Qaraqashtiki Ot Öchürüsh Xadimi Nahiyediki Atalmish”Yépiq Terbiyelesh Merkezliri” Heqqide Melumat Berdi

“yépiq terbiyelesh merkizi” aldida posqa turghan saqchilar. 2017-Yil 2-noyabir, korla.

 AP Photo/Ng Han Guan

Aldinqi küni muxbirimizning ziyaritini qobul qilghan qaraqash nahiyelik ot öchürüsh etritining bir neper xadimi qaraqashtiki “yépiq terbiyelesh merkezliri” ning sani we orni heqqidimu melumat berdi. Bu xil “terbiyelesh merkezliri” ning “intayin köp” ikenlikini tilgha alghan mezkur xadim, özi peqet bulardin 4 merkezning namini bilidighanliqi, bulardin “poyiz istansisi terbiyelesh merkizi” dila minglarche kishining barliqini bayan qildi.

Qaraqash nahiyelik ot öchürüsh etritining xadimi qaraqash nahiyeside “yépiq terbiyelesh merkezliri” ning intayin köp ikenlikini tilgha aldi. U xizmet teqsimatidiki perq tüpeylidin bu merkezlerning omumiy sanidin xewersizlikini, emma özlirige, yeni ot öchürüsh etritige yéqin etrapqa jaylashqan 4 merkezdin xewiri barliqini ashkarilidi. Uning déyishiche, bu 4 merkez, poyiz istansisi terbiyelesh merkizi, kespiy ottura mektep terbiyelesh merkizi, bostanköl terbiyelesh merkizi we keyfachü, yeni tereqqiyat rayoni terbiyelesh merkizi qatarliqlar iken.

Ilgiri qaraqashtin igilen’gen uchurlirimizda “poyiz istansisi terbiyelesh merkizi” we “bostanköl terbiyelesh merkizi” din bashqa 2‏- we 6‏-ottura mektep shundaqla qaraqash darilmu’ellimin mektipiningmu “terbiyelesh merkizi” ornida ishlitiliwatqanliqi ashkarilan’ghan idi.

Qaraqash nahiyelik ot öchürüsh etritining xadimi yuqiriqi merkezlerde terbiyeliniwatqanlarning sanini éniq bilmeydighanliqi, emma poyiz istansisi terbiyelesh merkizini qaraqashtiki “yépiq terbiyelesh merkezliri” arisida eng chong dep bilidighanliqini, uningda nechche ming kishining barliqini bayan qildi. U, “mezkur merkezde 10 mingdin artuq kishi bolushi mumkinmu?” dégen so’alimizgha “shundaq, yeni mumkin” dep jawab berdi.

Ot öchürüsh xadimi söhbitimiz dawamida yene mezkur merkezning meqsiti heqqidimu bilidighanlirini ashkarilidi. U bu merkezlerning dölet tili öginish we kespiy iqtidar yétildürüsh üchün tesis qilin’ghanliqini éytti, biz uningdin bu merkezlerning siyasiy-idiyewi ghayisini sorighinimizda u “wetenperwerlikni oyghitish we milletler ittipaqliqini shekillendürüsh” dep jawab berdi.

Mezkur xadim yene shunche köp “terbiyelesh merkezliri” de, uningdiki nechche minglighan “terbiyelen’güchi” ler ichide xitay millitidin birmu kishining yoqluqini ashkarilidi. Biz uningdin buning sewebini “xenzularning wetenperwerliki yéterlik bolghanliqi üchünmu” dep sorighinimizda, u buning sewebini bilmeydighanliqini éytti.

Hazirghiche ashkarilan’ghan uchurlardin qaraqash nahiyesidiki “yépiq terbiyelesh merkezliri” din 7 sining orni aydinglashti. Chet’ellerdiki qaraqashliq muhajirlar, qaraqashtiki eng chong merkezlerdin biri bolghan poyiz istansisi terbiyelesh merkizide 10ming etrapida kishi barliqini ilgiri sürüshmekte.shöhret hoshur

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: