Yawrupa Parlaménti Aldida 5 Ming Kishilik Namayish Chaqiriqi

MpPoWtFTQqfbPlo-800x450-noPad

 

Möhtirem wetendashlar,

Dunya uyghur qurultiyi künsiri éghir zulum astida qiyniliwatqan eziz xelqimizning yürek sadasini gherb démokratik döletlirige tesirlik rewishte anglitish we yawrupa parlaménti, yawrupa ittipaqini sherqiy türkistandiki xitay zulumigha qarshi jiddiy qararlar qobul qilish hemde emeliy bésim qilishqa chaqirish meqsidide, yawrupa ittipaqining bélgiye paytexti biryusséldiki parlamént we yawrupa komisiyonu binasi aldida 4 – ayning 27 – küni 5 ming kishilik namayish ötküzüshni qarar qildi.

Namayishta yawrupa ittipaqi, yawrupa parlaménti, yawrupa komisiyonining rehberliridin namayishchilar wekillirini qobul qilish telep qilinidu we sherqiy türkistan xelqining yürek sadasi, muhajirettiki uyghurlarning telep – istekliri ulargha biwaste yetküzilidu.

Dunya uyghur qurultiyining teshebbusi bilen, yawrupa döletliridiki uyghur jama’itining küchini asas qilghan bu pa’aliyetni, wakaletsiz milletler teshkilati qatarliq xelq’‍ara teshkilatlar, gérmaniye, norwégiye, gollandiye, shiwétsiye, shiwetsariye, en’giliye, fransiye, bélgiye we finlandiyediki uyghur teshkilatliri we jama’et wekilliri hemde siyasiy aktiplar birlikte teshkilleydu. Bu namayishqa yawrupadiki türk we bashqa qérindash milletler, uyghur dawasigha hésdashliq qiliwaqtan yawrupaliq dostlarmu keng da’iride seperwer qilinidu.

Yawrupadiki bu namayishqa qatnishish imkaniyiti bolmighan, shimali amérika, awsitraliyede, türkiye we yaponiye qatarliq qit’e we döletlerdimu oxshash künde namayish élip bérilidu.

Dunya uyghur qurultiyi yene, weten sirtidiki xanim-qizlirimizning özligidin teshkillinip, 3-ayning 15-küni dunyaning herqaysi jaylirida ötküzmekchi bolghan “ün-tünsiz itiraz büldürüsh” namayish chaqiriqigha barliq teshkilatlarning yéqindin awaz qoshup, xanim-qizlirimizning bu aliyjanap, jesurane herikitini qollashqa chaqiridu.

Muhajirettiki sherqiy türkistan milliy herikiti tarixida öchmes iz qalduridighan keng kölemlik bu pa’aliyetlerni pütün dunyadiki uyghur jama’itining qizghin qollap quwwetlishini, wetensizlik derdide yürek – baghri qan bolghan elsöyer qérindashlirimizning bahane – seweb körsetmestin bu pa’aliyetke aktip qatnishishini jiddiy telep qilimiz!

Weten – milletning derdige tilimizdiki shu’ar yaki qelbimizdiki hés –hayajanlar derman bolalmaydu. Emeliy herikitimiz bilen yawrupa parlaménti aldida milletning iradisini, xelqimizning arzu – armanlirini shundaq bir hayajanliq jakarlayliki, minglarche ayyultuzluq kökbayraq, jarangliq shu’ar sadalirimiz parlamént binalirini lerzige salsun we parlamént ezalirining qisqa muddet ichide mezlum sherqiy türkistan toghruluq ünümlik qararlar élip, mustebit xitay hakimiyitining dehshetlik basturushlirigha chek qoyushigha türtke bolsun!

Qelbide weten söygüsi, milliy héssiyati hakim bolghan qérindashlirimiz üchün 3 ay teyyarliq qilish zamani bar. Ish ornidin ruxset sorap, bir künlik waqtini bu mubarek ghelyan’gha ajritish pursetliri mewjud. Bu, herbir uyghur üchün bir imtahan. Bu sinaqtin ötelmigen uyghur özining milliy kimlikige, eqidisige, insanliq sheripige so’al qoyushqa mejburdur.

Biz yawrupa tupraqliridiki barliq er – ayal qérindashlirimizni özi turushluq döletlerdiki uyghur teshkilati rehberliri we yaki dunya uyghur qurultiyi merkizi bilen biwaste alaqiliship, 4 – ayning 15 – künidin burun tizimgha aldurushlirini we bir künlük seper hazirliqida bolushlirini telep qilimiz.

Qisqa muddet ichide, yawrupa döletliridiki uyghur teshkilatliri mes’‍ulliridin terkip tapqan NAMAYISH TEYYARLIQ KOMMÉTITI qurulidu we namayish hazirliq ishlirigha rehberlik qilidu.

https://www.change.org/p/united-nations-china-release-the-1-million-uyghurs-detained-in-nazi-style-concentration-camps?recruiter=156779565&utm_source=share_petition&utm_medium=facebook&utm_campaign=autopublish&utm_term=psf_combo_share_message.undefined.nafta_petition_show_share_buttons.control.nafta_psf_sequential.control

Allah qelblirimizni birleshtürsun! allah küreshlirimizge nusret ata qilsun!

Dunya Uyghur Qurultiyi

2018-yili 1-ayning 22-küni

 

http://www.uyghurcongress.org/uy/?p=34511

Advertisements

About The Eastturkestan Government in Exile
The Official Website of Eastturkestan Government in Exile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: