamlashmaqta

Xitay türmisidiki uyghur ziyaliysi ilham toxtini 2018-yilliq

Xitay türmisidiki uyghur ziyaliysi ilham toxtini 2018-yilliq “nobél tinchliq mukapati” gha namzatliqqa körsitish üchün, yawropa parlamént ezasi ilxan küchük ependining qoyghan imzasi. 2018-Yili 10-yanwar, bélgiye paytexti biryussél.

 RFA/Ekrem

Gérmaniyediki ilham toxti guruppisining re’isi enwer jan ependi radiyomiz ziyaritini qobul qilip, mezkur guruppa xitay türmisidiki uyghur ziyaliysi ilham toxtini 2018-yilliq “nobél tinchliq mukapati” gha namzatliqqa körsitish üchün imza toplash pa’aliyiti élip bériwatqanliqi, bir qisim siyasiy erbablar we ziyaliylirining imzasini tapshurup alghanliqni bildürdi.

Enwer jan ependining bildürüshiche, ilham toxtini 2018-yilliq “nobél tinchliq mukapati” gha körsitish üchün imza toplashta “ilham toxti guruppisi” ning hawalisi bilen dunya uyghur qurultiyining re’isi dolqun eysa ependi 10-yanwar küni yawropa parlaméntidiki ilxan küchük ependi qatarliq 6 neper muhim erbabning imzasini alghan. Nöwette yene ilgiriki yillarda “nobél tinchliq mukapati” bérilgen tibetlerning rohaniy dahiysi dalay lama qatarliq erbablar, gherb döletliridiki tesiri küchlük siyasiy teshkilatlar we ziyaliylarning imzasini toplash pa’aliyiti jiddiy dawamlashmaqtiken.

Melum bolushiche, 1-ayning 10-künige qeder yawropa parlaméntining mu’awin re’isi fabi’o kastaldo, parlamént ezasi ilxan küchük, hélga trüpél, lazlo tokes, ignazi’o korra’o qatarliqlar namzatliq jedwélige imza qoyghan.

Enwer jan ependi radiyomizgha yollighan uchurida yene yawropadiki tesiri küchlük siyasiy teshkilatlardin merkizi en’gliyediki libiral intérnatsi’onalning ilgiriki re’isi, nöwettiki pexri re’isi gollandiyelik fan ba’alén ependining ilham toxtini 2018-yilliq “nobél tinchliq mukapati” gha namzat qilip körsitish heqqide yazghan chaqiriqinimu qoshup ewetken.

Fan ba’alén ependi chaqiriqida néme üchün ilham toxti ependini 2018-yilliq “nobél tinchliq mukapati” gha namzat qilip körsitishning muhimliqi heqqide toxtilip, “uyghurlarning meshhur ziyaliysi ilham toxti 2017-yilliq dunya erkinlik mukapatining sahibi. Biz nöwette uni yene 2018-yilliq nobél tinchliq mukapatigha namzat qilip körsitishni teshebbus qiliwatimiz. Buning sewebi ilham toxti ependi nöwette diniy étiqadi, medeniyiti we siyasiy hoquqi basturulushqa uchrawatqan uyghurlar we xitay xelqining nöwettiki weziyiti heqqide di’alog yoli arqiliq pida’iyliq körsetken awan’garttur,” dégen.

Enwer jan ependining bildürüshiche, ilham toxtini 2018-yilliq nobél tinchliq mukapatigha namzat qilip körsitishke imza toplash herikitige chet’ellerdiki tesiri küchlük xitay ziyaliylirimu awaz qoshqan bolup, enwer jan ependi 11-yanwar küni amérikidiki xitay démokrat ziyaliyliridin sha yélyang ependining imzasini tapshurup alghan.

Enwer jan ependining bildürüshiche, chet’ellerdiki uyghur pa’aliyetchiliridin dunya uyghur qurultiyining ilgiriki re’isi, erkin aliptékin ependimu ilham toxtini 2018-yilliq “nobél tinchliq mukapati” gha namzat qilip körsitish xizmitige yéqindin hemkarlashmaqtiken. Erkin aliptékin ependi “nobél tinchliq mukapati” ning sahibi dalay lama qatarliq erbablargha ilham toxtini 2018-yilliq “nobél tinchliq mukapati” gha namzat qilip körsitish heqqide hawale mektupliri ewetken.

“ilham toxtini qutquzush guruppisi” ning mu’awin re’isi maré holzman xanim radiyomiz ziyaritini qobul qilghinida, ilham toxtini2018-yilliq “nobél tinchlik mukapati” gha namzat qilip körsitishke imza toplash herikiti nöwette yenila dawamlishiwatqanliqi üchün, hazirche bu heqte tepsiliy melumat bérishning baldurluq qilidighanliqini bildürdi. U, 1-ayning axiri mexsus radiyomiz ziyaritini qobul qilip, imza toplash herikiti heqqide téximu tepsiliy melumatlarni béreleydighanliqini bildürdi.

Ilham toxti ependini 2018-yilliq “nobél tinchliq mukapati” gha namzat qilip körsitish teshebbusigha xitay ichidiki kishilik hoquq pa’aliyetchilirimu aktip awaz qoshmaqta. Xelq’arada tonulghan kishilik hoquq pa’aliyetchisi 2008-yilliq “saxarof erkinlik mukapati” ning sahibi xu jya ependi ene shularning biri. Xu jya ependi ilgiri radiyomiz ziyaritini qobul qilghinida, uyghurlarning heqqaniy hoquqliri üchün bedel töligen uyghur ziyaliysi ilham toxtining “nobél tinchliq mukapati” gha eng layiq namzat ikenlikini bildürgen we ilham toxtining béyjingdiki a’ilisining ehwali heqqide radiyomiz uyghur bölümige üzlüksiz melumat bérip kelmekte.

12-Yanwar küni özining bir mezgillik dawalashtin kéyin doxturxanidin öyige qaytip kelgenlikini, hazirche awazliq ziyaretni qobul qilish imkaniyiti yoqlighini bildürgen xu jya ependi uchur yollap, doxturxanidin chiqipla ilham toxtining béyjingdiki ayali güzelnur xanim we baliliri bilen körüshkenlikini, ilham toxtining baldurraq erkinlikke érishishi üchün uninggha yenimu köpligen xelq’araliq mukapatlarning bérilishi kéreklikini, dunyaning bu uyghur ziyaliysini untup qalmasliqini bildürdi.

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: